Markus 3
3
Yesʉs lé etiʼ mʉr é moho saba
(Mataos 12.9-14; Lʉkas 6.6-11)
1Yesʉs ntɔʼ bâʼle ni é nuu mpah mɨnjwɨʼla. Tɨʼ yé a be ó e nuu mʉr a be e mbo é fwam-fwam ɨ. 2No ó, bʉr o b'a be tɨʼ ɨ, bé a be ó lé ebaʼ Yesʉs, lé ebono bee nkʉ nye ótiʼ mʉr waa é moho saba. Bé a sa no ó, lé ejɨ buʼo nye lɔb é mbi syɛɛla nye ósa ɛ. 3Yesʉs ze lwib e mʉr a be e mbo é fwam-fwam nɨ ó: «Cyɛba teme bʉr ba.» 4Nye ntɔʼ dî e be ó: «Zê embɨa, zê ebebe, etie ga lɨna, lé lé ekamle yé é moho saba ɛ? Zê etiʼ mʉr ɛ? Zê ejʉ mʉr ɛ? Yé ndɨ kɔmlʉ?» Bɨbɛh kʉ twe é leb. 5No ó nye a ze to le edwɛʼ bɨbɛh e bebebebe mih. Leme we, wé a be ó lwɨŋla e l'empime é lurʉdʉ, ebe, mɨleme myɔɔ, myé a be ó é bul lele lé ebuʼla. Nye e syoblʉ ó: «Syɛmɨ mbo.» Syoblʉ ntɔʼ syɛm mbo. Mbo, wé ntɔʼ sa nye mbɨmbɨa. 6No ó oFarizyɛŋ bé e bʉr o mpoʼo Erod, bé a ze pyal kʉl, ze to diŋɔ bʉm, bé ze dîila mpʉ bé jala le ejʉ Yesʉs ɨ.
Ntuntuma bʉr lé eto beɔ Yesʉs
(Mataos 4.23-25; 12.15-16; Lʉkas 6.17-19)
7Yesʉs bé e l'ompʉn be ntɔʼ tuŋlɔ monyʉl, toŋɔ nkpah maŋ, ntuntuma bʉr lé eze du nye é koo pihe, baʼ bʉr lé eduho lal Galɨle; bʉʉ duho é lal Yʉda; 8bʉʉ Yerʉsalɛm; bʉʉ nteme lal Idume; bʉʉ duho é pɨn Yʉrdɛŋ nkɔm-nkɛɛ; bʉʉ nteme duho é bɨnkɔra bɨ nkana Tir ndwe é byaa bɨ nkana Sidɔn. Bé a be ó si joʼo lɔɔ bɨsyɛɛla nye a dɨ sa ɛ. No ó bé a ze boo nye é buobuo. 9Nye ntɔʼ lɛɛ e l'ompʉn be ó, bé bɛa saa nye byɛl nye ódi tɨʼ ɨ, lé ekpɛɛ ó, ntuntuma bʉr, yé amu jaa mana nye. 10Bé a bul ze boo nye ó, ebe, nye a si bul tiʼ bʉr, to pyal ó, mɨsyoblʉ mimyɛh, myé a be ó lé egwɨm kuna e nye. 11Bʉr o b'a sia e bɨbɨbla mɨsisim ɨ, é jɔʼ bé a bee-bee nye e, bé a be-be ó lé ebɨʼɔ mompom mɔɔ si, le ebɨʼla kʉ kʉ ó: «Go ó Mwan mo Zyɛm!» 12No ó nye a cyel be mpene, adwo ba ó, bé l'anyamle lɛɛ bʉr mbi mʉr nye ndɨ ɨ.
Yesʉs lé epɛh bʉr ewʉm e l'oba
(Mataos 10.1-4; Lʉkas 6.12-16)
13Yesʉs ze bere é l'ecwɨʼ kʉ, ntɔʼ jebe bʉr, baa nye mʉr tɨʼ a gwɨm ó, bé toʼ nko nye a be e. Bé ntɔʼ bere, to kœb nye gʉ. 14Pie tɨ, é sama yaa tʉŋlʉ, nye ze pɛh bʉr ewʉm e l'oba.#3.14 Myʉʉ mɨnjʉ̌m mɨtila mɨ lwib grɛk myɛɛ lɛɛ ó: «Bʉr baa ó nye a cyel é dia mɨlʉmlʉ mye.» Nye a pɛh be ó, bé diʼe kunokuno e nye, le nteme, bé óto-to nye é mɨlʉmlʉ, lé eto le elɛɛ lɔɔ Zyɛm 15e nkul edwih bʉr moleme. 16[Esama le ompʉn ewʉm e l'oba nye a pɛh ɛ,] bé ó ba: Pyɛr#3.16 No, yé ó Ekoʼ.—yé ó njɨblɨ nye a jwɨr Simɔn ɨ—, 17bé e Jacques, mwan mo Zebede, bé e ncyom we Yʉanes. Nye a jwɨr bɨbɛh oba die ó, Bɔanɛgɛs. No, yé ó «Bwan mo Nkɛl-jobo». 18Nye a si cyel é l'esama laa nteme ó, Andreas bé e Filip e Bartelemi ndwe e Mataos bé e Tomas e Jacques, mwan mo Alfe, ndwe e Tade#3.18 Ɨ tɔɔlʉ mo Lʉkas, Tade, nye ejebɔ ó, Yʉdas, mwan mo Jacques. bé e Simɔn, mʉr Kanan, 19ka kɛl Yʉdas Iskariot, mʉr a kɛha nye e.
