Versículos más leídos de la Biblia Shomano 9

Compartir

Esejaya ebaꞌejjijo pojjeamajo, esejaya ejjashahuabaquijjijo pojjeamajo peaꞌai ese nijje quea bei poani Eyacuiñajji. Chojja, ojaya quea jea nee nee poanijo ohuaya eseya jaahuana cani, ese nijje quea bei poani peaꞌai.

Ohuaya Moisesi huohui ca poa jama baꞌa: “Eya beca cuana nijje quea bei poani. Beca cuana eyaya jaahuanaña. Cua eya quea jea aña eyaya babacaña” Eyacuiñajjiya aca poa.

Eyaya miquianaya sajaꞌaña jama baꞌa: ¡Aꞌa Eyacuiñajji niñebajji! Miquianajaya Eyacuiñajji emimicuiajeanobiajeajji pojjeama. Jama baꞌa: Meshimisi iñacajjiya meshimisi pana majje iñaca cani shajjajji acani. ¿Aꞌa meshimisiya tecuea caje meshimisi iñacajji jama baꞌa: —¿Apiojji acuaeya miyaya eya jamaya anaje soꞌo? —aꞌa jamaya meshimisiya acani? Cho, jamaya po ajja meshimisi.

Eꞌe, Eyacuiñajji beca cuana nijje quea bei poani. Ojaya mimishi cuana cuijea cani. Pea cuana nijje ca ca chojja, quea bei pojjeama po tiitiiani shajjamajojo. Mimishi pajea meeꞌyo jjima tii tii acani Eyacuiñajjiya.

Meshimisi iñacajjiya meshi iña majje ojaya ejjashahuabaquijji jayojja jama acani. Eꞌe pojjaꞌa meshimisi quea bame nee nee asa acani, yiye bame nee nee a sa acani pojjaꞌa. Ojaya ejjashahuabaquijji jayojja jama panaꞌyome acani.