Versículos más leídos de la Biblia FILIPI 2

Compartir

Mi nahsuahnak nei in, mahih zawn lawng ruat ih, mahih hminṭhatnak lawng hawl in zianghman tuah hlah uh. Pakhat le pakhat tangdor awk tonnak thinlung nei uhla midang hnakin ka ṭha deuh tiah ziangtik hmanah ruat aw hlah uh. Nanmah duhnak lawng si loin midang in an hrangah a thupi bikih an ruahmi kha a hmuhzia thiam ve uh.

Nan thinlung putdan cu Khrih Jesuh ih thinlung putdan vekin siseh.

Khrih cu Pathian sinak a nei ringring; Asinain Pathian bang dingah hranhram in a tum dah lo. Cu ai-ah, Amah ih lungtho tein, a sinak hmuahhmuah a taansan ih, hnen-um sinak la tahratin, Minung ah a cang ih minung pianzia in a piang. Tangdornak thinlung a nei ih, Pathian thu thlun in, Thinglamtah thihnak tiangin a tuar.

Ziangahtile amah ih tumtahmi duh dingah le nan tuahsuak dingah Pathian cu nan sungah hna a ṭuan a si.

Curuangah a saang bik hmunah Pathian in a cawisaang ih, Hmin hmuahhmuah lakih cungnung bik hmin a pek. Cuti a si ruangah, Jesuh hmin upatnak pekin, Vancung ih a ummi hmuahhmuah in siseh, Leitlun le leihnuai ih a ummi hmuahhmuah khalin siseh, an khuk an bilh ding ih, Jesuh Khrih cu Bawi a si, tiah Pa Pathian sunlawinak ah an zate in an phuang ding.

Ziang nan tuah khalah phunzai rero lo le el-aw rero loin tuah uh. Cuticun hi leilung tlun miṭha lo le misual pawl lakih a ummi nannih hi a famkim mi Pathian faate, mawh nei lo le mithiang ah nan cang ding. Van ih arsi tleu bangin leilung mi lakah tleu uh.

Curuangah, ka duhdawtmi ka rualle uh, nan hnen ka um laiih ka thu nan thlun ringring vekin le, cu hnak hmanin a thupi sawn mi cu, nan hnenih ka um lo caan khalah ka thu nan thlun ding hi a si. Rundamnak famkim nan ngahnak dingah ṭihzah le ṭhia phah in ṭuan rero uh.