Versículos más leídos de la Biblia ဢွၵ်ႇၵႂႃႇ 2

Compartir

ၽြႃး​ပဵၼ်​ၸဝ်ႈ​ငိၼ်း​သဵင်​ဢၼ် ၶဝ်​ပွင်ႉ​ၶၢင်း​ယူႇ​ၼၼ်ႉ​လႄႈ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ပတီႉၺိၺ်ႇ​ဢၼ်​လႆႈ​ႁဵတ်း​မႃး လူၺ်ႈ​ၵၼ်​တင်း​ ဢႃႇပြႃႇႁၢမ်ႇ၊ ဢီႉၸၢၵ်ႈ၊ ယႃႇၵုပ်ႈ ​ၸိူဝ်း​ၼၼ်ႉ​ယဝ်ႉ​ၼၼ်ႉ​ဢေႃႈ။ ၽြႃး​ပဵၼ်​ၸဝ်ႈ​ၵေႃႈ လူ​တူၺ်း​ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​လႄႈ ႁူႉ​လွင်ႈ​ၶဝ်​ဢေႃႈ။

ၶိင်ႇ​ၵႃႇလႃႉ​မိုဝ်ႉ​ဝၼ်း ႁိုင်​တၢၼ်ႇ​တၢၼ်ႇ​ယဝ်ႉ​ၸင်ႇ၊ ၶုၼ်​ႁေႃ​ၶမ်း​ၼွၼ်း​ၽႄး​သေ​ဢေႃႈ။ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵေႃႈ ဢွၼ်​ၵၼ်​ပွင်ႉ​ၶၢင်း​ယူႇ​ၵွပ်ႈ​ပိူဝ်ႈ​ဢၼ်​ၶဝ်​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​ဢေႃႈ။ ၶဝ်​ဢွၼ်​ၵၼ်​ႁွင်ႉ​သႅၼ်ႇ​ႁွင်ႉ​ႁႆႈ​လႄႈ သဵင်​ဢၼ်​ၶဝ်​ႁွင်ႉ​သႅၼ်ႇ​ႁွင်ႉ​ႁႆႈ​ၵွပ်ႈ​ပိူဝ်ႈ​တၢင်း​ဢၼ်​ၶဝ်​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ ၶိုၼ်ႈ​ၵႂႃႇ​ႁွတ်ႈ​ထိုင်​ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ။

မိူဝ်ႈ​ဢၼ်​လုၵ်ႈ​ဢွၼ်ႇ​ၼၼ်ႉ​ယႂ်ႇ​မႃး​ၼၼ်ႉ​ၸိုင်၊ မၼ်း​ဢဝ်​ၵႂႃႇ​သူင်ႇ​ၵႃႈ​တီႈ​လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​လႄႈ၊ မၼ်း​ၼၼ်ႉ​ၵေႃႈ​ဢဝ်​မၼ်း​ၶၢၼ်း​ဝႆႉ​ၼႂ်း​ဢရႃႇ​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း မူဝ်းသေႇ ​လႄႈ​ဝႃႈ၊ ပိူဝ်ႈ​ဢၼ်​ၵဝ်​ၼုၵ်ႈ​ဢဝ်​မၼ်း​ဢွၵ်ႇ​သေ​ၵႃႈ​ၼႂ်း​ၼမ်ႉ​လႄႈ ႁွင်ႉ​ႁဵၵ်ႈ​ၸိူဝ်ႉ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး ​ၼၼ်ႉ သင်ႇ​လၢတ်ႈ​ဝႆႉ​တီႈ​မၼ်း​လႄႈ​ဝႃႈ၊ ဢဝ်​လုၵ်ႈ​ဢွၼ်ႇ​ၼႆႉ​ၵႂႃႇ​လႄႈ လူ​ထိင်း​ဝႆႉ​ပုၼ်ႈ​ၵဝ်​တႃႉ။ ၵဝ်​တၵ်း​ပၼ်​ၵႃႈ​မၼ်း​ၶၼ်​မၼ်း​လႆ၊ ဝႃႈ​ၼင်ႇ​ၼႆ​လႄႈ​မႄႈ​ယိင်း​ၼၼ်ႉ ဢဝ်​လုၵ်ႈ​ဢွၼ်ႇ​ၼၼ်ႉ​ၵႂႃႇ​လႄႈ လူ​ထိင်း​ဝႆႉ​ဢေႃႈ။

လုၵ်ႈ​ယိင်း​ၶုၼ်​ႁေႃ​ၶမ်း​ ၽႃႇရေႃး လူင်း​မႃး​ႁႂ်ႈ​လႆႈ​ဢၢပ်ႇ​ၼမ်ႉ​လႄႈ၊ ၼႂ်း​မိူဝ်ႈ​ဢၼ် ၸိူင်ႉ​မၼ်း​ၼၢင်း​မၼ်း​တင်း​လၢႆ လႄႇ​လဵပ်ႈ​ၸွမ်း ၵႃႈ​တီႈ​ႁိမ်း ၽင်ႇ​ၼမ်ႉ​ႁွင်ႈ​ယူႇ​ၼၼ်ႉ​ၸိုင်၊ မၼ်း​ထူပ်း​ႁၼ်​ဢူႇ​ၵႃႈ​တီႈ​တူၼ်ႈ​ၶႅမ်​ၼၼ်ႉ​လႄႈ ပွႆႇ​ၸႂ်ႉ​ၸိူင်ႉ​မၼ်း​ၵေႃႉ​ၼိုင်ႈ​ၵႂႃႇ ႁႂ်ႈ​လႆႈ​ဢဝ်​မႃး​ဢေႃႈ။

မိူဝ်ႈ​ၼၼ်ႉ​ မူဝ်းသေႇ ​ယႂ်ႇ​မႃး​သေ​ယဝ်ႉ၊ ဢွၵ်ႇ​ၵႂႃႇ​ၸူး​ၵႃႈ​တီႈ​ပီႈ​ၼွင်ႉ​ၵူၼ်း​မဵဝ်း​မၼ်း​လႄႈ လူ​တူၺ်း​ၵၢၼ်​တၢင်း​ႁဵတ်း​ၶဝ်​ဢၼ်​ယၢပ်ႇ​ၼႃႇ​ၽိုတ်ႇ​ၼႃႇ​ၼၼ်ႉ​ဢေႃႈ။ ၵမ်း​ၼၼ်ႉ မၼ်း​ႁၼ်​ၵူၼ်း​ ဢေႇၵိပ်ႉတူႉ ၵေႃႉ​ၼိုင်ႈ​ပေႃႉ​ယႅၼ်ႉ ပီႈ​ၼွင်ႉ​ၵူၼ်း​မဵဝ်း​မၼ်း ၵူၼ်း​ ႁေႇပြႄး ​ၵေႃႉ​ၼိုင်ႈ​ယူႇ​သေ​ယဝ်ႉ၊- ဝၢႆႇ​တူၺ်း​ၽၢႆႇ​ၼိုင်ႈ​ယဝ်ႉ​ၽၢႆႇ​ၼိုင်ႈ​လႄႈ​မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​ၽူႈ​လႂ်​ဢမ်ႇ​မီး​ၼၼ်ႉ​ၸိုင်၊ မၼ်း​ဢဝ်​ၵူၼ်း​ ဢေႇၵိပ်ႉတူႉ ​ၼၼ်ႉ​တၢႆ​လႄႈ ဢဝ်​ၽင်​ဝႆႉ ၵႃႈ​ၼႂ်း​သၢႆး​သေ​ဢေႃႈ။