Versículos más leídos de la Biblia Mateo 13

Compartir

Ang binhi nga ginsab-og sa maayo nga duta amo ang mga nagapamati sang mensahe kag nagahangop sini. Nagapamunga sila kag nagapatubas ang iban sa ila sing 100 ka pilo, ang iban sesenta ka pilo, kag ang iban traynta ka pilo.”

Ang binhi nga nagtupa sa duta nga may mga talungon amo ang mga nagapamati sang mensahe, pero ang mga palaligban sang pangabuhi, kag ang paghigugma sang manggad nagalumos sang mensahe, kag wala ini nagapamunga.

Ang mga nagapamati sang mensahe nahanungod sang Ginharian pero wala makahangop sini, kaangay sila sang binhi nga nagtupa sa alagyan. Nagaabot ang Yawa kag nagaagaw sang ginsab-og sa ila mga tagipusoon.

Ang binhi nga nagtupa sa batuhon nga duta amo ang mga nagapamati sang pulong kag sa gilayon nagabaton sini sing malipayon. Pero wala ini nagatudok kag nagadugay sa ila. Gani kon mag-abot ang pag-antos ukon paghingabot tungod sang mensahe nagabiya sila sa gilayon.

“Ang Ginharian sang langit kaangay sang manggad nga ginlubong sa uma. Nasapwan ini sang isa ka tawo kag iya liwat gintampukan. Sa daku nga kalipay naglakat sia kag ginbaligya niya ang tanan niya nga mga pagkabutang, kag nagbalik sa pagbakal sadto nga uma.

Pero ang iban nga binhi nagtupa sa maayo nga duta kag ang mga tanom namunga: ang iban sini nagpatubas sang 100 ka pilo, ang iban sini sesenta kag ang iban sini traynta.”

Pabay-i lang ninyo anay nga magpamuhi ang mga bugang kag ang mga trigo tubtob sa tig-alani, kay kon tig-alani na singganon ko ang mga mangangani: ‘Gabuta anay ninyo ang mga bugang, bugkosa ini kag idap-ong sa kalayo. Dayon tipuna ninyo ang trigo kag isulod sa akon bodega.’”