रोमियो 15
15
दिसरान बढ़ती करू
1शेवली कावा हामु बलवान क काजे जुवछे कि निर्बलोंन निर्बलताओं क सहें, नि क आपने आपसु खुश करे। 2हामरेम रईन हर एक पड़ोसी काजे आपसी भलाई न करता खुश करे काहकि हिनरी प्रगती हुयो। 3काहकि मसीह ने आपनु आपसु खुश नी कर्यु, पुन जोसो लिखलो छे: “तार निंदकन निंदा मोखे पर आव पड़ी।” 4जोतरी वात पेहल लिखली गय, ची आपसी शिक्षान करता लिखली गय छे कि हामरी धीरज आरू चुखलोशास्त्रन बढ़ावु द्वारा आश हावकजे। 5धीरज आरू शांतीन दाता यहोवा–भगवान तुमूक यो वरदान आपे कि मसीह ईशुन लारे आपसु मा एक मन रवु। 6ताकि तुमूक एक मन आरू एक स्वर मा हामरू पोरबु ईशु मसीहन बास यहोवा–भगवानन बढ़ाई करू।
सुबन करता खुश खबर
7एरकरीन, जोसो मसीह यहोवा–भगवानन महिमान करता तुमूक मान्य करतु छे, ओसोज तुमूक भी एक दिसरा काजे मान्य करू। 8एरकरीन हाव कोवतु छे कि जी प्रतिज्ञाऍ बाबदादा काजे आपी गय होती ओको द्दुढ़ करनेन करता मसीह, यहोवा–भगवानन सच्चाई क प्रमाण आपनेन करता, यहुदि मानसोन सेवक बना: 9आरू गैरयहुदी भी दयान कारण यहोवा–भगवानन बढ़ाई करे; जोसो लिखलो छे, “एरकरीन हाव जाति–जाति मा तारो धन्यवाद करसु, आरू तार नावन भोजन गावसु।” 10पछु क छे, “हे गैरयहुदी यो क सुब मानसो, ओका प्रजा क साथे खुशी करो।” 11आरू पछु, “हे गैरयहुदी यो सुब मानसो, पोरबु कि बढ़ाई करू; आरू हे राज्य राज्यन सब मानसो, ओको सराहो।” 12आरू पछु यशायाह कोवतु छे, “यिशै कि एक वंश प्रगट होय छे, आरू गैरयहुदी यो क सरदार होयनेन करता एक उठसे, ओको पर आश हावकछे।” 13यहोवा–भगवान जु आश दाता छे तुमूक विश्वास करने मा सुब भातीन खुशी आरू शांती रईन सब पुरो–करे, कि चुखलो आत्मा की शक्ति रईनी तुमरी आश बढ़ती जाए।
साहस रईन लिखनेन कारण
14हे मार भाईसो, हाव खुद तुमरा विषय मा पाको जानता छे कि तु भी आप ही भलाई छे भरे आरू ईश्वरीय ज्ञान छे भरपूर छे, आरू एक दिसरा काजे समझाड़ सकता छे, 15तेभी हाव भी काहरी–काहरी याद देवाड़नेन करता तुमूक जु घोणा हिंमत करीन लिखा। यो ओको फुकट दया कारण होयलो जो यहोवा–भगवान मोखे आपलो छे, 16कि हाव गैरयहुदी करता मसीह ईशुन सेवक होईन यहोवा–भगवानन खुश खबर न सेवा पुजारान समान करजे, जिनान गैरयहुदीन मानो चढ़ाया जाना, चुखलो आत्मा रईन चुखलो बनीन मान लेय। 17एरकरीन ओकान वातन विषय मा जो यहोवा–भगवान छे सम्बन्ध राखती छे, हाव मसीह ईशु मा बढ़ाई कर सकतलु छे। 18काहकि ओको वात काजे सुड़ीन मोखे आरू कोसली वातन विषय मा कोवने मा साहस नी, जु मसीह गैरयहुदीन हको तळे वचन, आरू काम, 19आरू सहलानी, आरू विनछळ्यो कामोंन शक्ति रईन, आरू चुखलो आत्मान शक्ति रईन मार द्वारा करला; यो तक कि हाव ने यरूशलेम रईन लिन चार तरफ इल्लुरिकुम तक मसीहन खुश खबर पुरी–पुरी खबर कर्या। 20पर मार मनन मरजी या छे कि जाहरी मसीहन नाव नी लिदा, चा खुश खबर सोंबाडजे ओसो नी होय कि दिसरान नींव पर घर बनावजे। 21पुन जोसो लिखलो छे तोसोज हुयो, “जिनाक ओका खुश खबर नी पुगी, चाज देखछे आरू जा नी सोंब्या चाज समझसे।”
रोम जात्रान पौलुसन योजना
22 #
रोमियो 1:13
अतरान करीन हाव तुमरे जु आवने रईन बार बार रूकलो रोवे। 23पुन एवी इन देशों मा मार कामन करता आरू जागु नी रोवी, आरू घोणा साल रईन मोखे तुमरे जु आवनेन लालुच छे। 24एरकरीन जब हाव स्पेन काजे जाईस ते तुमरे साथे होयतुस करे जासु, काहकि मोखे आश छे कि ओको जात्रा मा तुमूक रईन भेंट होयछे, आरू अब तुमरी संगति रईन मारो जी काय भर जाए ते तुमूक मोखे काय दुर अगळ पुगाड़ देजु। 25#1 कुरन्थियो 16:1-4पुन अब हाव चुखलो मानसो काजे सेवा करनेन करता यरूशलेम मा जातु छे। 26काहकि मकिदुनिया आरू अखाया न मानसो काजे यो वारलो लागे कि यरूशलेमन चुखलो मानसो मा निर्धनोंन करता काय चन्दा करे। 27ओको वारलो ते लागे, पुन चाँ ओका कर्जदार भी छे, काहकि यदि गैरयहुदी ओका आत्मिक वातु मा भागी हुए, ते ओको भी वारू छे कि शारीरिक वात मा ओका सेवा करे। 28एरकरीन हाव यो काम पूरो करीन आरू ओका यो चन्दा सौपिन तुमरे जु होईन स्पेन काजे जाईस। 29आरू हाव जानतु छे कि जब हाव तुमरे जु आवीस, ते मसीहन पूरी बरकत साथे आवसु। 30हे भाईहो, आमरू पोरबु ईशु मसीहन आरू चुखलो आत्मान मोंग स्मरण दिला कर हाव तुमू रईन रावन्या करता छे, कि मार करता यहोवा–भगवान रईन प्रार्थना करने मा मारे साथे मिवीन लौलीन रवु 31कि हाव यहूदियान विनभुरसीया रईन बच रवु, आरू मारो चाँ सेवा जी यरूशलेम न करता छे, चुखलो मानसो काजे स्वीकार हुयो; 32आरू हाव यहोवा–भगवानन मरजी रईन तुमरे जु खुशी न साथे आवीन तुमरे साथे जु विस्राम पाऊं। 33शांतीन यहोवा–भगवान तुमू सुबन साथ रोवे। आमेन।
Επιλέχθηκαν προς το παρόν:
रोमियो 15: Dii25
Επισημάνσεις
Αντιγραφή
Σύγκριση
Κοινοποίηση
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025