ମାତିଉ 3
3
ଡୁବନ୍ ହିନ୍ନି ଜହନତି ପ୍ରଚାର
(ମାର୍କ ୧:୧–୮; ଲୁକ ୩:୧–୧୮; ଜହନ ୧:୬–୮,୧୫–୩୪)
1ଏଚିତୁକାତାୱା ଡୁବନ୍ ହିନ୍ନି ଜହନ ୱାନ୍ ଜିହୁଦା ରାଜିତି ଚିହ୍ପି ଗର୍ରିତାୱା ପ୍ରଚାର କିଅନ୍ ମ୍ରାସ୍ତେଞ୍ଜି, 2#ମାତି ୪:୧୭; ମାର୍କ ୧:୧୫“ଏଲୁୱ୍ଡେପ୍ଦୁ, ଇନାକି ସର୍ଗ ରାଜି ଟାକ୍କେ ୱାତେ ।” 3ଜିସାୟ ବାବବାଦି ଇନ୍ଦାର୍ କୁଲାଟି ଇ କାତା ୱେସାଚ୍ଚେଞ୍ଜି, ଏୱାଞ୍ଜି ଆଇନ୍ନେଞ୍ଜି ଜହନ, “ରଃଅଞ୍ଜି ଚିହ୍ପି ଗର୍ରିତାୱା ଡିଡ୍ଡାନାହି ଗଲି ଆନ୍ ୱେସ୍ପିନ୍ନି ରଃଅଞ୍ଜ୍ତି ଉକୁଡ଼୍, ଦାର୍ମୁତି ପାହେର୍ ହାମ୍ୱେର୍ କିଦୁ, ତା ରାଜି ପାହେର୍ ତିହ୍ଦୁ ।”
4ଜହନ ଉଟୁ କାଡ୍ଡିଙ୍ଗ୍ତି ଗତା ମେଦ୍ଦେଚ୍ଚେଞ୍ଜି ଅଟେ ତା ଡାଡ୍ଡିତାୱା ଟଡୁତି ନଡ଼ ଗାସ୍ପିଚ୍ଚେଞ୍ଜି, ଆଟେ କାପେର୍ୱିଟାଙ୍ଗ୍ ଅଟେ କାମ୍ୱଡ଼୍ତି ପୁକି ତିଞ୍ଜିଚ୍ଚେଞ୍ଜି । 5ଏଚିତୁକାତାୱା ହାବେତ୍ ଜିହୁଦା ରାଜି ଅଟେ ଜିରୁସାଲମ ଆଟେ ଜର୍ଦ୍ଦନ ପେରେଏଜୁ ଏସେନା ମାଚ୍ଚି ହାବେଦାଲ୍ଲା ହଚାନାହି ତା ଟାକ୍କେ ୱାଅନ୍ ମ୍ରାସ୍ତେରି । 6ଆଟେ ତା ତା ପାପ ୱେସାନାହି ଜହନତାୱାଟି ଜର୍ଦ୍ଦନ ପେରେଏଜୁତାୱା ଡୁବନ୍ ଆତେରି ।
7 #
ମାତି ୧୨:୩୪; ୨୩:୩୩ ମତ୍ର ପାରୁସି ଅଟେ ସାଦୁକି ଦାଲ୍ଲା ତାୱାଟି ଏଗେଲ୍ ଡୁବନ୍ ଆଅନ୍ ବାଗାଟି ୱାଇନାଦାଃଆ ହୁଡ଼ାନ୍ ଏୱାଞ୍ଜି ଏୱାରିକି ୱେସ୍ତେଞ୍ଜି, “ଏ ଗାପ୍ଚି ବିସଗାଟି ରାଚୁତି ପୁଣ୍ଡି, ୱାଇନି ତରୁଟିଆଟି ଜ୍ଡିଅନ୍ ବାଗାଟି ଏମ୍ୱେ ମିଙ୍ଗେ ୱେସ୍ତାତେ ? 8ଏଦାକି ମିରୁ ଏଲୁୱ୍ଡେପ୍ଚାନ୍ ନେହି ବେବାର୍ ତସ୍ଦୁ । 