Yesʉs, bé e Belzebul
(Mataos 12.24-32; Lʉkas 11.15-23; 12.10)
20Yesʉs ze bâʼle bula mbɛr, ntuntuma bʉr, yé ntɔʼ fwal tɨ. Bé e l'ompʉn be, bé a baabe ba é jɔʼ ndɨ ó, bé bɔma mbo e nʉm. 21No ó bʉr o bɛn ye, bé a ze pyal, lé eze nʉŋɔ nye e nkul, bɛɛ lé elɛɔ ó: «Pɨʼ, nyi dim nye é lʉ.»
22Bʉʉ oyeʼle o motie, bé a duho Yerʉsalɛm ɨ, bɛɛ, bé a lɛɛ ó: «Nye esia e Belzebul!» Bé nteme, bé a lɛɛ ó: «Nye e nkul edwih bʉr moleme monɨ ó, dumo e Njwɨɨ moleme!» 23Nye ntɔʼ jebe be nko nye a be e, ze sa be kɨkɛna ó: «Satan, nye e nkul edwih Satan nyá ɛ? 24Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé abe e nkul ejohlo. 25Mbɛr bʉr nteme, bʉr o tɨʼ lé elwimla paʼra wɔɔ ɛ, wé abe e nkul ejohlo, nkʉ cyɛb é bɛabɛa. 26ǃƗ Satan si bɔʼa monkɔm moba, nwaʼ nkɔm ntɔʼ sa mongan e nuu nɛʼɛ, lɛɛ ó, nye abe e nkul ejohlo. Lɛɛ nteme ó, esie le, lé mu ó é nere-nere.
27«Mʉr, nye abe e nkul eni mbɛr mo njɨh mʉr, dɛn nye bɨsa bye, alaa ó nye osi taare kaʼ nye nkara mobo mo nɔn. ǃNye si taare kaʼ nye nɛʼɛ, é jɔʼ yaa ó nye ndɨ e nkul esà mbɛr we e.
28«Me elɛɛ bɨn cyecye ó nɛɛ: mɨsyem bʉr lé esa ɛ, le mpyoo bé lé esa Zyɛm ɨ, Zyɛm óbɛm pɛʼ bɨbaa nye lé eniʼe é lɔb bɨsyɛɛla byaa ɛ. 29Sa gwar, ǃɨ mʉr si pyeh Mbɨambɨa Sisim nɛʼɛ, baa ebebe Zyɛm óniʼe nye é lɔb gwìh yaa ɛ, yé aŋa pɛʼɔ. Yé ódi ó, diʼe, amboʼlonkono.» 30Yesʉs a lɛɛ no ó, ebe, bé a lɛɛ ó: «Nye e bɨbla sisim!»
31Bé dina tina nɛʼɛ, nyɔŋ mo Yesʉs bé e l'obɨɔ be, ntɔʼ ze pyal, cyɛbɔ kʉl, ntɔʼ lomɔ mʉr ó, nye toʼ, to jebe be Yesʉs. 32Ntuntuma bʉr, yé a be ó ndindil, bʉmra nye é nka. Bé e Yesʉs ó: «Mbe: nyʉŋ bé e l'obɨʉ [ndwe e l'okɛlbo], bé ó kaʼ kʉl lé esaa go!» 33Yesʉs ntɔʼ bɨha e be ó: «Zé ndɨ nyɔŋ wam? Ozé ndɨ obɨɔ bam?» 34Nye ntɔʼ dwɛʼ bʉr o b'a be ondindil, bé a bʉmra nye é nka ɛ. Nye ó: «Mbe ga: baʼ ó ndɨ nyɔŋ wam e l'obɨɔ bam! 35Mʉr nyiwɛh lé esa sa Zyɛm lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»
Επιλέχθηκαν προς το παρόν:
Markus 3: ozmBad
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2002, Wycliffe Bible Translators, Inc. All rights reserved.
