Versículos más leídos de la Biblia ປະຖົມມະການ 13

Compartir

ດິນແດນ​ທັງໝົດ​ທີ່​ເຈົ້າ​ເຫັນ​ນີ້​ເຮົາ​ຈະ​ມອບ​ໃຫ້​ແກ່​ເຈົ້າ ແລະ ເຊື້ອສາຍ​ຂອງ​ເຈົ້າ​ຕະຫລອດໄປ.

ພຣະເຈົ້າ​ຢາເວ​ໄດ້​ກ່າວ​ແກ່​ອັບຣາມ​ຫລັງຈາກ​ທີ່​ໂລດ​ໄດ້​ແຍກ​ທາງ​ຈາກ​ເພິ່ນ​ວ່າ, “ຈົ່ງ​ເບິ່ງ​ໄປ​ອ້ອມຮອບ​ຈາກ​ບ່ອນ​ທີ່​ເຈົ້າ​ຢູ່, ເບິ່ງ​ໄປ​ທາງ​ທິດເໜືອ ແລະ ທິດໃຕ້, ທິດຕາເວັນອອກ ແລະ ທິດຕາເວັນຕົກ.

ເຮົາ​ຈະ​ເຮັດ​ໃຫ້​ເຊື້ອສາຍ​ຂອງ​ເຈົ້າ​ເປັນ​ເໝືອນ​ຂີ້ຝຸ່ນດິນ​ເທິງ​ແຜ່ນດິນໂລກ, ເພື່ອ​ວ່າ​ຖ້າ​ຜູ້ໃດ​ສາມາດ​ນັບ​ຂີ້ຝຸ່ນດິນ​ໄດ້ ກໍ​ສາມາດ​ນັບ​ເຊື້ອສາຍ​ຂອງ​ເຈົ້າ​ໄດ້.

ດັ່ງນັ້ນ ອັບຣາມ​ຈຶ່ງ​ເວົ້າ​ກັບ​ໂລດ​ວ່າ, “ຂໍ​ຢ່າ​ໃຫ້​ມີ​ການ​ຜິດຖຽງກັນ​ລະຫວ່າງ​ເຈົ້າ ແລະ ຂ້ອຍ, ຫລື ລະຫວ່າງ​ຄົນລ້ຽງສັດ​ຂອງ​ເຈົ້າ ແລະ ຄົນລ້ຽງສັດ​ຂອງ​ຂ້ອຍ, ເພາະ​ພວກເຮົາ​ເປັນ​ພີ່ນ້ອງ​ໃກ້ຊິດ​ກັນ.

ດັ່ງນັ້ນ ອັບຣາມ​ຈຶ່ງ​ໄປ​ອາໄສ​ຢູ່​ໃກ້​ຕົ້ນໄມ້​ໃຫຍ່​ຂອງ​ມຳເຣ​ທີ່​ເຮັບໂຣນ, ບ່ອນ​ທີ່​ເພິ່ນ​ໄດ້​ຕັ້ງ​ເຕັນ​ຂອງ​ເພິ່ນ​ຂຶ້ນ. ເພິ່ນ​ໄດ້​ສ້າງ​ແທ່ນບູຊາ​ແກ່​ພຣະເຈົ້າ​ຢາເວ​ຢູ່​ທີ່​ນັ້ນ.

ໂລດ​ເບິ່ງ​ໄປ​ອ້ອມຮອບ ແລະ ເຫັນ​ວ່າ​ທົ່ງພຽງ​ຂອງ​ຈໍແດນ​ທັງໝົດ​ໄປ​ເຖິງ​ເມືອງ​ໂຊອາ​ນັ້ນ​ມີ​ນ້ຳ​ອຸດົມສົມບູນ​ດີ, ເໝືອນດັ່ງ​ສວນ​ຂອງ​ພຣະເຈົ້າ​ຢາເວ, ເໝືອນດັ່ງ​ດິນແດນ​ເອຢິບ. (ຂະນະນັ້ນ​ພຣະເຈົ້າ​ຢາເວ​ຍັງ​ບໍ່​ທັນ​ໄດ້​ທຳລາຍ​ເມືອງ​ໂຊໂດມ ແລະ ເມືອງ​ໂກໂມຣາ.)