Versículos más leídos de la Biblia Isaías 11

Compartir

A-dulegi Bab-Jehová-E-Burba megoed: Nue-binsaed-nikagued ega ukoed, nue-ibmar-magar-itoged ega ukoed, binsaed-nued-uke imakoed, degi, gangued-nika imakoed, gurgin-nikarba imakoed, degi, Bab-Jehová-dobee-nanadii imakoed. We-dule, Bab-Jehová-dobee-nanaoedba yeer-itodii guoed, dulemar-daklegedba dulemarga igar nabogosulid, dulemar-ibmar-sogedba igar nudakosulid.

Sapi-siklesad-gannar-ainieyobi, dule-Isaíʼye-nugadgi dule-gwensak nodagoed. E-wagangine, a-dule danikoed.

Dule-wilemaladga igar-napiragwadba igar nabogoed, degi, igar-innikigwadba dule-belagwadaedga igar nudakoed. E-sunmakedba dule-bukwad-obelogoed, e-ibmar-sogedba dule-isgana-oburgoed.

Igar-napiragwadi, molidub-saderba-naiyobi, oyodii guoed. Innikidaedi, e-musir-edinnedyobi, oyodii guoed.

An-Yala-Islidikid-Naidgi gwen dulemar neg-oichodii guosurmalad, gwen oakalogosurmalad, ar ade, bela yar-naidgi, Bab-Jehová-magar-dake nanadii gumaloed. Muu-billi-dii-bela-engus-naiyobi, bela Bab-Dummad-magar-dake gumaloed.

Achu-burburud, sibad-wawaad-senigwad-ebo gudii guoed. Achu-barbad, sibad-bipi-ebo dodomai guoed. Moli-bebe-nikad-sapingwagwad, achumigur-nono-wawaad-bipigwadmala garmakdii gumaloed. Machi-bipigwa a-ibmar-durgan-idudii guoed.

A-ibagangine, Isaí-e-wagangi-dule-danikoedi, dulemar-iduedga guoed. Bela dulemar-yar-baid-baidgi-bukwamalad ese duurmaknonimaloed. E-neg-megoedi gandikidba-yeerdaklege guoed.