Versículos más leídos de la Biblia Rôm 5

Compartir

Samơ̆ Ơi Adai pơrơđah tơlơi Ñu khăp kơ ƀing ta, tơdang ƀing ta ăt dŏ jing mơnuih soh, Krist hmâo djai hrua kơ ƀing ta laih.

laih anŭn tơlơi čang rơmang ƀu ngă brơi ƀing ta hơtah hơtai ôh, yua kơ tơlơi khăp Ơi Adai hmâo tuh bă blai amăng pran jua ƀing ta mơ̆ng Yang Bơngăt Hiam pô Ơi Adai hmâo pha brơi laih kơ ƀing ta.

Ƀu djơ̆ kơnơ̆ng hơdôm anŭn đôč ôh, ƀing ta ăt hơ̆k mơak mơ̆n tơdang ƀing ta tŭ tơlơi tơnap, yua kơ ƀing ta thâo tơlơi tơnap tap anŭn pơjing kơ tơlơi thâo gir; tơlơi gir pơjing tơlơi dưi amăng tơlơi lông lăng; laih anŭn tơlơi dưi amăng tơlơi lông lăng pơjing tơlơi čang rơmang

Tui anŭn yua kơ ƀing ta hmâo laih tơlơi yap tơpă mơ̆ng tơlơi đaŏ, ƀing ta hmâo tơlơi rơnom glaĭ hăng Ơi Adai amăng Yêsu Krist Khua Yang ƀing ta. Amăng Ñu ƀing ta hmâo laih tơlơi dưi mŭt dŏ amăng tơlơi pap anai yua mơ̆ng tơlơi đaŏ, mơ̆ng tơlơi pap anŭn yơh ƀing ta dưi dŏ kơjăp ră anai, laih anŭn hơ̆k mơak amăng tơlơi čang rơmang či hmâo tơlơi ang yang hrŏm hơbĭt hăng Ơi Adai.

Tơdang ƀing ta ăt dŏ tơdu đŭt ai, Krist hmâo djai laih yua kơ ƀing mơnuih soh djơ̆ mông Ơi Adai hmâo pơkă laih.

Hloh kơ anŭn dơ̆ng, ƀing ta hmâo tơlơi yap tơpă laih hăng drah Ñu laih anŭn yua kơ Ñu mơ̆n ƀing ta či klaih mơ̆ng tơlơi Ơi Adai hil.

Yua kơ kar hăng mơ̆ng tơlơi sa čô mơnuih ƀu gưt hiăp, abih bang mơnuih jing hĭ mơnuih soh; ăt kar hăng anŭn mơ̆n, yua mơ̆ng tơlơi sa čô mơnuih gưt hiăp, lu mơnuih či jing hĭ tơpă hơnơ̆ng.

Ƀu djơ̆ hơdôm anŭn đôč ôh, samơ̆ ƀing ta ăt hơ̆k mơak amăng Ơi Adai yua mơ̆ng Khua Yang ƀing ta Yêsu Krist. Mơ̆ng Ñu yơh ră anai ƀing ta hmâo laih tơlơi rơnom glaĭ hăng Ơi Adai.