Versículos más leídos de la Biblia ASSURENG 2

Compartir

Nariyéngkalingana mennang ri Allataala, sibawa naéngngeranni assijancin-Na sibawa Abraham, Ishak sibawa Yakub. Naitani sining tau Israélié ripowata, nanapettuini untu' tulungngi mennang.

Mattaut-taung ri munrinna maténi arung Maséré. Iyakiya bangsa Israélié maddaréké mupi nasaba ripowatai mennang, angkanna gorani mennang méllau tulung. Lettu'ni ri Allataala kelli'na mennang.

Wettunna battowa-battowani iyaro ana'loloé, nabbéréyanni indo'na lao ri ana'na arungngé. Nainappa ana'na arungngé pancajiwi ana' piyarana. Nakkeda ana'na arungngé, “Uwéréngngi aseng Musa, saba' uwalai polé ri uwai.”

Nakkeda ana'na arungngé lao ri makkunraiéro, “Tiwini iyaé ana'loloé, namupasusungekka; nawéréppo matu saro indo'ku.” Nanatiwini iyaro ana'loloé sibawa napasusui.

Napoléna ana' makkunrainna arungngé. Nonnoi ri saloé untu' cemmé nasining pattumaninna joppa-joppai ri wirinna saloé. Tappa naita muni ana' makkunrainna arungngé iyaro bakaé ri tengnga-tengngana araso maddapurengngé, nainappa nasuro séddi ata makkunrainna malai.

Wettunna battowani Musa, laoni sita sining tau sibangsana. Naitani pékkugi mennang ripassa jamai jama-jamang matane'é. Naita toni séddi tau Maséré mpunoi séddi tau Ibrani. Gilinni Musa mattulili, na wettunna naita makkedaé dé'gaga pénessaiwi, naunoni iyaro tau Maséré'é nainappa nasubbu ujuna ri laleng kessi'é.