Versículos más leídos de la Biblia Zouao 15

Compartir

—Nazama ouape uva ede orrani. Tiadenipe uva inine tiquerrenani. Ouaza timadimananissa tezape tiadeniza omadinitoui. Nazama tiadenipe pina uva inine cacabonorride rarrarissa tiquenarraro. Rridacca tiadeniza omadi-rrerezape uima bicani tinanemana-rreranitouiraha.

Nazama ouaza parri timadimanarini narizarri. Ouape tiadeniza parri omadirini nanitoui. Inine edeccana cacabono narrari. Inine poua mottapa cabononora taui. Narrarossa tiquenarraro. Tiadeni ouaza timadimananissa terrerezape uima bicani tinanemananiuarrine tiparriremane-rreranitouiraha.

—Naraha oua tinebomana-rreraza occa marinarra naqui tinebomane-rrerezape touini tiquenaniccatoui ouaza uati uati titiquena nana. Nazapa ticcadeni uatinarra tiadeniza torrauitoui, onarraro.

—Tiadenipe otoui tiquenapo-rrereraha ouana tiadeni ocatterriza-baqquirraro. Nani tiadenina ouatti mari ticanabaqquirizauiuarrine. Naui madirra ouaza toquerrenauiuarrine. Narraro uimape pina uva inine uarrirriraza cacabono narrarissa tiquenanitoui. Narrari bonopa madirra Deoza toquerrena-zanaporrari. Nema nezape oua onima uati uati titiquena nezape Abipa ticcadeni uatinarra tiadeniza da da nanarra nauitoui.

Touati uanehe deni torrarrarope arrima narrarona parri: Madirra poua tesse tocassiuauerauiuarrinepa pouana poua ccaccorarrarina parra.

Ouape uizarracca uva edessa onezape madirra ouaza toquerrenarraridenipa pina uva ininessa quenarrari. Nazama uva inine cabononora tarraripa uva cacauade ca icarriza taui. Naraha uva inine ouaha cacabono narrarina denima cabono-zanapouiuarrine uva cacauadepa inineza moroninezatira ba ba ihippi narrari. Eppe bote naco bite bite ihinanarrari. Nazapa inine uisso tazapa bono carrizanapouiuarrine.

Arrirrarope tiadeniza occa zossenirri: Pina tetideni cauanerara canarri. Pina arri oua tiadeniza ouati uana tarrarossa tiquenarri.

Rrehe, Deo Attissa tinanarizemanezape pina uva inine cacabonorride rarrarissa tiquenaniuarrine. Nema tinanemanani madirra qqui toquenazapa occa Abiza: “Rrehe, Deopa bica taui” quenauiuarrine. Rrehe, nema tinanemanezape parrissa occa madirra tiquerrenani auato tanitoui −nade Zeso.

Nazapa Zeso iaza denima uati uati tade: —Ouape uva ede parrissehecca orrani. Occa Abipa uizarracca uva cacauadessa narrari.

Ouaza madimanauissa tarrararraripa uauattarro toquerrenauitoui pina uva inine ca toppiza ua tarrarissa quenauitoui. Uva inine qqueze naza inaqquemanazapa botta botta tarrarissa quenauitoui.

—Arri uati onarrarope occa uatizehe tiadeniza onananiuarrine. Occa uatizehe tibodideniza parrirenissa taniuarrine, onarraro.

Occa zossenirriza iboraqquiri tiquenezape occa touati uaneheza timadimanani parri naniuarrine. Arri pina oua occa Abicca zossenirriza ibora oneza pocca touati uanehema omadirizarrarossa tiquenarri, onarraro.

Nazama arrirrarope tiadeniza occa zossenirri: Tetideni cauanerara canarri, onarraro −nade Zeso.

Tiadenipe arrirraro namicca uimaza timadimanezape pouadenipa tiadeniza nacassaqquiri nauitouiraha nema tiquenerrerarraro. Arrirraro namicca uimaza timadimanaporaha ouape tiadeni ocatterrizabaqquirraro, arrirraro namicca uimatoui timadimana-rreraniuarrine. Rridapanape arrirraro namicca uimatoui timadimana-rrerarrarorrine tiadeniza nacasseraqquiri narrari.