Versículos más leídos de la Biblia 1 Corintodeniza 2

Compartir

Naraha arri Deo Atti dozo naporrarozape arrima narraro: —Deo inanarroraporrarope pina arra qqui toquenapo-rrararraricca, mittemanapo-rrararraricca, bodideni uatouiuarrine ssamoqquiri naporraricca narraro uima bicani bazima Pouaza uatideni uanaqquiri narrarideniza inanarroraporraro −nani nade Deo Atti dozo naniza.

Naraha Deo Corime cappiremanarraridenipa Poua Corimecca marinarratoui quena-rraraui. Poua Corimecca marinarrape pouadeniza pina ponima narraro. Mittemanauissa tarraraui. Deo Corime carrimanarraridenizana pocca marinarra auato tarraro.

Deo Poua Corime icazosseza pocca uima iaza auato inanezape imittarraro. Deo Corimena Deo Poua inanarroraporrarocca qqui qqui zanapozapa nauato tarrari. Pouapa Deo Poua bodicca uima uapima nauato tauissa tarrari.

Nazama arri iaza da inarrarope arrirraro zamacca rrerani. Deo Poua Corimena iaza da inarraro. Pouapa iaza bica taza Poua Corime ia acco canarrari, Deo pocca uima bicani iaza inanarraro imittaniuarrine.

Nazama ouattiza rrehe tiquenaniuarrine touatti nauatoue carriniccaza tiadeniza uati uati onerrerade. Tiadeniza uatide orreza, maride orreza naqui touatti narrora taniccazara uati uati ohonanade. Deo Corime oua acco canaza Deocca dacorehe auato onanarrarorrine occa marinarraza rrehe tiquenade. Nema nezape Zeso Cristoza rrehe tiquenarrarope madirracca nauatouerrine rrerani. Deocca dacoreherrinena parri.