9#ଜହ ୮:୩୩ଆଟେ ଅବ୍ରାହାମ ତ ମା ଆବା ଇଞ୍ଜାନ୍ ହଡାଙ୍ଗିଃଆ ଏଲୁ କିଃଆଟୁ, ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁ ଇ ୱାଲ୍ଲିଙ୍ଗିଆଟି ଅବ୍ରାହାମ ବାଗାଟି ବଦାଙ୍ଗ୍ନିକି ପିଲ୍ପନ୍ ମୁନେଞ୍ଜି । 10#ମାତି ୭:୧୯ଆଟେ ହାଦାଡ଼ି ଟିକ୍ନା ମ୍ରାକାତି ଟାକ୍କୁତାୱା କୁରେଡ଼୍ ମାଟ୍ପା ଆନ୍ନେ; ଏଦାବାଗା ଇମ୍ୱିନ୍ ମ୍ରାନୁ ନେହି କାଉ ଆଃଗେଏ, ଏଦା କାତାନାହି ନାଡ଼ିତାୱା କୁମ୍ବନ୍ ଆନେ ।” 11“ନାନୁ ପାଃଏ ମିଙ୍ଗେ ଏଲୁୱ୍ଡେପନ୍ ବାଗାଟି ଏଜୁତାୱା ଡୁବନ୍ ହିଞ୍ଜା, ମତ୍ର ନା ଡେଗ୍ଗା ଏମ୍ୱେନାଞ୍ଜି ୱାଇନ୍ନେଞ୍ଜି, ଏୱାଞ୍ଜି ନା ତାୱାଟି ଏଗେଲ୍ ବଲଗାଟାଞ୍ଜି, ତା ପାଣ୍ଡେଙ୍ଗ୍ କ୍ଡୁହ୍ପନ୍ ବାଗା ନାନୁ ଜୁଗ୍ୟ ଆଃଏ; ଏୱାଞ୍ଜି ମିଙ୍ଗେ ପିର୍ନି ଡିଙ୍ଗା ଅଟେ ନାଡ଼ିଟି ଡୁବନ୍ ହିଆନେଞ୍ଜି । 12ପନ୍ନଙ୍ଗ୍ ତାୱାଟି ହାଟ୍କାତିଦି ୱ୍ଲିଉ କିଅନ୍ ବାଗା ଏୱାଞ୍ଜ୍ତି କାଜ୍ଜୁତାୱା ହେଚି ମାନ୍ନେ । ଏୱାଞ୍ଜି ୱେହା ରପାଟ୍ଟେ କିଆନ୍ କିଟ୍ଟାଇଡ୍ଡୁତାୱା ଉହି କିନ୍ନେଞ୍ଜି । ମତ୍ର ହାଟ୍କାତିଦି ଏଚ୍ଚେକ୍ ଡୁମ୍ବାନ୍ ନାଡ଼ିତାୱା କୁମ୍ୱିନେଞ୍ଜି ।”
ଜିସୁ ଡୁବନ୍ ଆଅନି
(ମାର୍କ ୧:୯–୧୧; ଲୁକ ୩:୨୧–୨୨)
13ଏଚିତୁକାତାୱା ଜିସୁ ଜହନତାୱାଟି ଡୁବନ୍ ଆଅନ୍ ବାଗାଟି ଗାଲିଲି ରାଜିତାୱାଟି ଜର୍ଦ୍ଦନ ପେରେଏଜୁଇନ୍ଦା ୱାତେଞ୍ଜି । 14ମତ୍ର ଜହନ ତାଙ୍ଗେ ଡୁବନ୍ କିଅନ୍ ବାଗା ଆଃଏ କିଆନ୍ ୱେସ୍ତେଞ୍ଜି, “ନାନୁ ପାଃଏ ନି ତାୱାଟି ଡୁବନ୍ ଆଅନ୍ତି କାତା ମା, ଆଟେ ନିନୁ ନା ରେଃଏସ୍ ୱାଞ୍ଜି ?”
