Versículos más leídos de la Biblia Romanone 3

Compartir

Gi rixanu pejnuruneko mukochirewata. Gi rapkapluna wa royaknu Goyakalu. Ga wa rumutlewle chinanu Goyakalu muklukanuwnakaakone rixkakna. Walenwa renekashle, gi rixanu Kristo Geso wenutlu yine gognewatinripa.

Poyagkaklewle Goyakalu, Geso Kristo galixikolu chinanu, wannanupni ralixjene pejnunanuka. Gi rixanu pixkakaklunni.

Goyakalu galukyawaka, Geso chinanukni kaspuuka yineru mukochire ralixleya, Gesograga chinanu. Wane rixa gipgujewnakakletlu Goyakalu poyagkakachri rixinri, wa wane rixa getashletlu wmukochire wa muchikawa wkamrutanrukaka. Pogetwamonrewlu rixkalchinanu Goyakalu, rumatyapluna yine wa galikakni poyagkakachrini Wale tyegognekakaya, gi rixanu tyegogneko poyagkakachrini Wale, ga wa poyagkakachri rutaklu yineru, Geso ralixinri chinanu.

Gi rixanu wa Tokanchi Yokanatkaluru kamrutkalchinanu gi pamanennako muklukanuwnakaakonepni Wale yegi. Gi rixanu Tokanchi Yokanatkaluruya rumatika wa mukochri.

Wane chinyongatyawaka: Maleshlu poyagkakachri, gi satunako. Maleshlu gimata jemachri. Maleshlu satu Goyakalu gijgachri. Pejnuruneko gitspalata. Gike gapine rixkanna. Pawane gixkalunenatkanina. Maleshlu satu kigleru kamrutachri.

Giyagni wyanshinikanutlu muklukanuwnakaakotu rixinripa wa yineru ralixleya, wa Tokanchi Yokanatkaluru kamruremigjeya.

Gike rixiniko. Seyni wa Goyakalni myokwiretu ga wa ptowruko yineru kayloklerunmakni, wa tokanchi yonatkaluru chinyawaka: Wa Pixa, Goyakalu, muklukanuwnakaakotupyi pchina yanumsaletinri; Wa paalirewatinripa wa putakyagokikolupmaka.