Versículos más leídos de la Biblia Kehewà 2

Compartir

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub. Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Timbow deng malù bong yóm ngà yó, ominen mit du ebè yóm libun boi. Lemwót se kun yóm libun boi yó, tódô henbalingen mò hol kun ngà. Yó hendemen, “Nwahu ta él nim ngà ni, yó boluyu du Musis.”

Bè yóm kkólen bè yó yóm yéen, yó monen mò du yóm libun boi yó, “Nwitem nim ngà ni fen htutuem do. Snukéyu uu bè yóm kesegyokem du.” Tahu se, nwit yéen yóm ngà, ne htutuen.

Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen.

Timbow deng mtétél knawa Musis, yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru. Bè yóm kton Musis du, ominen temngel gu hmilol ne laen kô dù tau tonen, tódô hnatayen yóm tau Idyip yó ne lebengen lem helek, ominen mulék ebè gónóen.