15ମତ୍ର ଜିସୁ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ହାଦାଡ଼ି ନିନୁ ଇଦା କିଅନ୍ ବାଗାଟି ମାନି ଆମୁ, ଇନାକି ମୁଲାପେନୁତି ଇଚ୍ଚା ଇନ୍ନାଦି ଏଦା ମାରୁ ଲେର୍ କିଅନ୍ତିକି ଆନେ ।” ଏମ୍ୱାଟି ଜହନ ଜିସୁନିକି ଡୁବନ୍ ହିଅନ୍ ବାଗା ମାନି ଆତେଞ୍ଜି ।
16ଜିସୁ ଡୁବନ୍ ଆନ୍ ଏଚିୱାଡ଼େ ଏଜୁତାୱାଟି ନିଙ୍ଗାନ୍ ୱାତେଞ୍ଜି, ଏଚିୱାଡ଼େ ଆଟେ ହୁଡ଼ାଟୁ, ଜାଗ୍ଗୁ ରି ବାଗା ଆତେ, ଆଟେ ଜହନ ମୁଲାପେନୁତି ପିର୍ନି ଡିଙ୍ଗା ଗୁଗୁର୍ ଡେହେଙ୍ଗ୍ ଜାଚାନାହି ଜିସୁ କୁଃଏଟି ୱାନ୍ କପ୍କନ୍ତାଦା ହୁଡ଼ିତେଞ୍ଜି । 17#ମାତି ୧୨:୧୮; ୧୭:୫; ମାର୍କ ୧:୧୧; ଲୁକ ୯:୩୫ଆଟେ ହୁଡ଼ାଟୁ, ସର୍ଗଟିଆଟି ଇ ଉକୁଡ଼୍ ଆତେ, “ଇୱାଞ୍ଜି ନା ଜେଡାଗାଟି ମ୍ରିଃଏଞ୍ଜି, ଇୱାଞ୍ଜ୍ କୁଃଏଟି ନାନୁ ଗାପ୍ଚି ରାହାଙ୍ଗ୍।”
Επιλέχθηκαν προς το παρόν:
ମାତିଉ 3: DWK
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2023 NLCI CC BY-NC-ND 4.0
ମାତିଉ 3
3
ଡୁବନ୍ ହିନ୍ନି ଜହନତି ପ୍ରଚାର
(ମାର୍କ ୧:୧–୮; ଲୁକ ୩:୧–୧୮; ଜହନ ୧:୬–୮,୧୫–୩୪)
1ଏଚିତୁକାତାୱା ଡୁବନ୍ ହିନ୍ନି ଜହନ ୱାନ୍ ଜିହୁଦା ରାଜିତି ଚିହ୍ପି ଗର୍ରିତାୱା ପ୍ରଚାର କିଅନ୍ ମ୍ରାସ୍ତେଞ୍ଜି, 2#ମାତି ୪:୧୭; ମାର୍କ ୧:୧୫“ଏଲୁୱ୍ଡେପ୍ଦୁ, ଇନାକି ସର୍ଗ ରାଜି ଟାକ୍କେ ୱାତେ ।” 3ଜିସାୟ ବାବବାଦି ଇନ୍ଦାର୍ କୁଲାଟି ଇ କାତା ୱେସାଚ୍ଚେଞ୍ଜି, ଏୱାଞ୍ଜି ଆଇନ୍ନେଞ୍ଜି ଜହନ, “ରଃଅଞ୍ଜି ଚିହ୍ପି ଗର୍ରିତାୱା ଡିଡ୍ଡାନାହି ଗଲି ଆନ୍ ୱେସ୍ପିନ୍ନି ରଃଅଞ୍ଜ୍ତି ଉକୁଡ଼୍, ଦାର୍ମୁତି ପାହେର୍ ହାମ୍ୱେର୍ କିଦୁ, ତା ରାଜି ପାହେର୍ ତିହ୍ଦୁ ।”
