Versículos más leídos de la Biblia Pr 1

Compartir

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il. Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'. Ax xo tze chaj eyab' tas tzwala, 'oj e cann̈j 'a junc'ojlal, may junc tas 'ay smay 'aj 'oj e xiwi, xchi Dios.

A eb' 'ay snab'en yet' eb' 'ay sjelnal, smaclc cab' eb' yab'i', sec tzwach' q'uib' snab'en eb', yet' sjelnal eb'.

Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

A jun tzo'n̈ tic spaxti Salomón, win yunnal David sreyl chon̈b' Israel. 'Ix tz'ib'x cani sec wach' tzalx 'el jelnal yet' cuynb'il. Tzcolwj jun tzo'n̈ paxti tic yic tz'ojcax 'el jun tzo'n̈ paxti to caw 'ay yel'chi. Yu'uj tztac' qui b'eylb'anec jelnal, wach'il, tojlal, yet' pax te'nal. A snib'b'en Salomón to tzq'uib' snab'en eb' quelem, eb' to mant 'a snab'en. Tz'ajx yojcoc 'el eb' jun tzo'n̈ nab'en tic, sec tzyil cot sb'a eb'.

A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala, yujto tze patquilj can 'el jelnal, matz e nib'j to 'ay wel'ch an Jehová in 'a e sat.