Versículos más leídos de la Biblia 1. Kjennichs 19

Compartir

Un no daut Ieedbäben kjeem een Fia. Oba de HAR wia nich en daut Fia. Un no daut Fia kjeem eene nate, leise Stemm.

un hee jinkj noch eenen gaunzen Dach wieda en de Wiltnis nenn. Doa sad hee sikj em Schauten von een Boom dol. Un Elia wenscht sikj dän Doot un säd: Dit es jenuach, HAR. Nemm mien Odem von mie. Ekj sie nuscht bäta aus miene Vodasch.

Un de HAR säd: Go emol rut un sto ver mie opp däm Boajch. Un de HAR kjeem doa vebie, un ver am wia een groota stoakja Wint, dee de Boaj opreet un de Steena tweibruak. Oba de HAR wia nich en dän Wint. Un no däm Wint kjeem een Ieedbäben, oba de HAR wia uk nich en daut Ieedbäben.

Un aus Elia dee hieed, bedakjt hee sien Jesecht met sienen Rock, dän hee aun haud, un jinkj bat ver de Heel. Un doa säd eene Stemm to am: Waut deist du hia, Elia?

Doa jinkj hee no eene Heel un bleef doa. Un däm HARN sien Wuat kjeem no am un säd: Elia, waut deist du hia?

Un hee stunt opp un eet un drunk, un met de Krauft von daut Äten, jinkj hee fa 40 Doag, Dach un Nacht, bat Horeb, däm Gottesboajch.

Un hee läd sikj unja dän Boom un schleep. Un met eemol wia doa een Enjel, dee am aunschieed un säd: Sto opp un at.

Un däm HARN sien Enjel kjeem toom tweeden mol, un schieed am aun un säd: Sto opp un at. Du hast noch eene lange Reis ver die.

Un hee säd: Ekj sie iewrich jewast fa dän HARN, dän Gott, dee aules rejieet. De Israeliten haben dienen Bunt veloten. See haben diene Aultoaren dol jeräten, un see haben diene Profeeten met daut Schwieet omjebrocht. Un ekj auleen sie äwajebläwen, un see stonen mie no, daut see mien Läwen nämen.

Un hee kjikjt doa om sikj un wundad sikj daut hee bie sien Kopp een Broot sach, daut opp heete Steena jebakt wia, un uk Wota. Un aus hee jejäten un jedrunken haud, läd hee sikj wada han un schleep.

Dan schekjt Isebel am Norecht un säd: Lot de Jetta dit un daut äwa mie doonen, wan ekj bat morjen om disen Tiet nich met dien Läwen jedonen hab, soo aus du met eent von dise.

Oba en Israel woa ekj 7.000 aum läwen hoolen, soone waut sikj nich ver Baal jekjneet haben un dee am nich jekust haben.

Dan veleet Elia von doa un funk Elisa, Schafat sien Sän, dee jrod plieejen deed. Hee wia met daut latste von twalw Ossenjespauns. Un Elia jinkj bie am vebie un schmeet sienen Mauntel opp Elisa nopp.

Un hee rand trigj un neem een Ossenjespaun un muak een Opfa von daut. Hee koakt daut Fleesch äwa daut Holt von daut Joch un jeef de Menschen, daut see eeten. Dan veleet hee un jinkj met Elia un deend am.

Un Elisa leet de Ossen un rand Elia hinjaraun un säd: Lot mie mienen Voda un miene Mutta kussen. Dan kom ekj met die met. Un hee säd: Go trigj. Hool em denkj, waut ekj die jedonen hab?