Versículos más leídos de la Biblia HEBRU 9

Compartir

Cubangtuk in Khrih khal minung sualnak tlengfai dingah raithawinak hrangah voikhat a pe-aw. Cule voihnihnak a lang sal dingih cutik ahcun sualnak thu-ah si nawn loin amah a hngaktu pawl rundam dingah a si ding.

Cubangtuk in thianfainak a um thei a si ahcun ziang tlukin so Khrih ih thisen cun a thianfaiter sinsin ding! Kumkhua ih a nungmi Thlarau sungin a famkimmi raithawinak ah amah le amah Pathian hnenah a pe aw a si. A nungmi Pathian hna kan ṭuan theinak dingah, santlai lo daan thlunnak ihsin kan siaṭha thleidannak thinlung kha a thisen in a tlengfai a si.

Minung cu zokhal voikhat thih keel a si; cuih hnuah Pathian in thu a ṭhen ding.

Daan sungih a um vekin ziang hmuahhmuah cu thisen lawngin a tlengfai ih thisen a luan lonak ahcun sualngaidamnak a um lo.

Cuti a si ruangah Pathian ih a kawhmi pawl in Pathian ih a kam ciami kumkhua thlawsuah an co theinak dingah thukam thar a ngaihtuahtu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak thuai an um laiih an sualnak sung ihsin a luatter.