แปร กาฮ็อห 36
36
ลอง คาฆูน เฆ ฆอน อีบึณ
1ดูอี อี อึบ อี แยต แคง ดูอี อาฆีเลอาด อี มูห ฆอน อามาคีรา บอ หลาน อามานาเซ อี มูห ฆอน อาโยว ตึอน, เฆ บอ ตัห โดง กอย อาโมวแซ บอ โดง กอย เฆ ดา ตาง อี อึบ เฆ ดูอี อีซาเรลัะ. 2เฆ ต็อห, “เฌาพรา แฮะ จัร แม กาตาม ลาย กาย็อห กาดาย อี ดี แบน คาฆูน ดูอี อีซาเรลัะ. แฮะ ฮอต, อัน เฌา แฮะ วี ต็อห, แตห แม ดึห คาฆูน อาจาลอพัด อี มูห อีกัด เย ตึอน, วี ดัว ดี เฆ ฆอน อีบึณ อัน. 3มาแล, เซ ฆอน อีบึณ อัน เฆ ตี วี คัด ดึห อีมาย ดูอี อีซาเรลัะ อี มูห ครึร เฮา, ดูอี อาโมยว เฮา ตี อี ดี ปึอน ดี บึง คาฆูน เฆ ตี. เซ อึณ ปาย ตี กาดาย คาฆูน เย, อึณ ดี โยม. 4เซ ฮี ฌัม ซีนัม ปัน ดี โลว ดัว วีว กาดาย แปะ แฮะ ปึอน เฆ ตี, เฆ ดูอี อาโมยว เฮา ดี บอ ปึอน ดี อึบ เซเซ กาดาย ตี. แฮะ ฮอต, กาดาย คาฆูน ดูอี อาโมยว เย, อึณ ดี บอ หราย โตต.”
5ปัน ตี อาโมวแซ วี กาลาง ดี เฆ ดูอี อีซาเรลัะ โดบ ปี กาลาง เฌาพรา ดี อัน. อัน ต็อห, “โฆรห ปี ต็อห เฆ ดูอี อามานาเซ ตี แฮะ มูห แฮะ หมาน. 6เฌาพรา แฮะ ดึอม กาลาง ลอง ฆอน อีบึณ อาจาลอพัด ตี ต็อห, ‘แตห เฆ ดึห ปี อึง เฆ. ยี ดึห มี ดูอี อี มูห ครึร เฆ. 7ปาย ตี กาดาย คาฆูน ดูอี อีซาเรลัะ บอกาเฆลียด, อึณ ดี บอ กอย แคง ครึร เหมา ครึร อัน, ตู โยม ตู หราย ดอ เหมา. 8อีบึณ อี มึห คาฆูน กาแต ดูอี อีซาเรลัะ ดอน ครึร, แตห เฆ วี คัด ดึห อี มูห ครึร เฆ. เซ อึณ ปาย ตี เฆ ดูอี อาโมยว อีซาเรลัะ ดอน ครึร ดี บอ ปึอน ดี บึง คาฆูน ฆูณ ดัง เฆ ครึร เหมา ครึร อัน. 9กาดาย เฆ ตี มืร ตู โลว แตห อึณ แบน กาดาย ปอ อู ครึร. โคว, เฆ ดูอี อีซาเรลัะ โลว กอย โดง อี มูห กาดาย ฆูณ อาเซ ฆูณ อัน.’”
10เฆ ฆอน อีบึณ อาจาลอพัด, เฆ มืร โบง ปาย ตี แตห อึณ โดบ แปะ แฮะ กาลาง เฌาพรา ดี อาโมวแซ ตี. 11โคว, นาง มาลา, นาง ดีราจา, นาง ฮอกาลา, นาง แมก บอ นาง นออา, เฆ บอ วี คัด ดึห ฆอน ฆูณ แตะ ฆูณ อาน เฆ. 12ปาย ตี เฆ บอ คัด ลาย ดึห มี เฆ อี มูห ครึร อามานาเซ อี มูห ฆอน อาโยว ตึอน. กาดาย ปี ปึอน เฆ มืร, อึณ บอ กอย แคง ครึร ฆูณ ดัง เฆ.
13อาตี อึณ มูห ดารา ปี ดัม อูน เฌาพรา ดี เฆ ดูอี อีซาเรลัะ. เฌาพรา แฮะ กาลาง ลอง อัน ตี ดี อาโมวแซ ดอ กอย เฆ แคง ฆลัง มืง โมวอาบ อี กอย โคบ อึม แบลง ยอดาน อี ลาย กาซืร ดี มืง เยรีโคว ตึอน.
Επιλέχθηκαν προς το παρόν:
แปร กาฮ็อห 36: pce
Επισημάνσεις
Αντιγραφή
Σύγκριση
Κοινοποίηση
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2021, Wycliffe Bible Translator, Inc. All rights reserved.