Versículos más leídos de la Biblia Matew 21

Compartir

Itrokom tami eluen piel ta ngillatun mew feyentulelmün, llowaymün —pi.

Fey Jesus ta llowdungufi ñi pu disipulu: —Rüf dungu feypiwayiñ nielmün ta mupiltun, ka femngechi epu rakiduamkülenolmün, fey tüfachi dungu müten ta pepi femlayaymün iñche tañi femfiel tati igera. Eymün ta feypifilmün ta tüfachi wingkul: ‘Kiñe püle tripange ta tüfa mew ka ütrüfkonpunge ta lafken mew’, fey femngechi femay.

Fey tati pu wüneleyelu ka tati pu inaleyelu wirarküley engün: “¡Püramyengepe tati longko ülmen David tañi Yomelche! ¡Püramyengepe tati küpalu Ngünechen mew! ¡Püramyengepe ta wenu mapu mew!”

ka feypifi: —Tati Wirin Chillka mew wirikonküley: ‘Iñche tañi ruka ngillatuwe ruka pingey’, welu eymün nietufimün weñefe ñi ruka reke.

“Feypifimün tati Sion waria che: ‘Adkintumün, tamün longko ülmen küpaley eymün tamün pepayaetew, ñom piwke mew, kawellutuley kiñe furiku, kiñe we pichi furiku mew, kutama yekechi kude kulliñ tañi koñi.’ ”

Feymew Jesus feypifi ti pu che: —¿Kimlaymün am ñi feypilen tati Wirin Chillka? Feypiley: ‘Tati pu dewmakelu ruka tañi illamelchi kura, fey tüfa ta dullin kurangetuy. Ñidol tañi femkünuel ta tüfa, fey ta afmatuleiñ.’

Feymew ta feypiwayiñ eymün ta müntuñmangetuaymün kom pepiluwün Ngünechen tamün elufetew, fey elungeay kangelu che tati ayülu ñi küme llowael Ngünechen ñi longko ülmenngen.