ดา อี หลู 12
12
ลอง อีบึณ มึห ฆอน
1เฌาพรา ปี วี จัร อาโมวแซ, 2แตห อัน วี กาลาง ดี เฆ ดูอี อีซาเรลัะ ต็อห, “เซ อีบึณ อี แฮะ แด บาดีก ซันเท มึห ฆอน อีมาย, อัน ตู ซีงา บอด อาดา บู ซีแง. อึณ ดี ปี ดอ ตู ซีงา บอด อัน ดอ มึห อัน ครึง กาปลูะ. 3เซ ฮี โนะ ดา ซีแง, เฆ โลว ซัวะ แวน ฮูน ลัะคานา ฆอน อีมาย ตี. 4วาย อัน ตี อีบึณ ตี โลว กอย บอ โอย ฆึร ดี โอย ซีแง, แตห โดว โบ็ง อัน กอ เฮณ ซีคยา. ดอ อัน ตี อัน ตู ปึอน ดึร, ตู ปึอน ปา มาเซ อี ซีงา บอด. แคง โดง บอด อี มูห โดง กรึบ เฆ ดี เฌาพรา มืร, อัน ตู ปึอน ฮาว. อัน โลว บัร, แตห โดว อัน วี ซีงา, แตห อึณ กอ โนะ ซีแง ตี. 5เซ อัน บอ ฆึอด ฆอน อีบึณ, ฆึร ดี พวน ซีแง อัน ตู ซีงา ปี ดอ มึห อัน ครึง กาปลูะ. แฮะ ฮอต, อัน โลว กอย บอ เดา ฆึร ดี เดา ซีแง, แตห โดว โบ็ง อัน กอ เฮณ ซีคยา.
6ดอ แฮะ ฮอต ปวน ซีแง ตู ซีงา อัน, บอ มูห ฆอน อีบึณ ฆอน อีมาย, แฮะ ฮอต เบระ ซีแง อัน, อัน โลว ดึห ฆอน มาบู อู โดว อี หณัม โนะ อู ซีนัม, แตห อึณ แบน ปี ดี หลู อี โดะ ดี เงา. อัน โลว ดึห บอ มาโบลย อู โดว. เซ อาว ปาย ตี โลว ดึห มาโบลย แปร อู โดว, แตห อึณ แบน ปี ดี หลู อี แตห เฌาพรา ฆ็อห แวน หมาบ. อัน บอ โลว ดึห ตัห ดัว โตต ดี ดา อี หลู ดี เฌาพรา ดี บาง มาโลห ทึบ บีก บอด, แตห อัน หลู. 7ดา อี หลู ดี เฌาพรา โลว ดึห ปี หลู อีบึณ ตี, วี หลู ดี เฌาพรา, แตห อัน วี กาล็อะ ดี เฌาพรา, แตห โดว โบ็ง อัน วี ซีงา. อาตี มูห ดารา ลอง อีบึณ อี แฮะ ฮอต ฆึอด ฆอน.
8เซ อีบึณ ตี ตู มึห ฆอน มาบู, อัน โลว ดึห มาโบลย อา โดว. เซ อาว มึห มาโบลย, อัน โลว ดึห มาโบลย แปร อา โดว. แตห อึณ แบน ปี ดี หลู อี โดะ ดี เงา อู โดว. ปอ อู โดว แตห อึณ แบน ปี ดี หลู อี แตห เฌาพรา ฆ็อห แวน หมาบ. ดา อี หลู ดี เฌาพรา โลว หลู ปี หลู ตี, แตห อีบึณ ตึอน วี กาล็อะ ดี เฌาพรา, แตห อัน วี ซีงา บอด โดบ ปี ดัม ดารา. ฮี ฮอต หลู ปาย ตี อัน บอ วี ซีงา.”
Επιλέχθηκαν προς το παρόν:
ดา อี หลู 12: pce
Επισημάνσεις
Αντιγραφή
Σύγκριση
Κοινοποίηση
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2021, Wycliffe Bible Translator, Inc. All rights reserved.