Versículos más leídos de la Biblia Apocalipsis 3

Janhan itjén ndója nchia, tjétꞌe̱ya̱. Ti nkojín nkexro chrókuihin taná ndá chrókuakitje̱he̱ ti ndo̱e la chrókꞌuíxa̱ha̱n ntiha la chrókjoniéki̱a̱n ti jehe sin la ko janhan.

Janhan nona kaín ti ixra̱ tjejochꞌera. Nóna kixin jahara la ní jehya ikin o̱ sóara. Kjá a̱ntsí jína ti chrókókinra o̱ chrókósóara. Kjánchó jehó yásóra la jehya ikinra la ni jehya sóara. La ti itsꞌiá janhan la tsꞌokjan ti jahara.

*Janhan tjéntuáha̱ kaín ti nkexro tjua̱ha̱. Méxra̱ ikjanra tinkachónkira Díos.

Janhan nona kaín ti nkehe tjejochꞌera. Méxra̱ kjuaké ijnko puerta tjexrjankehe̱ la ninkexró xitjahya tsꞌikjehe̱, kixin kjónté kanhñó fuertera la kjui̱nchexiteyára ti nkehe kjuàkua la ko kjui̱nchemáhñara ti janhan.

Ti nkexro tsjacha sinchexiteyá la tsjánjua kjuachaxin tsꞌejótja̱xi̱ko sin ti janhan ti této̱anxián éxi janhan kjuácha, ndá Tꞌaná kjuajon kjuachaxin tétja̱xian ti itjen chꞌan tꞌe̱to̱an chꞌan.

Kixin jahara ndáchrora kixin rikóra la ó chontara kaín nkehe la í ticháxia̱nhñara ninkehó. Kjánchó noahñara kixin chontahyara kjuachéhe̱ la ko jehya jína tjejora, nóara, ntakótánra la ko tjóchínra.

Jahara kuitekáonra ti nkehe kuétua̱hanra la kꞌóxrjéhyara méxra̱ jína tsꞌejora, la janhan tsꞌayakoha̱n ti jahara ti ó itsi ti nkehe náxrjónhña tso̱hen kuenté chjasintajni kixin xi̱kaha tsotsjaha̱ á tsjacha ti chojni chjasintajni tsꞌatsínka tíha.

Janhan la í séhya ndá tsokjan. Méxra̱ tꞌayakohénra ti nkehe chontara kixin ninkexró chrókuakítsjahyara ti corona.

Tꞌàyara la tꞌayakohénra ti nkehe kuíto̱he kjónté í tsjéhya kixin ó chjina itsꞌen kja̱xin. Kixin ó kꞌuíkua̱n kixin ti ixra̱ ichꞌera la kanhñó jína tꞌikon Díos.