Versículos más leídos de la Biblia Ɓalɔma 3

Compartir

Ɓombi ɓaɓomu ɓa꞉kɨa ɓʉɓɨɓɨ, nɔ, ʉbɨba ngʉwɔ Asɔɓɨɨ, wangɔmʉ ɓata akʉʉ eɓo pɔ bele. Yakamɛngana, ya ɨngbaa akɔ ɨjɨɔ, nɔ, iɗo iɗo ngɨa Asɔɓɨɨ, ɨyɛ, ɓombi ɓa-ɔɔ anɨnɨanɨa ndʉ ɓa ngbingbii, amatɨ ɔ Yeso Klisito ngɨa aɓʉkayakɨa.

Asɔɓɨɨ asɨka mombi ndʉ a ngbingbii apɛɨ angɔ ta ɨngbaa akɔ báya Yeso Klisito. Akɔkɨa ɓanɨ akɔ mombi muɓomu ngɨa anɔ báya, dɔ ɨyɔ, angɔnapiokomʉ ɓombi nɔ mababa, nɔ, ɓombi ɓaɓomu ɓa ta ngbanga apɛɨ angɔ.

Asɔɓɨɨ e꞉njo Yeso ndʉ mutebii, dɔ, ɨngbaa akɔ ingwo ngɨangɔ, ɓombi ngʉɓa ɓa꞉mʉbaya Asɔɓɨɨ, ɓɨɓɨpaakɨa ɓʉɓɨɓɨ ngʉɓeɓo. Asɔɓɨɨ a꞉kɨa ɓanɨ, apananiso ɓʉngbingbii ngʉɓangɔ. Kʉɓanɨ, a꞉ɓio jɛnɛ mʉtɨma ʉta akɔ ɓʉɓɨɓɨ ngʉɓa ɓombi ɓa꞉kɨa pɛɨ, sɔkɔmʉ ikio mʉkɔmbʉ wɔngɔ. Yakamɛngana, ɨtakɨtakɨ ngɨyɛ, akɔpananiso ɓungbingbii ngʉɓangɔ, ɓɔ dɔ iɓio ta ngbingbii nɔ, ɨsɨka mombi muɓomu ngɨa abaya Yeso, ndʉ mombi ata ngbingbii.

Dɔ, mombi pɔ mʉngana, angɛnɨanɨa sina ngbingbii apɛɨ Asɔɓɨɨ, ɨngbaa akyananakɨa mapanʉ. Dada ngɨa ɔ mapanʉ, ya ta animbiiso mombi ɓɔ amati ɔ ɓʉɓɨɓɨ.

Ya ngbanga ndʉ aka ya꞉tɛtandanakɨa-ɔɔ amati ɔ Mabii ɓɔ: «Mombi ɔ ingono angɔmʉ pɔ mʉngana. Mombi pɔ mʉngana angɔmʉ nɔ nɨmbɨmbɨanaka, Mombi pɔ mʉngana angɔmʉ ahata Asɔɓɨɨ. Ɓombi ɓaɓomu ɓa꞉sɨa ɨngbaa sɨanɨ, ɨɓɔ ɓaɓomu ɓɔ sɛ, ɓayangaa ta yangaa. Mombi angɔmʉ pɔ mʉngana, ɨya, akɔkɨa yaka yɛta iɗo.

Isu, takɔpemiso ɓɔ mombi akwanana anɨnɨanɨa ndʉ a ngbingbii apɛɨ ɔ Asɔɓɨɨ ta ɨngbaa akɔ báya, sɔkɔmʉ ɨngbaa akɔkyananakɨa mapanʉ.

Pɔ bele! Yɔkwananɔ anɨmbɨanɨa ɓɔ Asɔɓɨɨ asugo ɨyɔ ta yaka yɔ ingono, nɔ mombi muɓomu a ta mombi ɔ mʉjɛɛ, ngbanga ndʉ aka yatɛndanakɨa-ɔɔ amati ɔ Mabii ɓɔ: «Ɛɛ Asɔɓɨɨ Aba, Yɔkwananɔ ɓɔ yɨmbɨanɨa ɓɔ wanɔ ingono amati ɔ yaka ngɨyɛ wakɔsugo. Nɔ, ɓɔnapɨeni nɔ mʉkɔmbʉ wanagaaka ta nagaakanɨ.»