Markus 3
3
Yesʉs lé etiʼ mʉr é moho saba
(Mataos 12.9-14; Lʉkas 6.6-11)
1Yesʉs ntɔʼ bâʼle ni é nuu mpah mɨnjwɨʼla. Tɨʼ yé a be ó e nuu mʉr a be e mbo é fwam-fwam ɨ. 2No ó, bʉr o b'a be tɨʼ ɨ, bé a be ó lé ebaʼ Yesʉs, lé ebono bee nkʉ nye ótiʼ mʉr waa é moho saba. Bé a sa no ó, lé ejɨ buʼo nye lɔb é mbi syɛɛla nye ósa ɛ. 3Yesʉs ze lwib e mʉr a be e mbo é fwam-fwam nɨ ó: «Cyɛba teme bʉr ba.» 4Nye ntɔʼ dî e be ó: «Zê embɨa, zê ebebe, etie ga lɨna, lé lé ekamle yé é moho saba ɛ? Zê etiʼ mʉr ɛ? Zê ejʉ mʉr ɛ? Yé ndɨ kɔmlʉ?» Bɨbɛh kʉ twe é leb. 5No ó nye a ze to le edwɛʼ bɨbɛh e bebebebe mih. Leme we, wé a be ó lwɨŋla e l'empime é lurʉdʉ, ebe, mɨleme myɔɔ, myé a be ó é bul lele lé ebuʼla. Nye e syoblʉ ó: «Syɛmɨ mbo.» Syoblʉ ntɔʼ syɛm mbo. Mbo, wé ntɔʼ sa nye mbɨmbɨa. 6No ó oFarizyɛŋ bé e bʉr o mpoʼo Erod, bé a ze pyal kʉl, ze to diŋɔ bʉm, bé ze dîila mpʉ bé jala le ejʉ Yesʉs ɨ.
Ntuntuma bʉr lé eto beɔ Yesʉs
(Mataos 4.23-25; 12.15-16; Lʉkas 6.17-19)
7Yesʉs bé e l'ompʉn be ntɔʼ tuŋlɔ monyʉl, toŋɔ nkpah maŋ, ntuntuma bʉr lé eze du nye é koo pihe, baʼ bʉr lé eduho lal Galɨle; bʉʉ duho é lal Yʉda; 8bʉʉ Yerʉsalɛm; bʉʉ nteme lal Idume; bʉʉ duho é pɨn Yʉrdɛŋ nkɔm-nkɛɛ; bʉʉ nteme duho é bɨnkɔra bɨ nkana Tir ndwe é byaa bɨ nkana Sidɔn. Bé a be ó si joʼo lɔɔ bɨsyɛɛla nye a dɨ sa ɛ. No ó bé a ze boo nye é buobuo. 9Nye ntɔʼ lɛɛ e l'ompʉn be ó, bé bɛa saa nye byɛl nye ódi tɨʼ ɨ, lé ekpɛɛ ó, ntuntuma bʉr, yé amu jaa mana nye. 10Bé a bul ze boo nye ó, ebe, nye a si bul tiʼ bʉr, to pyal ó, mɨsyoblʉ mimyɛh, myé a be ó lé egwɨm kuna e nye. 11Bʉr o b'a sia e bɨbɨbla mɨsisim ɨ, é jɔʼ bé a bee-bee nye e, bé a be-be ó lé ebɨʼɔ mompom mɔɔ si, le ebɨʼla kʉ kʉ ó: «Go ó Mwan mo Zyɛm!» 12No ó nye a cyel be mpene, adwo ba ó, bé l'anyamle lɛɛ bʉr mbi mʉr nye ndɨ ɨ.
Yesʉs lé epɛh bʉr ewʉm e l'oba
(Mataos 10.1-4; Lʉkas 6.12-16)
13Yesʉs ze bere é l'ecwɨʼ kʉ, ntɔʼ jebe bʉr, baa nye mʉr tɨʼ a gwɨm ó, bé toʼ nko nye a be e. Bé ntɔʼ bere, to kœb nye gʉ. 14Pie tɨ, é sama yaa tʉŋlʉ, nye ze pɛh bʉr ewʉm e l'oba.#3.14 Myʉʉ mɨnjʉ̌m mɨtila mɨ lwib grɛk myɛɛ lɛɛ ó: «Bʉr baa ó nye a cyel é dia mɨlʉmlʉ mye.» Nye a pɛh be ó, bé diʼe kunokuno e nye, le nteme, bé óto-to nye é mɨlʉmlʉ, lé eto le elɛɛ lɔɔ Zyɛm 15e nkul edwih bʉr moleme. 16[Esama le ompʉn ewʉm e l'oba nye a pɛh ɛ,] bé ó ba: Pyɛr#3.16 No, yé ó Ekoʼ.—yé ó njɨblɨ nye a jwɨr Simɔn ɨ—, 17bé e Jacques, mwan mo Zebede, bé e ncyom we Yʉanes. Nye a jwɨr bɨbɛh oba die ó, Bɔanɛgɛs. No, yé ó «Bwan mo Nkɛl-jobo». 18Nye a si cyel é l'esama laa nteme ó, Andreas bé e Filip e Bartelemi ndwe e Mataos bé e Tomas e Jacques, mwan mo Alfe, ndwe e Tade#3.18 Ɨ tɔɔlʉ mo Lʉkas, Tade, nye ejebɔ ó, Yʉdas, mwan mo Jacques. bé e Simɔn, mʉr Kanan, 19ka kɛl Yʉdas Iskariot, mʉr a kɛha nye e.
