Versículos más leídos de la Biblia MAROMU 3

Compartir

mana piya waãswi, ɓasi walatsishiwa na utukufu wa Mungu. Ɓadi ha ineema yahe, Mungu awadjaãlia muhakisho mbeli zahe, ɓila muliv̄io, ha ndzia ya ukombofu ulio ha Insa-Kristi.

Uwo muhakisho wa Mungu ha uaminifu na Insa-Kristi ha piya wao waaminio, wala kav̄u tafauti

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao. Ha ustahamilifu wahe, Mungu atsaha aonese uhaki wahe hari mwa uwakati wa av̄asa unu, ile ake wa haki, amma uwo ahakishao mbeli zahe wao waliona uaminifu na Insa.

Kweli amba kav̄u ata mutru atsohakishiao mbeli za Mungu ha zizitrendro zatsahwa na iSharia. Mana iSharia, iyo uonesa lidhambi ɓas.

Mauri ɗe iheli v̄waangihwa moni mwa uMuangishio: «Kav̄usi arahara mbeli za Mungu, ata moja ne kav̄u; kav̄usi aelewao, wala kav̄u amutsahao Mungu. Piya walatsa indzia, piyawo wafanyishiha amba kawasina faida, kav̄u ata mutru afanyao ndjema, ata moja ne kav̄u.»

Mana riono amba mwanadamu uhakishiwa mbeli za Mungu ha uaminifu, ɓadi tsi ha zitrendro zatsahwa na iSharia.

Ata hata! Ɓadi Mungu nakuɓalishihe amba wa kweli, wala ukana kula mwanadamu munafiki, mauri ɗe iheli v̄waangihwa moni na uMuangishio: «Ile pare uhakishihe hari mwa marongozi yaho, tsena ushindre neka usunamulwa.»