Versículos más leídos de la Biblia Zuwã 8

Compartir

Tawamhã Zezusi hã te te duré dama rowasu'u wamhã, te ãne dama siwasu'u: — Wa hã dama rowa'a'wa, ti'ai ãma 're idahâimana za'ra mono norĩ ma hã. Ni'wa hã ĩzarina morĩ wamhã, niwa robra na ihâimana da hã, mare di. Rowa'a si 're ihâimana u'âsi mono zéb 'remhã te za tãma 're hâimana.

Tawap si te za tô sena 'Re ihâimana u'âsi mono nhimiroti hã iwaihu'u za'ra wa'wa. Tawamhã tô sena ta hã te za aiwasété hawi asani za'ra wa'wa, asima iwẽ na 're aihâimana za'ra wa'aba mono da.

Tawamhã Zezusi hã te Zudeu norĩ ma tinha, te te isaze za'ra norĩ ma, ãne: — Asiptete sina ĩnhimiroti na 're aihâimana za'ra wa'aba mono wamhã, ĩzaze uptabi 'wa te za 're anomro aba mo.

Tahawa, I'ra hã aiwasété hawi te te asani za'ra wa'aba wamhã, te za tô asima iwẽ na 're aihâimana za'ra wa'aba mo oto.

Ma tô nasi siwi sadanha, õne si. Tahawa Zezusi hã ma tô oto za hâiwi. Ãne te tãma nharĩ za'ra: — Ni'wa ai'reb za'ra wa'aba hã wasété ãna 're morĩ wamhã, te te dama simrimi 'rata, ẽtẽ na.

Tawamhã Zezusi hã ma ãma sada'âbâ za'ra, ãne: — Tô sena wa za aima waihu'u za'ra wa'wa, ãne: Dawasédé hã da te 're 'manharĩ u'âsi za'ra mono wamhã, dawasété wi hã 're dawairébé waihu'u mono õ di, wada'uri zarina titede'wai ma romhuri'wa norĩ hã tinhib'ihâ'a wi 're iwairébé waihu'u mono õ ne.

Tawamhã Zezusi hã ma tô duré wahudu. Ãne te pi'õ sadanha: — E mahãta te te we siwi i'asaprõni norĩ hã. E ni'wai õ di, aiwasédé te te ai'ãma ihiri wasété da hã, da te aima rob'manharĩ wasété da. Tawamhã pi'õ hã ma sada'â, ãne: — Maze di. Ni'wa hã sab õ di. Tawamhã Zezusi hã te tãma tinha, ãne: — Tane tô. Wa hã te duré aiwasédé hã ai'ãma hiri õ di za, da te aima rob'manharĩ wasété da hã. Mo oto aimorĩ. Aiwasédé hã 're 'manharĩ zahu mono tõ.