Versículos más leídos de la Biblia HEBRU 10

Compartir

Hmunkhatih kan pumkhawm ṭheumi kha baansan hlah uhsi. Mihrek cun an baansan naón Bawipa ih Ni a nai vivo ruangah, kannih cu pakhat le pakhat thazaang pe-aw sinsin ding kan si.

Pakhat le pakhat zawnruahnak nei uhsi; pakhat le pakhat bawm aw in duhdawtnak le ṭhatnak khal langter ton uhsi.

Ruahsannak kan nei tiih kan langtermi kha hngetkhoh zetin pom uhsi; ziangahtile a thukamnak a kimtertu Pathian cu rintlak a si.

Pathian duhnak tuah thei dingah le a thukammi co thei dingah thinfual in um uh.

Curuangah thinlung tak ngai le zumnak fel thawn Pathian cu naih uhsi. Mawhnak thinlung thianfaitermi le tidai thiang thawn tlengfaimi kan taksapum thawn Pathian cu pan uhsi.

Curuangah nan thin nau hlah uh, ziangahtile ralṭhatnak nan neih ahcun laksawng tumpi nan ngah ding a si.

Thudik kan theih ngah hnuah sualnak kha thei cingin kan tuah vivo thotho a si ahcun sual thianfai theinak dingah sual hrang raithawinak zianghman a um nawn lo. An hrangih a taangmi an covo cu a thleng cing dingmi Pathian thuṭhennak le Pathian a dodaltu pawl a kaangfai ṭhehtu ding ṭihnungza meisa kha ṭih thlohthlo in an hngak ding lawng a si thlang.