Versículos más leídos de la Biblia Rôm 4

Compartir

Ñu ƀu đing ôh kơ tơlơi Ơi Adai ƀuăn, samơ̆ jing kơtang hloh dơ̆ng amăng tơlơi đaŏ laih anŭn pơpŭ bơni hơơč kơ Ơi Adai. Yua kơ ñu đaŏ hăng abih pran jua Ơi Adai dưi ngă pơgiơ̆ng hơgĕt tơlơi Ñu hmâo ƀuăn laih.

Kar hăng hră Ơi Adai hmâo čih laih: “Kâo hmâo pơjing ih jing ama kơ lu djuai mơnuih.” Tui anŭn tơlơi ƀuăn anŭn ăt dŏ tŭ yua ƀơi anăp Ơi Adai, Pô ñu đaŏ, jing Pô brơi tơlơi hơdip kơ ƀing djai, laih anŭn pơjing mơnơ̆ng mơ̆ng mơnơ̆ng aka hmâo hlâo ôh.

Arăng hmâo pơdjai laih Ñu yua kơ tơlơi soh ƀing ta laih anŭn Ơi Adai hmâo pơhơdip glaĭ Ñu kiăng kơ ƀing ta dưi hmâo tơlơi yap tơpă.

Abraham hmâo đaŏ laih anŭn čang rơmang wơ̆t dah ƀu hmâo tơlơi čang rơmang dơ̆ng tah, kiăng kơ ñu dưi jing ama kơ lu djuai mơnuih, kar hăng Ơi Adai hmâo pơhiăp laih kơ ñu: “Ƀing ană tơčo ih či jing kar hăng anŭn yơh.”

Yua kơ anŭn, mơ̆ng tơlơi đaŏ yơh tơlơi ƀuăn tơbiă mơ̆ng tơlơi pap či dưi truh sĭt kơ abih bang ană tơčo Abraham, ƀu djơ̆ kơnơ̆ng kơ ană tơčo gah yŭ kơ tơlơi juăt đôč ôh, samơ̆ wơ̆t kơ abih bang ană tơčo gah kơ tơlơi đaŏ Abraham. Yua kơ ñu ăt jing ơi adon kơ abih bang ƀing ta mơ̆n.

“Mơyun hiam yơh kơ hlơi pô Ơi Adai pap brơi laih tơlơi ngă gao ñu, Tơlơi soh ñu Ơi Adai hmâo lơ̆m lui hĭ laih. Mơyun hiam yơh kơ mơnuih Khua Yang ƀu yap ôh tơlơi soh ñu.”

Yua kơ hơgĕt Hră Ơi Adai Pơhiăp laĭ? “Abraham đaŏ kơ Ơi Adai, laih anŭn yua mơ̆ng tơlơi đaŏ anŭn yơh Ơi Adai hmâo yap ñu tơpă.”