Matew 12
12
Pê Jeju mã amji to cati prãm nare
Matew 12.15-21
15-16Mã Jeju te amji na Parixêw catêjê te amehcuran prãm na me hahkre pej, ne ma tẽ. Mã me hàhtôa ne ma ihkôt me mõ. Mã cute me hà catêjê cunea caprãr, ne me to impej, ne me cumã:
— Ca ha nee me cumã ite me acaprãr ita na me ijarẽn nare — hajỹr. 17Ne ampo na ri cute me to hajỹr? He pê rỳ pêa mã ramã Pahpãm jarkwa to ihcakôc catê pê Ixaj xwỳ ata, ita na ihhôac na ri cute hajỹr. 18Ne pê ihhôc to hane he. Pahpãm hũjarẽn to:
“Ihnãm hã, ite amji mã imã hàpên catê capi ita he.
Ne taa mã ri imã ihkĩnti.
Ne taa mã ri imã amji kĩnti to
ne amji to icajpuaw.
Ne wa ite cumã Icarõ Pejti kujahêc,
mã cute cumã amji jõr,
mãr quê ha Icarõ Pejti ata kôat mehcukij,
ne me to ajcokjê.
Ne quê ha me cupê mehcahkrit atajê pê Juta catêjê nare
pê me ijahkre pej nare atajê mã,
ite catyt kam me to ipicokjêr xà jarẽ.
19Ne nee cute amji to cati prãmte jũm me ajpẽn krac ri ihcakôc nare,
ne nee apu hàkjêr nare,
ne nee quê ha cà pê cute mempar prãmte ihcakôc to iryti nare.
20Ne quê ha jũm pê ihhêj rũm cajcaj hô nõ ata pyràc,
ne cajõc ne ihcapa na xa, quê ha nee ihkwĩn pej nare,
ne quêt hacpỹa mã hãm to impej,
ne ihcuhtac.
Jĩkjê na, quê ha jũm,
cute amji kam hapac xà ramã ihpeacre,
quê ha nee jũm ata mã hikran nare,
ne quêt hacpỹa mã to impej.
Ne quê ha jũm pê ihpôc xà nõ pyràac,
ne ramã kyre pê pôr ne ihpôc crire ne,
quê ha nee ipĩr quê ha ihtyc nare,
ne quêt to ihpôc cati,
quê ha pôr.
Jĩkjê na, quê ha jũm,
cute amji kam hapac xà kêanre to apu ipa,
quê ha taa ihtehcajpa,
quê ha catyt kam apu ipa.
Ne quê ha catyt kam me to hajỹr to hãm ita kam,
ahnaa me curê xwỳn tohjê.
21Ne quê ha pjê cunea kam,
krĩxàre pê mehcahkrit atajê cunea
jũm ata jikaj, ne to pit mã amji mã mehhimpej to me ipa” hane.
Hõhõ, pê Ixaj xwỳ Jeju na ihhôc to hane.
Επιλέχθηκαν προς το παρόν:
Matew 12: ram
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2012, Wycliffe Bible Translators, Inc. All rights reserved.
Matew 12
12
Pê Jeju mã amji to cati prãm nare
Matew 12.15-21
15-16Mã Jeju te amji na Parixêw catêjê te amehcuran prãm na me hahkre pej, ne ma tẽ. Mã me hàhtôa ne ma ihkôt me mõ. Mã cute me hà catêjê cunea caprãr, ne me to impej, ne me cumã:
— Ca ha nee me cumã ite me acaprãr ita na me ijarẽn nare — hajỹr. 17Ne ampo na ri cute me to hajỹr? He pê rỳ pêa mã ramã Pahpãm jarkwa to ihcakôc catê pê Ixaj xwỳ ata, ita na ihhôac na ri cute hajỹr. 18Ne pê ihhôc to hane he. Pahpãm hũjarẽn to:
“Ihnãm hã, ite amji mã imã hàpên catê capi ita he.
Ne taa mã ri imã ihkĩnti.
Ne taa mã ri imã amji kĩnti to
ne amji to icajpuaw.
Ne wa ite cumã Icarõ Pejti kujahêc,
mã cute cumã amji jõr,
mãr quê ha Icarõ Pejti ata kôat mehcukij,
ne me to ajcokjê.
Ne quê ha me cupê mehcahkrit atajê pê Juta catêjê nare
pê me ijahkre pej nare atajê mã,
ite catyt kam me to ipicokjêr xà jarẽ.
19Ne nee cute amji to cati prãmte jũm me ajpẽn krac ri ihcakôc nare,
ne nee apu hàkjêr nare,
ne nee quê ha cà pê cute mempar prãmte ihcakôc to iryti nare.
20Ne quê ha jũm pê ihhêj rũm cajcaj hô nõ ata pyràc,
ne cajõc ne ihcapa na xa, quê ha nee ihkwĩn pej nare,
ne quêt hacpỹa mã hãm to impej,
ne ihcuhtac.
Jĩkjê na, quê ha jũm,
cute amji kam hapac xà ramã ihpeacre,
quê ha nee jũm ata mã hikran nare,
ne quêt hacpỹa mã to impej.
Ne quê ha jũm pê ihpôc xà nõ pyràac,
ne ramã kyre pê pôr ne ihpôc crire ne,
quê ha nee ipĩr quê ha ihtyc nare,
ne quêt to ihpôc cati,
quê ha pôr.
Jĩkjê na, quê ha jũm,
cute amji kam hapac xà kêanre to apu ipa,
quê ha taa ihtehcajpa,
quê ha catyt kam apu ipa.
Ne quê ha catyt kam me to hajỹr to hãm ita kam,
ahnaa me curê xwỳn tohjê.
21Ne quê ha pjê cunea kam,
krĩxàre pê mehcahkrit atajê cunea
jũm ata jikaj, ne to pit mã amji mã mehhimpej to me ipa” hane.
Hõhõ, pê Ixaj xwỳ Jeju na ihhôc to hane.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2012, Wycliffe Bible Translators, Inc. All rights reserved.