Versículos más leídos de la Biblia Rôm 12

Compartir

Anăm hla tui rơnŭk anai ôh, samơ̆ brơi Ơi Adai pơplih hĭ bĕ tơlơi hơdip ƀing gih yua mơ̆ng tơlơi Ñu pơphrâo glaĭ jua pơmĭn ƀing gih, kiăng kơ ƀing gih dưi thâo hơgĕt jing tơlơi Ơi Adai kiăng, hơgĕt ngă bơmơak kơ Ñu, laih anŭn hơgĕt jing klă tum.

Hnŭn yơh, Ơ adơi ayŏng, yua kơ tơlơi pap Ơi Adai, kâo pơđur kơ ƀing gih, pơyơr bĕ drơi jan ƀing gih jing mơnơ̆ng ngă yang dŏ hơdip, rơgoh hiam, laih anŭn bơmơak kơ Ơi Adai. Anŭn jing tơlơi kơkuh pơpŭ gal djơ̆ kơ ƀing gih.

Hơ̆k mơak bĕ amăng tơlơi čang rơmang, gir amăng tơlơi tơnap tap, laih anŭn dŏ kơjăp amăng tơlơi iâu laĭ.

Anăm brơi tơlơi sat dưi hăng ih ôh, samơ̆ brơi tơlơi hiam ih ngă dưi hĭ hăng tơlơi sat.

Brơi ƀing gih khăp bĕ kơ tơdruă ƀing gih kar hăng adơi ayŏng; pơpŭ bĕ kơ tơdruă ƀing gih hăng abih pran jua.

Tơlơi khăp ƀing gih khŏm jing tơpă sĭt. Bơrơmŭt bĕ kơ tơlơi sat, djă kơjăp hơgĕt jing tơlơi hiam.

Tơdah dưi, gir hơdip rơnom bĕ hăng abih bang mơnuih.

Ơ ƀing kâo khăp hơeng, anăm ƀing gih rŭ nua kơ arăng ôh, samơ̆ jao hĭ bĕ tơlơi anŭn kơ tơlơi Ơi Adai hil. Yua kơ Hră Ơi Adai Pơhiăp hmâo čih laih: “Tơlơi rŭ nua lơ̆m kơ Kâo; Kâo či pơglaĭ brơi, Khua Yang laĭ.”

Mă bruă triăng bĕ, anăm dŏ alah ôh. Mă bruă bĕ kơ Khua Yang hăng pran jua hur har.

Yua kơ mơ̆ng tơlơi pap Ơi Adai hmâo pha brơi laih kơ kâo, kâo laĭ hăng rĭm čô amăng ƀing gih anăm pơmĭn rơgao hlah đơi ôh kơ gih pô, samơ̆ brơi kơ rĭm čô pơmĭn djơ̆ tui hăng hơnơ̆ng tơlơi đaŏ Ơi Adai hmâo brơi laih kơ ñu.

Anăm pơglaĭ tơlơi sat kơ tơlơi sat arăng ôh, samơ̆ gir ngă bĕ bruă hiam ƀơi anăp abih bang mơnuih.

Brơi ƀing gih hơdip rơnom hăng tơdruă ƀing gih; anăm hmâo tơlơi pơmĭn pơgao ôh, samơ̆ lir pơgop bĕ hăng ƀing ƀu rup rap. Anăm yap ƀing gih pô jing kơhnâo ôh.

Samơ̆: “tơdah pô ayăt ih rơpa brơi bĕ ñu ƀơ̆ng; tơdah ñu mơhao, brơi bĕ ñu mơñum, yua kơ ngă tui anŭn ƀu phara ôh ih pioh anga apui ƀơi akŏ ñu.”

Hơơč mơyun bĕ kơ hlơi pô ngă sat kơ ƀing gih; hơơč tơlơi hiam kơ gơñu, anăm hơtơ̆m pah ôh. Hơ̆k mơak bĕ hăng ƀing hơ̆k mơak, čŏk hia bĕ hăng ƀing čŏk hia.

Pha brơi bĕ kơ ƀing rơgoh hiam mơnơ̆ng gơñu kiăng, brơi kơ ƀing gih thâo tŭ jum tuai.

Yua kơ kar hăng amăng sa drơi jan, ƀing ta hmâo lu črăn, laih anŭn abih bang črăn anŭn ngă bruă phara phara, ăt kar kaĭ mơ̆n, ƀing ta wơ̆t dah jing lu, samơ̆ kơnơ̆ng jing sa drơi jan amăng Krist đôč; laih anŭn rĭm čô ƀing ta jing črăn phara phara amăng sa drơi jan.