Versículos más leídos de la Biblia 2 Reyes 6

Compartir

Octzun ten Eliseo na'l Dios ex tma: In chin cubsane twitza Nman, tu'n tjaket twitz nmajene tu'na tu'ntzun tbant tque'yin. Jakettzun twitz majen tu'n Kman ex o til, lu twi witz nojni cyu'n soldad cyjax cyibaj chej, cyuc'ix ke carwaj in c'ant k'ak' cyi'j, ate' ti'jele Eliseo.

Atzunte Eliseo xi tma'n te: —Mi'n xoba, porque mas nim ke at kuc'il twitzju cye at cyuc'il.

Tejtzun kskix tuj juntl k'ij, jaw we' tmajen Eliseo, ex tej tetz, o til ke soldad cyjax cyibaj chej, cyuc'ix ke carwaj in che ajben tuj k'oj otok baj cytxolban cyib ti'jele tnam; xi'tzun k'malte te Eliseo cyja': —Xnak'tzal, ¿ti c'oquel ki'j ja'lo?

Tej cyja'tok cyoc tzokpaj aj Siria ti'j Eliseo, oc ten na'l Dios ex tma: —In chin cubsane twitza Nman tu'n tcub tmoẍsa'na cywitz ke xjal lu. Cubtzun moẍix cywitz xjal tu'n Kman ic tza'nx otok txi tkanin Eliseo.

—¿Jatum xcu'x tz'ak? Chi Eliseo aju t-sanjel Dios. Tzajtzun tyec'un jatum cu'x tz'ak. Jawtzun ttx'emin Eliseo jun tal tze' ex xi t-xo'n tuj a', ex jaw ikan c'uxbil tibaj a'.

Pero tej in tx'emin jun ti'j jun ttze', etz jilpaj tc'uxbil, ex xi tz'ak tuj nima. Cyja'tzun jaw sch'in: —Ay xnak'tzal, nok majen saj c'uxbil wu'ne ex ma txi tz'ak tuj nima.

—K'in jatza, chi Eliseo xi tma'n. Xitzun tnukpi'n tk'ab ex jatz ti'n tc'uxbil tuj a'.