Versículos más leídos de la Biblia YESAYA 40

Compartir

Sia in moginropot kon intau inta moḷopí, moporigon kon gina monia inta diá kodaya.

Tayow mobiag mita in moḷopí bo moḷungkoyó ede mita in tayow mobiag in moḷabú moipintud. Táe intau inta mopongata kon i TUHAN, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

Umpaka dá iko in diá nonotaau bo diá nokodongog? Ki TUHANbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

Oyúon in singog in nopobaḷú, “Sadiadon in daḷan kon padang gurun kon i TUHAN. Tuḻidon in daḷan kon rawang kayuon kon i Allah naton!

Bonok in moingkag bo bungang in moḷaḷow, táe tosingogon i Allah naton in mononoibí.”

Dá kamuliaan i TUHAN in poniatadon; bayongan in umat in mokoontongdon. Totuu, ki TUHAN tontaní in nopodandi kon tua!”

Bayongan in oyuknea musti bumbunan, buḷud bo tombuḷudnea in tondodaion. Butá inta notombuḷud in motonḷopá, bo inta nongotangkaḻembong in ḷamagon.

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i TUHAN!

Inta nomaḻí in nomarenta kon tudu in butá noḻimbatu, intau mita inta nogutun kon dunia naa in ontongon mongointok naonda bo pangkoḷá. Sia in nosongká kon ḷangit naonda bo daing, bo nopoatop naonda bo ḷoḷaigan sin pogutunan.

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

Oyúon in singog in noguman, “Popotaaudon!” Akuoi in noḻibó, “Onu in musti potaauku?” “Potaaudon kon intau tua in naonda bo bonok, naonda bo bungang inta tongá motoyong in kogaganea. Bonok in moingkag bo bungang in moḷaḷow, aka ki TUHAN mopoirup in tompot inta mopatú. Totuubí kon bangusa tatua in naonda bo bonok.

Indoiai, ki TUHAN Allah in namangoi takin kawasa sin mogaid kon oaidan pongin ropot-Nea. Sia in sinakinan in intau mita inta ain pinoḷuat-Nea.

Nanaa in tosingogon i Allahmu, “Ḻipoidon, ḻipoidon in bangusa-Ku!

Ki ine in mogukur kon baḷangon takin mopomaké in ḷogú in ḻimanea, andeka mogukur kon ḷokutoi momaké in yangow? Ki ine in mogukur kon butá in dunia naa takin simbangan andeka monimbang kon buḷud bo tombuḷudnea mopomaké in simbangan bambéon? Ki ine in modia kon i TUHAN, andeka motundú kon i-Nia mobaḻí monononggina-Nea? Ki ine in poḻibóan i TUHAN sinbá mokouḻí kon totaau bo komangaḻean? Ki ine in mobogoi in totundú kon i-Nia sinbá mogaid moitombutung?