Versículos bíblicos populares de Mateo 24

La tsꞌixin nchónhña nkehe jínahña la itsjé chojni la í tso̱tjue̱hya kícho. *A̱ndá ti nkexro tsjacha tsitekaon ti janhan hasta tsjeje̱ chjasintajni la tsaá sin.

A̱ndá ti itan jína chronka nkexrín tꞌe̱to̱axín Díos mé ticháxi̱n tsihin kaín chojni kuenté chjasintajni, la ti ó tsjixin ndá tsꞌitjáña ti chjasintajni.

Ti ó tsinhínra tsondáchro chojni kixin ó siín guerra la ko tsꞌixin kjuachrakon kixin tsjajo̱nko kícho sin la chróchrakonhñara, kixin ticháxi̱n xi̱kaha tso̱hen. Kjánchó na̱xa̱ tsꞌitjáñahña chjasintajni.

Ijnko nación tsjajo̱nko íjnko nación la ko ijnko chjasin tsjajo̱nko íjnko chjasin. La itsjé chjasin tso̱kjinta la ko tsꞌixin ichin la ko tsꞌinki nonte nkuíxín. La kaín tíhi la na̱ntá tsoxrankíxixón ti kjuatjoté tsꞌikon chojni.

Ti nka̱jní la ko chjasintajni la tsꞌitjáña, kjánchó ti itan kuénta̱na la tsꞌitjáñahña nkochríxín.

Kixin itsi itsjé chojni tsꞌákjexi̱n ni̱ná, tsondáchro: “Janhan mé ti Cristo”, la itsjé chojni sichꞌiyehe sin.

*’A̱ndá jahara la tsotsé chojni la tsjikaánra sin ti tjejó ti sin tꞌe̱to̱an kixin sinchekjasótiara sin la tsꞌóñá sin ti jahara. La ko kaín chojni siín chjasintajni tso̱nínkakohen sin ti jahara kixin tinkachónkira ti janhan. A̱ndá ti ña̱o a, la itsjé sin tsíto̱he sin ti janhan, la í tsitekakonhña sin, la ko tso̱nínkakohen kícho sin la ko tsꞌeka kícho sin ijie̱. La itsi itsjé chojni nduáhya tsjako la sichꞌiyehe itsjé chojni.

Ndá kjuáte̱he chꞌin Jesús ndáchro: ―Tsjehéra kixin ninkexró chrókjuitꞌayahyara.

Méxra̱ jahara la jína chrókꞌuejora kixin ti Xje̱en Díos kꞌóna Chojni la titàya̱ itsié.

’Méxra̱ chrókꞌuejotsjehera kixin noahñara nkehora la ko nkesá tsꞌinka janhan.

’Kjánchó ti ña̱o la ko ti hora tso̱hen tíha, la ninkexró noehña, ni ti sin ángel tjejó nkaya nka̱jní, ni ti Xje̱en Díos noehña, jehó ti Itꞌé chꞌan mé nohe tíha.

Kixin itsi itsjé chojni tsondáchro kixin jehe sin mé ti Cristo, la ko itsi itsjé ti sin nduáhya tjako la tsjasin sin kjuaxroan ijié la hasta tsjacha sichꞌiyehe sin kaín chojni, kjónté ti sin tsíkjeyá Díos.

*’Ti ó tsokjan ti Xje̱en Díos kꞌóna Chojni la tso̱hen éxi kóhen ti ña̱o kꞌuékjakꞌe Noé. Ti ña̱o a ti na̱xa̱ tite̱éhya sin ìnta̱ la jína kꞌuejó sin, kjónie sin la ko ikꞌui sin, sítóte̱he sin hasta ti ó kjuixraká ti ña̱o kꞌuíxehen Noé ti ntabarco. *A̱ndá jehe sin la kienxínhña sin hasta ti ó kꞌuaniá ichrin ndá ikui yeé ìnta̱ la kꞌuátjoá sin kaín sin. Mé xi̱kaha tso̱hen ti ó tsokjan ti Xje̱en Díos kꞌóna Chojni.