Versículos más leídos de la Biblia 1 de Corintios 2

Compartir

Per lo xquiits Dios rnii: Ruteete gady tu iniáti, gady tu guindiagti ne nic xgab gún bɨnguɨchliu pur de ni naguchuu Dios par de ni rcaaz laany.

Per bniety ni quɨt rbezné Spíritu Sant quɨt reldilaaztib de cos ni zéed pur Dios ni rliuu Spíritu Sant dunnɨ, te pur par laab ni quɨt illiúziy. Ax quɨt xo gacbeetib de cos xte Dios te pur axtisy cun guelgucné xte Spíritu Sant par gacbee bniety xi zeloni.

Per dunnɨ abliuu Diosni dunnɨ pur Spíritu Sant xtenny ni rbeznén, te pur Spíritu Sant laany nánny irate, axt de ni mazru nagán ni zéed pur Dios.

Ne dunnɨ ni azonuun xnez Dios, quɨt rbeznétin tuby spírit ni zá lo guɨchliuré sino que arbeznén Spíritu Sant ni zéed de Dios, te par pur Spíritu Sant gacbeen irate ni abguaad Dios dunnɨ pur güen ni nány.

Ziyza chi guninía laat, chi benía laat xtiidx Dios, quɨt guninétia laat cun de diidx ni chalee gúna gan laat pur de xtiidxa sino que baania gan reldilaaztɨ Crist pur guelgucné xte Spíritu Sant ne xte Dios. Te par yíany dec ni reldilaaztɨ Jesucrist zéedni pur guelgucné xte Dios gati pur guelnánti xte bɨnguɨchliu.