Versículos más leídos de la Biblia MOTHI 24

Compartir

Piyok pu tene kangho arleng hel chan chotne aro ako-ong chot arleng hel nengdok ingsam detne. Manta inghosi ki-oryok chihisi do ye, anangsi joknge.

Aro labang Arnam-alongri kime-alamthe, ason hel ayok hakhi kipi aphan, pirthepe ajal-dungsi pahar nange aro la-tangsi ki-or wange.

Aro nali dhawa aro dhawa alam kapangjar arju hlonge, manta nali chiphere yek, labang ke chiplang penne, manta ki-or aporke wangwe lang.

Piyok pu tene ason para ason chilareye, aro longri para longri chilareye, aro along alongke akal aro chiklik wange: Ahuwit labang doye manta duk-tap hel oso kiplang abi kicheng badisi chenge.

Ethakpe pen pirthimipe prel detne, manta nelamthe helke prelpre ye.

Ako-ong nemen pen wangsi puye, “nesi khristo,” aro anali ako-ong akangho aga nali pone.

Laparake nali nepsi kipam kitheng aduk kipiyok champiye aro mariye, aro ahuwit ason ne men anatsi naliyok sime. Lapara ke ako-ong arleng kikrol tikangsi inghoye, aro ihut para ihut yok hutur arideng champiye, aro ihut para ihutyok sime. Aro ako-ong turki asisik hel wang chiklange aro kangho aga pone.

Jisu analiyok pulo, “Chilangwen, kaita ta nali pangho ponpe nang.

Lasi nalita chihonjok wenne do, piyok pu tene Arleng Aso kiwang aporta nali kachiron un-eh aporsi wange.

Lasi inghongne donot, piyok pu tene nali Hemphu dakbang apor wange, bangpo nali than un-eh.

“Manta labang arni aphan aporpo ihut bakta than un-eh ye, ethakpe atharlon hel aro Aso ta than un-eh, manta Apa detsi than un.

Piyok pu tene asisik khristo aro asisik turkihel chiklange aro akithe asin aro asombhik asal paklangsi, akangho yok pone, un tene, Arnam karwal abang yokta chobele.

Piyok pu tene Nowa po arni jibadi, labadisi Arleng Aso kiwang amun ta chiplange. Piyok pu tene ban-alang ango Nowa po, jahaj long karludam arniyok arleng hel kicho kijun, aro jorme pachihapsi kido aro jorme pachihap jongsi kido, aro analiyok langpon detde lengyok ke lahel jat kithan un-eh, Arleng Aso kiwang amun ta ladi chiplange?