Yesʉs, bé e Belzebul
(Mataos 12.24-32; Lʉkas 11.15-23; 12.10)
20Yesʉs ze bâʼle bula mbɛr, ntuntuma bʉr, yé ntɔʼ fwal tɨ. Bé e l'ompʉn be, bé a baabe ba é jɔʼ ndɨ ó, bé bɔma mbo e nʉm. 21No ó bʉr o bɛn ye, bé a ze pyal, lé eze nʉŋɔ nye e nkul, bɛɛ lé elɛɔ ó: «Pɨʼ, nyi dim nye é lʉ.»
22Bʉʉ oyeʼle o motie, bé a duho Yerʉsalɛm ɨ, bɛɛ, bé a lɛɛ ó: «Nye esia e Belzebul!» Bé nteme, bé a lɛɛ ó: «Nye e nkul edwih bʉr moleme monɨ ó, dumo e Njwɨɨ moleme!» 23Nye ntɔʼ jebe be nko nye a be e, ze sa be kɨkɛna ó: «Satan, nye e nkul edwih Satan nyá ɛ? 24Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé abe e nkul ejohlo. 25Mbɛr bʉr nteme, bʉr o tɨʼ lé elwimla paʼra wɔɔ ɛ, wé abe e nkul ejohlo, nkʉ cyɛb é bɛabɛa. 26ǃƗ Satan si bɔʼa monkɔm moba, nwaʼ nkɔm ntɔʼ sa mongan e nuu nɛʼɛ, lɛɛ ó, nye abe e nkul ejohlo. Lɛɛ nteme ó, esie le, lé mu ó é nere-nere.
27«Mʉr, nye abe e nkul eni mbɛr mo njɨh mʉr, dɛn nye bɨsa bye, alaa ó nye osi taare kaʼ nye nkara mobo mo nɔn. ǃNye si taare kaʼ nye nɛʼɛ, é jɔʼ yaa ó nye ndɨ e nkul esà mbɛr we e.
28«Me elɛɛ bɨn cyecye ó nɛɛ: mɨsyem bʉr lé esa ɛ, le mpyoo bé lé esa Zyɛm ɨ, Zyɛm óbɛm pɛʼ bɨbaa nye lé eniʼe é lɔb bɨsyɛɛla byaa ɛ. 29Sa gwar, ǃɨ mʉr si pyeh Mbɨambɨa Sisim nɛʼɛ, baa ebebe Zyɛm óniʼe nye é lɔb gwìh yaa ɛ, yé aŋa pɛʼɔ. Yé ódi ó, diʼe, amboʼlonkono.» 30Yesʉs a lɛɛ no ó, ebe, bé a lɛɛ ó: «Nye e bɨbla sisim!»
31Bé dina tina nɛʼɛ, nyɔŋ mo Yesʉs bé e l'obɨɔ be, ntɔʼ ze pyal, cyɛbɔ kʉl, ntɔʼ lomɔ mʉr ó, nye toʼ, to jebe be Yesʉs. 32Ntuntuma bʉr, yé a be ó ndindil, bʉmra nye é nka. Bé e Yesʉs ó: «Mbe: nyʉŋ bé e l'obɨʉ [ndwe e l'okɛlbo], bé ó kaʼ kʉl lé esaa go!» 33Yesʉs ntɔʼ bɨha e be ó: «Zé ndɨ nyɔŋ wam? Ozé ndɨ obɨɔ bam?» 34Nye ntɔʼ dwɛʼ bʉr o b'a be ondindil, bé a bʉmra nye é nka ɛ. Nye ó: «Mbe ga: baʼ ó ndɨ nyɔŋ wam e l'obɨɔ bam! 35Mʉr nyiwɛh lé esa sa Zyɛm lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2002, Wycliffe Bible Translators, Inc. All rights reserved.