Versículos más leídos de la Biblia Pr 3

Compartir

Yet' wal smasnil a c'ojol, tza'n 'och a nab'en 'a Jehová, man̈ a'ch a jelnal yipc a c'ojol. Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li. Toto 'ixta', 'oj b'ut'jc a c'un̈a yuj sat awb'en cha, caw 'oj b'ut'joc pax yet'l yal a uva.

Man̈ actc can a b'eylb'an chamc'ojlal yet' yiclumal, molcn wal 'a a nab'en, man̈ ac' sat a c'ojl 'a 'a.

Ach wunnal, a yic tzach ya'n cuenta Jehová, man̈ a na' to may yel'chi. Man̈ ach tzactzjoc, yic tzach stenn 'och wa'an. Yujto a eb' chamc'ojlbil yuj Jehová, caw tzyac' cuenta eb' 'icha wal tzyutj junc mamb'il ya'n cuenta yunnal to tzalj yet'oc.

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en, sec 'oj najtxb'oc a q'uinal, caw tzaljc'ojlal 'oj eq'ui.

Caw tzaljc'ojlal yic junc mach tzyij sjelnal, tzq'uib' pax snab'en. Yujto yel xo caw wach' jun chi 'a yib'n̈ q'uen plata, 'ec'b'alto swach'l 'a yib'n̈ q'uen oro. A jelnal cha, yel xo wal 'ec'b'al yel'ch 'a yib'n̈ q'uen q'uen man̈x jantcoc sja'l yilxi, matz tac' slajb'tzax yet' jun tzo'n̈ tas caw wal nib'b'il.

Man̈ a b'asc junc tas 'a junc mach tznib'j tzach colwj 'a 'a. Toto 'ay tas 'ay 'a yol a c'ab' tzela, 'ac' 'a jun cha.

A yet' sjelnal, yet' swach' nab'enal Jehová, 'ix sb'on satcha'an̈, yet' lum lum tic.