Markus 10
10
Sikʉlʉ é lɔb eba
(Mataos 5.31; 19.1; Lʉkas 16.18)
1No ó Yesʉs a mʉa ɨ gumo yaa, ze to lal Yʉda, ntɔʼ ntaa, to é pɨn Yʉrdɛŋ nkɔm-nkɛɛ. Ntuntuma bʉr, yé ntɔʼ bâʼle fwal é gumo nye a be e. Nye ze taare lé edwe be sikʉlʉ lé edu mpʉ nye a bɛa sa-sa ɛ.
2No ó bʉʉ oFarizyɛŋ, bé a ze, lé eze lamɔ nye é mbi lwib nye óbɨha e be e. No ó bé a ze dî e nye ó: «Zê motie ga mɨna, mé ekamle mʉrʉm lé ebuulo myɛl ɛ?» 3No ó nye a bula dî e be ó: «Moyiz a tiile bɨn láa etie é lɔb waa ɛ?» 4Bé e nye ó: «Moyiz a dwe bʉr nkul ó, mʉr tila kalara ejwɨɨ le eba, dwe myɛl. É jɔʼ yaa ó nye ndɨ bɛm buulo nye e.» 5No ó Yesʉs a lɛɛ e be ó: «Moyiz a tiile etie enɨ ó, é l'efu lɨn, ebe, bɨn bé é bul lele mɨlʉ. 6Sa gwar, é l'etɔɔrʉ, “É jɔʼ Zyɛm a cye sa yiyɛh ɛ, nye a cye bʉr ó: nwaʼ, mʉrʉm; nuu, mʉma. 7Ebe no ó mʉrʉm óliʼe sɔŋ e nyɔŋ, to nara e mʉma we e. 8Bɨbɛh, bé óbe ó nya e puno, sʉn ngwar.” Bé aŋa ka be oba, njɨ ngwar. 9Ebe no, mʉr ayi bɛʼ sa Zyɛm nyi lar ɨ.»
10É jɔʼ bé e l'ompʉn be, bé a be, bé mu é mbɛr tʉŋlʉ ɨ, bé ze bâʼle dî nye tia é lɔb waa. 11No ó nye a lɛɛ e be ó: «ǃƗ mʉr si buulo myɛl, ba fih nɛʼɛ, nyi sa mɨfyɛba é paʼ mo myɛl waa. 12ǃƗ mʉma si bɔʼa e njʉm we, to é l'eba efih nɛʼɛ, nyi sa mɨfyɛba nteme ó nɨ.»
Yesʉs lé esʉ bwɔɔncyom mocyɛʼ mo mpom
(Mataos 19.13; Lʉkas 18.15)
13Bʉr ntɔʼ ze nye e bwan bɔɔ, ó nye kɛlɨ be mobo. Ompʉn be ze bâm e l'obyɛl o bwan, ó bé l'ayi bâʼle sa no. 14Mpʉ Yesʉs a bee no e, nye ntɔʼ joʼo be ebebe. Nye e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bé e. 15Me elɛɛ bɨn cyecye ó nɛɛ: mʉr nyiwɛh ndɨ afil nyʉl si e jwɨ̀ʼa mo Zyɛm mpʉ mancyom ɨ, nye ákwoʼ ni é jwɨ̀ʼa ye.» 16Nye ze beŋle bwan baa bɨbɛh, kɛl be mobo, le esʉ be mocyɛʼ mo mpom.
Mbil bɨsa
(Mataos 19.16; Lʉkas 18.18)
17Mpʉ Yesʉs a be, nye mu lé etɨ cyen ɨ, nuu mʉr ze to kam, to kur moboo si é mih me, ntɔʼ dî e nye ó: «Mbɨambɨa yeʼle, me saʼ wáa mbi sɔʼɔ é l'efu ó, me biʼe tiʼ molu mo mpoʼ mɨmɛh?» 18Yesʉs ze bɨha e nye ó: «Ebe yé go lé ejebe me ó, mbɨambɨa mʉr ɨ? Abe e mʉr ndɨ é mbɨa, njɨ Zyɛm nye ome. 19Gɨ gʉa motie mo Zyɛm. Mé elɛɛ ó: “Ajʉ mʉr. Asa mɨfyɛba. Adíbe. Abuʼo mɨɔ go mʉr lɔb. Anʉa mʉr sɔʼɔ é bɨkʉʉŋʉ. Dwaaba sɔŋ e nyɔŋ go.”»
20Mʉr nɨ ze lɛɛ e nye ó: «Yeʼle, mɨ du motie monɨ mɨmɛh, taare é l'oncyom wam, ze pyal é muh é dobo lɨ!» 21Yesʉs ze dwɛʼ nye, ntɔʼ kʉ kpɛl nye. Nye e nye ó: «Yé eka saa go sa gwar. Toʼ, to bɛma bim bɨsa go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.» 22Njoʼa mʉr waa a joʼo no e, nye ntɔʼ lwaare mpom, bula é gœʼra-gœʼra e mocyɛʼ mo nyʉl, ebe, nye a be ó é twiha bɨsa.
