Versículos más leídos de la Biblia Roma 9

Compartir

Jadi', ane Alata'ala doko' mpopohiloi ahi'-na hi tau hadua, bela konoa manusia' to mpobotuhi toe, bela wo'o pobago manusia'. Alata'ala moto-wadi to mpobotuhi.

Kiwoi-dile lolita Alata'ala hi nabi Musa owi to mpo'uli': ”Aku' moto-kuwo to mpobotuhi hema to kupopohiloi ahi'-ku pai' hema to kupe'ahi'.”

Neo' ta'uli' hewa toe, ompi'! Uma-hawo bela ohea-na ane kita' manusia' mehono' hewa toe hi Alata'ala. Ha natao hameha' kura mpo'uli'-ki tauna to mpobabehi-i hewa toi: ”Napa-di-kona pai' nubabehi hewa toi-ae?”

Jadi', Alata'ala mpopohiloi ahi'-na hi tau hadua, pai' napokatu'a nono to hadua. Nababehi toe ntuku' konoa-na moto.

Ria huraa-na topobabehi mpobabehi kura ntuku' konoa-na moto-hawo. Ngkai haluntea tana' pulu', ma'ala nababehi hameha' kura to napenasa pai' hameha' to uli' kanababehi-na.