Versículos más leídos de la Biblia Zouao 6

Compartir

Naraha Zeso pouadeniza uati tade: —Arri ouaparriua pao timadimana-zanaponiuarrinepe. Ouaza parrissa quenarraridenipa pemimana-rrarauitoui, baccodeni naco rrocomana-rrarauitoui.

Deo Corimena madirraza camittehe da inarraro. Madirrapa poua tesseza camittehe da inaniuarrine ssamo tani. Ouatti tiadeniza uati uati onarrarope Deo Corimecca danirri. Camittehe rriquerreranicca tiadeniza da inaniuarrine parrireni.

—Naraha tiadenipe ticcadeni rrirripa rricaca tauicca touira tibodideni uato-rrerarri, onarraro. Rrirripa rricaquera tauicca touira tibodideni uatomemanarri −nade. —Ouape Madirra Bedi orrarraroa rrirripa rricaquera tauiccara tiadeniza da onarizauiuarrine, onarraro. Nazama narraro cacauehepe occa Abi Deo ouaza da ineza occarronarraro −nade Zeso.

Nazama occa Abi poua touini nauicca onihipe arrima narraro: Madirra bazima Deo Bedi qqui toquenaza pouaza parrissa quenazapa camittehe rriquerreranicca carrimanauitoui. Niza uada rricarinicca bacco tezape narrarideni bazima onauatoni-baqquiuitoui −nade Zeso.

Naraha Zeso pouadeniza uati tapomade: —Deopa arrima tiquenezana nacassa tarrari. Arri oua Deocca zossenirriza parrissa tiquenezana Deo touini narrari −nade.

Neraha ouape occa Abicca danirri ouaza rrauirronarrarideni bazimapa ouattarrobaqqui-rrarauitoui.

Naraha Simao-Pedoro poua cacomerade: —Ia Zozossede nerrecorrarizara rrauirraniuarrine? Tettina orrarini camittehe rriquerreranicca.

Ouape pao camittehecca orrani memeuarricca occaronarraro. Narrari pao madirra rripemanarraripa madimana-zanapouiuarrine, onarraro. Tiadeniza pao da onarraripa ouassire. Madirra zama bazimacca tocassiuauerauiuarrinepa ouana oua ouaccoranitoui −nade Zeso.

Occa Abi Deo oua Cazossedepa madirra ouaza inanabaqqui-rrarazapa ouaza toquerrena-rraraui. Naraha occa Abi ouaza inanabaqquirraridenina ouaza totoquerrena narrari. Narraridenipa niza uada rricariniccaza onauatoni-baqquiuitoui, onarraro.

Narraripa Deocca danirri memecca ccaronarrari, zama bazimaza camittehe rriquerreranicca da inarizaniuarrine −nade Zeso.

—Rrehe, ouape pao timadimana-zanaponiuarrinecca.

Nazapa Zeso pao inaccaza Deoza uati tarrari: —Rrehe, peperri. Ticca danirri iaza bica taui −narrari. Nazapa Zeso canauatori canarrarirrine pao touapizapa madirra rrassi rrassi teri narrarideniza da inabaqquirizade. Aba naco narrarissa inanarrari. Nazapa bazimaza inaparrirebaqquiuissa tade. Madirra bazima rripemanaha accaremanazapa Zeso iaza uati tade: —Mota torrarraripa tinaccanirize-manarro. Mota tinebomana tarrararro −nade.

Nani coriza nocconi iaccanerre inattiuarri passo tetepi Zeso ccarronaui qqui inezape icappina nade. Naraha poua cacomerade: —Ticappinemana terrerarri, ouape oua! −narronade.