Versículos más leídos de la Biblia रोमियन 3

Compartir

काहेकि संसार के सगले मनई पाप किहिन हीं, अउर परमातिमा के महिमा से बंचित हें। पय परमातिमा के किरपा से जउन मुक्ती यीसु मसीह के ऊपर बिसुआस किहे से मिलत ही, ओखे द्वारा हम पंचे सेंत-मेंत माहीं, परमातिमा के नजर माहीं निरदोस ठहराए जइत हएन।

जउन मनई यीसु मसीह के ऊपर बिसुआस करत हें, उनहीं परमातिमा अपने नजर माहीं निरदोस बनाबत हें, एमाहीं कुछू भेदभाव नहिं आय, इआ मुक्ती उन सगलेन के खातिर आय, जउन यीसु मसीह के ऊपर बिसुआस करत हें।

परमातिमा यीसु मसीह काहीं, उनखे ऊपर बिसुआस किहे के द्वारा पापन से मुक्ती देबामँइ के खातिर मनइन काहीं दिहिन हीं। परमातिमा इआ काम यीसु मसीह के बलिदान के रूप माहीं किहिन हीं। अइसा इआ देखामँइ के खातिर किहिन हीं कि परमातिमा सहनसील हें, काहेकि ऊँ पहिले मनइन काहीं उनखे पापन के सजा दिहे बिना छोंड़ि दिहिन तय। अउर परमातिमा के न्याय के इआ काम आजव के समय के खातिर घलाय हय, जउने ऊँ खुदय न्यायी कहामँय, काहेकि अबहिनव जे कोऊ यीसु के ऊपर बिसुआस करत हें, उनहूँ पंचन काहीं ऊँ निरदोस ठहराबत हें।

काहेकि मूसा के बिधान के पालन किहे से कउनव मनई परमातिमा के नजर माहीं निरदोस न ठहरी, एसे कि मूसा के बिधान के द्वारा केबल पाप के पहिचान होत ही।

जइसन पबित्र सास्त्र माहीं लिखा हय; कि “परमातिमा के नजर माहीं कोऊ निरदोस नहिं आय, एक जनेव नहिं आय! अउर न कोऊ समझदारय आय, अउर न कोऊ परमातिमा काहीं ढूँढ़ँइन बाला आय, सगले मनई परमातिमा के बताए गइल से भटकिगें हँय, अउर सगले मनई परमातिमा के नजर माहीं निकम्मा बनिगें हँय, कोऊ भलाई करँइ बाला नहिं आय, एक जनेव नहिं आय।”

एसे हम पंचे इआ कहि सकित हएन, कि कउनव मनई मूसा के बिधान के पालन किहे से नहीं, बलकिन बिसुआसय के द्वारा परमातिमा के नजर माहीं निरदोस बन सकत हय।

बेलकुल नहीं, बलकिन सगले मनई झूँठ ठहरिहँय, अउर परमातिमा सच्चे ठहरिहँय, जइसन पबित्र सास्त्र माहीं लिखव हय, “जउने तूँ अपने हरेक बातन माहीं धरमी ठहरा, अउर न्याय करत समय तूँ बिजय पाबा।”