Versículos más leídos de la Biblia Maatiyoosi 6

Compartir

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Illa, yaach ittoshi toommooch woyemmi xuuxoyich yaach xuuxemmo ittoshine; ebich yaachich xuuxeyaahote. Hanaachi xuuxo hanaachich beddiye” iye.

“Ebich ittoshich gettoye; ‘Amoon maayehone? Amoon uchehone? Amoon tahehone?’ getiree ittoshich qaawiibeeti mooyoyich xuuxeyaahote. Kasho maayoyee, ashittinoo tahoyee beshaache?

Tunetaa ne corootii beegaata, ne gatooch giyiree ne gifoon hiciichi bekkeyaani ne Nihoo Yeerich corootibe. Arooba aashoona ne tunii beeton beeggiibeeti ne Nihoo Yeeri neech wojjemmone.

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe. Ne taatittino bulli toommooch bede; shimaayooch beetinaꞌo ne getoon boonoshi waayoommon, ebiyoommon showooch beetinaꞌo waayebeete.

Heeyi koshon hanaach nooch imbe.

No wotta noon xuqqitinaꞌon no maaroommon, no gondoon nooch maaribe.

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

“Ebiyoommon asheenaꞌochi xuꞌoon ittoshi maarigaata, shimaayeexi ittoshi Nihoo Yeeri ittoshi gondoon maaremmone.

Eke shimaajji kafeenaꞌon ciinote. Shoohaacheete, qecaacheete, gotooch gedaacheete. Tunetaa shimaayeexi ittoshi Nihoo Yeeri boonoshich maanjii beetone. Ittoshi boonoshiyee oogichii beshaachote?

Daakkiꞌi Yesuusi ishichiye: “Piloonaa osheroona aalliyemmi, gaayeenaꞌo iiyiree gaajjemmi showee toommooch ittoshi gijjoon kiciyaahote. Tunebaani piloonaa osheroona aalliyaachemmooch, gaayeenaꞌo iiyiree gaayaachemmi shimaajji kexooch ittoshi gijjoon kicibote. Ne gijjoo beetooch ne mullo tunemmone” iye.

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Illa hanaach bekkeꞌi tiyii yaach qaaqqee gudooch dufaa micciibeeti gaddeexi mocoon Yeeri eechii tajjiibeeto bi tunegaata, hini Yeeri toommooch mulloon tooꞌiyaaneenaꞌote! Ittoshin aabichiree beshoon tajjoo qajjehe?

Tunetaa iriteeti ashich ne immaa beegaata, ne katinooch beeti asholla beeggaaye. Aachiree imbe; arooba aashoona ne tunii beeton beeggiibeeti ne Nihoo Yeeri neech wojjemmone” iye.

“Yeerich ittoshi shuuneebeeti deꞌe shuunoon ashi beꞌenoyich ittoshi shuuneyaachemmoyich, ittoshi qelloon ariibote! Shimaayooch beeti ittoshi Nihoo Yeer waanee wojjoon cir daneyaachemmo ittoshine.

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone. Tunetaa ne coomii beegaata, coomecho ne tuno aricheyaachemmoyich ne aafoon machebe; ne qellooch huutebe. Arooba bekkeyaani ne Nihoo Yeeri ikkeeto baach arii beetone; ebich aashoona ne tunii beeton beeggiibeeti ne Nihoo Yeeri neech wojjemmone” iye.