Versículos más leídos de la Biblia EFESA 4

Compartir

Cupawl ai ah pakhat le pakhat zaangfah thinnemnak nei aw ton uhla, Khrih sungin Pathian in a lo ngaidam bangin pakhat le pakhat ngaidam aw uh.

Thinlung neemnak nei uh; tangdor le thinsau in um uh. Duhdawtnak nan neihmi kha pakhat le pakhat nan zawiawk theinak in langter uh.

Nan biak awk tikah ṭongkam hraang hmang hlah uh; nan ṭong a theitu pawl in ṭhathnemnak an ngah theinak dingin ṭongṭha le ṭongmawi hmang uh.

Thinlung sungih mi huatnak le ral awknak, taksa hiarnak le thinhengnak pawl kha cemter uh. Pakhat le pakhat hauh awknak, zomtaihnak le huatnak thinlung malte hman nei nawn hlah uh.

Na thin a heng asile sualnak sungah na thinhengnak in lo luhpi hlah seh; na thinhengnak kha nitlakpi hlah. Satan kha tikcu ṭha pe hlah.

A hlan nan nun keel vekih a lo nuntertu nan nunhlun cu hlon thlang uh; cuih nan nun hlun cu mi bumtu titsa hiarnak in a thihter cuahco mi kha a si. Nan thinlung le nan ruahnak a zatein siamtharmi si ṭheh uhla, Pathian hmuihmel kengih tuahmi, a ding le a thianghlim ih a langmi nunnak dik, nan nun thar kha hruk uh.

Thlarau in a lo pekmi pumkhat sinak kha ṭunghmun dingah hmun khatih a lo ṭemkhawmtu ih remnak in hmunter uh.

“Minung hnenih laksawng a petu,” khal cu amah a si. A laksawng pekmi cu: a hrek cu tirhthlah an si, a hrek cu profet an si, a hrek cu Thuthang ṭha phuangtu an si, a hrek cu pastor an si ih a hrek cu zirhtu an si. Hi bangtuk in laksawng a peknak cu: Pathian minung pawl in Khristian hna an ṭuan thei ih Khrih ih pum an ṭhansoternak dingah a si. Cuticun kan zumnak ah le Pathian Fapa kan theihnak pakhat sungah kan finkhawm aw ṭheh ding; pitling kan si ding ih Khrih ih patling a sinak a saannak bik hmun khal kan thleng ve ding.

Cutikah cun mi bumtu pawl thuzirhnak le zinpeng zawh hai seh tiih an phuahcopmi thuphan, tisuar le thlisia pawl in khuazakipih a seep a soihmi nauhak bangtuk kan si nawn lo ding. Duhdawtnak thinlung kengin thudik kan sim kan rel sawn pei ih kan lu a si mi Khrih sungah a phunkim in ṭhang ding kan si.