Versículos más leídos de la Biblia Rôm 11

Compartir

Yua kơ abih mơnơ̆ng leng kơ tơbiă rai mơ̆ng Ñu, yua mơ̆ng Ñu, laih anŭn anăp nao pơ Ñu. Tơlơi ư-ang, tơlơi ang yang lơ̆m kơ Ơi Adai hlŏng lar, Amen!

Aƀơih dlam đơi! Tơlơi pơdrŏng Ơi Adai, wơ̆t tơlơi kơhnâo laih anŭn tơlơi rơgơi Ñu! Hyư̆m dưi pơblang tơlơi Ñu phat kơđi laih anŭn hyư̆m dưi thâo hluh kơ khul jơlan Ñu!

“Yua kơ hlơi dưi thâo tơlơi pơmĭn Khua Yang, Hlơi jing pô kơčĕ brơi kơ Ñu?”

Kar kaĭ mơ̆n amăng rơnŭk anai, hmâo sa črăn dŏ tơsot glaĭ dưi ruah mă laih hăng tơlơi pap. Samơ̆ Ñu ruah mă gơñu mơ̆ng tơlơi pap, ƀu djơ̆ mơ̆ng bruă gơñu ngă ôh. Tơdah ƀu djơ̆ tui anŭn, tơlơi pap anŭn ƀu jing tơlơi pap dơ̆ng ôh.

Samơ̆ tơdah hmâo đơđa than arăng trơĭ hĭ laih, laih anŭn ih jing sa ƀĕ than ôliwơ glai, arăng pơtĕp ƀlir ƀơi anih arăng trơĭ hĭ gơ̆ laih, kiăng kơ ih dưi hmâo kơtăk hơdip mơ̆ng akha boh ôliwơ, anăm pơgao hăng than pơkŏn ôh. Tơdah ih ngă pơgao, hơdơr bĕ ƀu djơ̆ ih ôh krơ̆ng akha, samơ̆ akha krơ̆ng ih.