4ଜହନ ଉଟୁ କାଡ୍ଡିଙ୍ଗ୍ତି ଗତା ମେଦ୍ଦେଚ୍ଚେଞ୍ଜି ଅଟେ ତା ଡାଡ୍ଡିତାୱା ଟଡୁତି ନଡ଼ ଗାସ୍ପିଚ୍ଚେଞ୍ଜି, ଆଟେ କାପେର୍ୱିଟାଙ୍ଗ୍ ଅଟେ କାମ୍ୱଡ଼୍ତି ପୁକି ତିଞ୍ଜିଚ୍ଚେଞ୍ଜି । 5ଏଚିତୁକାତାୱା ହାବେତ୍ ଜିହୁଦା ରାଜି ଅଟେ ଜିରୁସାଲମ ଆଟେ ଜର୍ଦ୍ଦନ ପେରେଏଜୁ ଏସେନା ମାଚ୍ଚି ହାବେଦାଲ୍ଲା ହଚାନାହି ତା ଟାକ୍କେ ୱାଅନ୍ ମ୍ରାସ୍ତେରି । 6ଆଟେ ତା ତା ପାପ ୱେସାନାହି ଜହନତାୱାଟି ଜର୍ଦ୍ଦନ ପେରେଏଜୁତାୱା ଡୁବନ୍ ଆତେରି ।
7 #
ମାତି ୧୨:୩୪; ୨୩:୩୩ ମତ୍ର ପାରୁସି ଅଟେ ସାଦୁକି ଦାଲ୍ଲା ତାୱାଟି ଏଗେଲ୍ ଡୁବନ୍ ଆଅନ୍ ବାଗାଟି ୱାଇନାଦାଃଆ ହୁଡ଼ାନ୍ ଏୱାଞ୍ଜି ଏୱାରିକି ୱେସ୍ତେଞ୍ଜି, “ଏ ଗାପ୍ଚି ବିସଗାଟି ରାଚୁତି ପୁଣ୍ଡି, ୱାଇନି ତରୁଟିଆଟି ଜ୍ଡିଅନ୍ ବାଗାଟି ଏମ୍ୱେ ମିଙ୍ଗେ ୱେସ୍ତାତେ ? 8ଏଦାକି ମିରୁ ଏଲୁୱ୍ଡେପ୍ଚାନ୍ ନେହି ବେବାର୍ ତସ୍ଦୁ । 9#ଜହ ୮:୩୩ଆଟେ ଅବ୍ରାହାମ ତ ମା ଆବା ଇଞ୍ଜାନ୍ ହଡାଙ୍ଗିଃଆ ଏଲୁ କିଃଆଟୁ, ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁ ଇ ୱାଲ୍ଲିଙ୍ଗିଆଟି ଅବ୍ରାହାମ ବାଗାଟି ବଦାଙ୍ଗ୍ନିକି ପିଲ୍ପନ୍ ମୁନେଞ୍ଜି । 10#ମାତି ୭:୧୯ଆଟେ ହାଦାଡ଼ି ଟିକ୍ନା ମ୍ରାକାତି ଟାକ୍କୁତାୱା କୁରେଡ଼୍ ମାଟ୍ପା ଆନ୍ନେ; ଏଦାବାଗା ଇମ୍ୱିନ୍ ମ୍ରାନୁ ନେହି କାଉ ଆଃଗେଏ, ଏଦା କାତାନାହି ନାଡ଼ିତାୱା କୁମ୍ବନ୍ ଆନେ ।” 11“ନାନୁ ପାଃଏ ମିଙ୍ଗେ ଏଲୁୱ୍ଡେପନ୍ ବାଗାଟି ଏଜୁତାୱା ଡୁବନ୍ ହିଞ୍ଜା, ମତ୍ର ନା ଡେଗ୍ଗା ଏମ୍ୱେନାଞ୍ଜି ୱାଇନ୍ନେଞ୍ଜି, ଏୱାଞ୍ଜି ନା ତାୱାଟି ଏଗେଲ୍ ବଲଗାଟାଞ୍ଜି, ତା ପାଣ୍ଡେଙ୍ଗ୍ କ୍ଡୁହ୍ପନ୍ ବାଗା ନାନୁ ଜୁଗ୍ୟ ଆଃଏ; ଏୱାଞ୍ଜି ମିଙ୍ଗେ ପିର୍ନି ଡିଙ୍ଗା ଅଟେ ନାଡ଼ିଟି ଡୁବନ୍ ହିଆନେଞ୍ଜି । 