Versículos más leídos de la Biblia Isaias 11

Compartir

Ang Espiritu sa GINOO maanaa kaniya ug mohatag kaniyag kaalam ug kahibalo ug katakos sa pagmando sa iyang katawhan. Mahibaw-an niya ang kabubut-on sa GINOO ug magbaton siyag kahadlok ug pagtahod kaniya ug malipay siya sa pagsugot kaniya. Dili siya maghukom sumala sa iyang makita o pinasikad sa iyang madungog.

Ang harianong kaliwatan ni David nahisama sa usa ka kahoy nga giputol. Apan sama nga ang tuod manalingsing, motungha usab ang usa ka bag-ong hari gikan sa kaliwatan ni David.

Hukman hinuon niya sa katarong ang mga kabos, ug hatagan niya sa hustisya ang mga walay ikapanalipod sa ilang kaugalingon. Pinaagi sa iyang sugo, silotan ang katawhan ug mamatay ang mga tawong daotan.

Mandoan niya ang iyang katawhan pinasubay sa hustisya ug katarong.

Dili na sila magpinatyanay didto sa balaang bukid sa Dios, kay ang kahibalo sa GINOO molukop man sa tibuok kalibotan sama sa tubig sa kadagatan.

Magtipon na pagpuyo ang lobo ug ang nating karnero, ang nating kanding ug ang liyopardo, ang liyon ug ang nating baka, ug gamayng bata ang maggiya kanila.

Niadto unyang panahona ang hari nga kaliwat ni David mahimong ilhanan alang sa tanang katawhan. Ang kanasoran modangop kaniya ug mapuno sa himaya ang iyang puloy-anan.