Versículos más leídos de la Biblia Roma 3

Compartir

Giigii' mian mangawawau dosa, ka' sianmo mantaka Alaata'ala men kuasaan. Kasee isian kaporeanna Alaata'ala men Ia rookon bulu-bulu' mbaka' mian men tololokionna i Kristus Yesus popokana'on-Na.

Alaata'ala mompopokana' giigii' mian men parasaya ni Yesus Kristus. Giigii' mian men parasaya popokana'on-Na, gause pimiile'-Na giigii' mian sian poosasala'.

Alaata'ala ninsidakon i Kristus Yesus bookoi kurbaan. Kalu mian parasaya ni Yesus mbaka' noana Alaata'ala ma'amat soosoodo gause rara' ni Yesus na kolapusan-Na. Alaata'ala nangawawau koiya'a kada' mimpipiile'kon se' i Ia mingilimang men kana', gause Ia sian nungukum mian men dosaon mbaripian, na tempo men Ia dauga' moko pera. Ia mompopo'inti'ikon se' i Ia mingilimang men kana' na tempo koini'i ka' sian kelo-kelos. Ia a men mompopokana' mian men parasaya ni Yesus.

Sianta sa'angu'po mian men popokana'onna Alaata'ala montookon i ia mongololo' ukum Torat. Ukum Torat a ninginti'ianna mian dosa.

Na Alkitaap isian nitulis koi kani'imari: “Sianta mian men daa kana', sa'angu'po mian sian. Sianta sa'angu'po mian minginti'i Alaata'ala, ka' sianta sa'angu'po mian men daa mansarak i Ia. Giigii' mian ningoloamo na Alaata'ala. Raaya'a giigii' sianmo kumana'. Sianta men daa pore a wawauna, sa'angu'po mian sian.

Popo'inti'ikononmai se' mian popokana'on gause imaan, taasi' se' montookon ia daa matete na ukum Torat.

Men koiya'a sabole sian! Alaata'ala a men kana' ka' giigii' mian a men mimborek. Na Alkitaap isian nitulis koi kani'imari: “Kada' i Kuu inti'ion se' kana' na giigii' wurung-Muu, ka' bangar kalu i Kuu poposala'onna mian.”