Versículos más leídos de la Biblia Rom 3

Iyaäm üküt nila ngulai ini bi awlaw Hnadaga käh a wachang känäng awhlawm hlaw a ini mäi. Äini Hnadaga käh khetjen äng Yĕsu Krito äng ngulai känäng anih la ähläh büneyal ula Hnadaga khäka konghmuh sang ini thänei.

Yĕsu Krito a ini yumei saw jiji äng dä khrawng khäl Hnadaga hmawi mawh a konghmuh sang ini thänei saw. Krito a yumei tih khrawng khäl khe koong dä Hnadaga la ni bi bisaw. Iyaäm Yudi awlaw Yudi hiyahtih dukäng iha okhoih mäyah.

Hnadaga la nangkei koong Yĕsu Krito a hlu. Ula Yĕsu Krito a yumei äm, äi uyum äng dä anih käh ngulai khäl kheni ähläh ini büneyal. Hnadaga la ni bi äng sawkbrat Ani konghmuh sang ting dawnei. Iyaäm ayang äng Ani la chunei hüt awlaw khrawng khäla ini tawn saw huih dam äng khraw hütah. Ani chaw Yĕsu a hlusaw äng Hnadaga la upuma konghmuh sang ting äi khaw a dawnei. Äi äng Ani che ihisaw tara bitih awlaw Yĕsu a yumei tih khäla konghmuh sang ting tak hnäng saw Ani la dawnei.

Thung ini ngei saw äng Hnadaga la hngata ha konghmuh sang ting hawuvah. Iyaäm thung la dä nangkei a epret mawh ting khrawng hmawtei sawk saw.

Kiyam äng yoei, “Konghmuh sang hngat ha mäi u hngat bang mäi u. Hngat ha yawchu tih mäi u. Hngat la ha Hnadaga a ini tämaih saw hno ti u.” “Anih ükütni hiyah saw lawm äng ini chet, anih ükütni usum vawngah pak ini thänei chak däk, bi pawi bitih che hngat ha mäiti u, Pochongak ha mäiti u.

Iyaäm nangkei ini hmawt, Hnadaga la khrawng khäla uyum koong dä epret mäyahtih ting lawkei saw, thung khäl ini ngei saw koong hiyah.

Asang bang hiyah. Khrawng khäl kheni ini hlei thän, Hnadaga che sawkbrat ni ihi khäh. Kiyam äng yoei, “Nang nupum käh kheu äng konghmuh sang ting näthänei awlaw tara khaw a nang no ongai.”