Versículos más leídos de la Biblia Bitrus I 1

Compartir

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi. Shekwoyi n cauta dnagmayi so shi owo aɓi lo n ʼshe; kwo gyi-gyi-yi lo, kwoi ta shando aigna kwo bom kwoi ta shan zom.

Ntu cenu a da fye n mwa, a gmada yakwo lo n fya bye, kwoda shike ezan dna ɓo lo n saiye kpa ntu mu-mugye ɓo nɓa ɓe fya ba nyi. A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Ama fye ku ze agyi-gyiyi n ɓeho-ɓehoi nfye zhin, ngye shi Dagayi zhin gyi-gyi-yi nu n wa yi fye nyi. A cei kafi lo n Littafi ge, “Fye ku ze a gyi-gyi-yi, ntuge Mi gyi-gyi-yi lo.”

Fye vi Shekwoyi ɓo, ntu ge fye zhin owo aɓi nu, fye to jezelo fya zokwo kwokwoyi ɓenukwoyi zhin nyam, ntuge fye to ɓei zhin fyei kpe ɓemanai ye num.

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

E, eya wye-wyeyi anyinya ɓa zo, she a gbe-gbe zhin ɓa bmi ɓa wo akawu nyi. Zanyikwoci latu bwa wu ngye ama-mawyi nu n ɓa bwa ɓa kaya nyi. Ama Shekwoyi ɓeda ɓa gni-gni har nyalo-nyalo. Owo ɓeda ye nu zhin Nabari Manayi n na ɓei zhin fye kwo waʼazi nyi.