Versículos más leídos de la Biblia 1 Korintios 6

Compartir

¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende, soke o Del pochinda tumen. Goleke, morabi te blagosin e Devle tumare esnagaia.

Na muken te kojavel tumen niko, tumen llanen kai gola kai cheren o bilachipe ni ka avel len ttan ande charoina e Devleki. Gola kai denpe ando kurvaluko, gola kai blagosin avere devlen, ni e murusa kai si sargo diskinie, ni e murusa kai cheren kurvaluko e murusenchar, ni e chorane, ni e lakomura, ni e matarne, ni gola kai den armaia. Ni iek lendar ni ka den ande charoina e Devleki.

Nasen akana katar o kurvaluko, soke varesavo bilachipe kai cherel o manus ni meliarel pi esnaga, a ko cherel o kurvaluko cherel o bilachipe pe esnagake.

Nesave llene ppenen gia: “Me sai cherau so me mangau.” Gua si chachipe, a na sa so mangel o manus trubul le. A te cherau so me mangau morabi te na mukau nisavi ezgoda te gazdaril pe ma.

Ta gia sar o Del vazdia e Gazda katar o meripe, isto gia ka vazdel amen katar o meripe pe zoriaia.