12ପନ୍ନଙ୍ଗ୍ ତାୱାଟି ହାଟ୍କାତିଦି ୱ୍ଲିଉ କିଅନ୍ ବାଗା ଏୱାଞ୍ଜ୍ତି କାଜ୍ଜୁତାୱା ହେଚି ମାନ୍ନେ । ଏୱାଞ୍ଜି ୱେହା ରପାଟ୍ଟେ କିଆନ୍ କିଟ୍ଟାଇଡ୍ଡୁତାୱା ଉହି କିନ୍ନେଞ୍ଜି । ମତ୍ର ହାଟ୍କାତିଦି ଏଚ୍ଚେକ୍ ଡୁମ୍ବାନ୍ ନାଡ଼ିତାୱା କୁମ୍ୱିନେଞ୍ଜି ।”
ଜିସୁ ଡୁବନ୍ ଆଅନି
(ମାର୍କ ୧:୯–୧୧; ଲୁକ ୩:୨୧–୨୨)
13ଏଚିତୁକାତାୱା ଜିସୁ ଜହନତାୱାଟି ଡୁବନ୍ ଆଅନ୍ ବାଗାଟି ଗାଲିଲି ରାଜିତାୱାଟି ଜର୍ଦ୍ଦନ ପେରେଏଜୁଇନ୍ଦା ୱାତେଞ୍ଜି । 14ମତ୍ର ଜହନ ତାଙ୍ଗେ ଡୁବନ୍ କିଅନ୍ ବାଗା ଆଃଏ କିଆନ୍ ୱେସ୍ତେଞ୍ଜି, “ନାନୁ ପାଃଏ ନି ତାୱାଟି ଡୁବନ୍ ଆଅନ୍ତି କାତା ମା, ଆଟେ ନିନୁ ନା ରେଃଏସ୍ ୱାଞ୍ଜି ?”
15ମତ୍ର ଜିସୁ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ହାଦାଡ଼ି ନିନୁ ଇଦା କିଅନ୍ ବାଗାଟି ମାନି ଆମୁ, ଇନାକି ମୁଲାପେନୁତି ଇଚ୍ଚା ଇନ୍ନାଦି ଏଦା ମାରୁ ଲେର୍ କିଅନ୍ତିକି ଆନେ ।” ଏମ୍ୱାଟି ଜହନ ଜିସୁନିକି ଡୁବନ୍ ହିଅନ୍ ବାଗା ମାନି ଆତେଞ୍ଜି ।
16ଜିସୁ ଡୁବନ୍ ଆନ୍ ଏଚିୱାଡ଼େ ଏଜୁତାୱାଟି ନିଙ୍ଗାନ୍ ୱାତେଞ୍ଜି, ଏଚିୱାଡ଼େ ଆଟେ ହୁଡ଼ାଟୁ, ଜାଗ୍ଗୁ ରି ବାଗା ଆତେ, ଆଟେ ଜହନ ମୁଲାପେନୁତି ପିର୍ନି ଡିଙ୍ଗା ଗୁଗୁର୍ ଡେହେଙ୍ଗ୍ ଜାଚାନାହି ଜିସୁ କୁଃଏଟି ୱାନ୍ କପ୍କନ୍ତାଦା ହୁଡ଼ିତେଞ୍ଜି । 17#ମାତି ୧୨:୧୮; ୧୭:୫; ମାର୍କ ୧:୧୧; ଲୁକ ୯:୩୫ଆଟେ ହୁଡ଼ାଟୁ, ସର୍ଗଟିଆଟି ଇ ଉକୁଡ଼୍ ଆତେ, “ଇୱାଞ୍ଜି ନା ଜେଡାଗାଟି ମ୍ରିଃଏଞ୍ଜି, ଇୱାଞ୍ଜ୍ କୁଃଏଟି ନାନୁ ଗାପ୍ଚି ରାହାଙ୍ଗ୍।”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2023 NLCI CC BY-NC-ND 4.0