23Yesʉs ze dwɛʼ ompʉn be, bé a bʉmra nye é nka ɛ. Nye ó: «A kɔbla lé eni é jwɨ̀ʼa mo Zyɛm é jɔʼ mʉr ndɨ e l'okum e l'ogbaa twiha ɛ!» 24Ompʉn be kʉ ze jehe lwib ye. Yesʉs ntɔʼ bâʼle lɛɛ e be ó: «Bwan bam aa! Yé é bul kɔbla lé eni é jwɨ̀ʼa mo Zyɛm! 25É mpʉ yé ndɨ é kɔbla ó, kamtʉl laŋa é l'egʉa e ndondo e, jwɨʼ gwar e gwar yaa nteme ó ndɨ é bul kɔbla ó, mbil bɨsa niʼe é jwɨ̀ʼa mo Zyɛm ɨ.» 26Bé ntɔʼ jehe lwib ye laŋle, ze dîila paʼra wɔɔ ó: «Yé be no nɛʼɛ, zé nyɛɛ ókoʼo lé ebi tiʼ molu mo mpoʼ mɨmɛh ɛ?» 27Yesʉs ze dwɛʼ be é tʉʉʉŋ, ntɔʼ lɛɛ ó: «Bʉr, bé ákwoʼ bi tiʼ molu mo mpoʼ mɨmɛh ebe syɛɛla yɔɔ bé bʉr o tɨ. Sa gwar, abe é paʼ mo Zyɛm. Nye ó e nkul ekoʼo bɨsa bibyɛh.»
28Pyɛr ze nʉa lwib. Nye e nye ó: «Paʼ bee: bɨh bɨ liʼe bɨsa bih bibyɛh, njɨ lé edu go.» 29Yesʉs, nye e nye ó: «Me elɛɛ bɨn cyecye ó nɛɛ: yé abe e mʉr ndɨ si liʼe mbɛr we, obɨɔ be, okɛl be, nyɔŋ we, sɔŋ we, bwan be, nkʉ bɨpeme bye é lɔb wam, le mpʉ nye lé ebuʼla Mbɨambɨa Lɔɔ ɛ, 30ódi, abâʼle bi bye zɔʼ nter é mbi jɔʼ yi. Nye óbula bi mɨmbɛr e bɨpeme. Nye ókœb obɨɔ ndwe e l'okɛl, e l'onyɔŋ, ka kɛl bwan. Nye ótíilɔ nteme. No ó, pie e l'esie e mbi jɔʼ yi, mʉr waa óbi nteme tiʼ molu mo mpoʼ mɨmɛh. 31Sa gwar, buobuo bʉr o ndɨ “mofoʼ” e, bé óliʼ pihe. Baa ndɨ “mopihe” e, bé ócyɛb mofoʼ.»
Yesʉs lé ebal ompʉn be é lɔb efie le é jɔʼ lɛl
(Mataos 20.17; Lʉkas 18.34)
32No ó bé a be ó, bé mu lé eto Yerʉsalɛm, Yesʉs efoʼ, ompʉn be lé edu nye. Bé a be ó si bul jehe nye. Bʉʉ bʉr, bé a be ó lé edu be, lé ejoʼo bʉa. Yesʉs ze jebe Esama le ompʉn ewʉm e l'oba é l'empàh, ze lɛɛ be sa muno ze pyal nye e. 33Nye ó: «Mbe ga: bɨna mu ó lé eto ga Yerʉsalɛm ó yi. Bʉr, bé ókɛha Mwan mo Mʉr boo ojwɨɨ be opara ndwe e l'oyeʼle o motie. Bé ótiʼe lɔb we, ntɔʼ dwe nye mobe mo jala e l'efie e. Bé òkɛha nteme nye boo bʉr o bɨkul#10.33 «Bʉr o bɨkul», bé ó bʉr o ndɨ abe oYʉden ɨ.. 34Nye ókpeʼlɔ. Bé ósyɛɛ nye mocyeele é mih, le efuura nye mɨmbihe, jʉ nye. Nye òbula pàh é l'elu elɛl.»
Tia mo Jacques bé e Yʉanes
(Mataos 20.20)
35Pie tɨ, Jacques bé e Yʉanes, bwan mo Zebede, ze dihle kunokuno e Yesʉs. Bé e nye ó: «Yeʼle, bɨh bé egwɨm ó, sa yiyɛh bɨh bé ódi go e, go dweʼ bɨh ya.» 36No ó Yesʉs a bula dî e be ó: «Bɨn bé ekpɛl ó, me saʼ bɨn yé?» 37Bé ze bɨha e nye ó: «É jɔʼ go óbe, go mu é dia taʼa yo e, pa kʉ mɛʼla ó, bɨh diʼe kunokuno e go: nwaʼ é mbo ejʉm; nuu é mbo emyɛl.» 38No ó Yesʉs a ze lɛɛ e be ó: «Bɨn bé agʉa sa bɨn lé edî me nɨ. Zê bɨn bé ó e nkul edihbe mɨtuu me mu kunokuno le esia e mye mi ɛ? Zê bɨn bé e nkul enʉa ndubo mɨtuu me mu lé enʉa wiʼ ɛ?» 39Bé ze bɨha e nye ó: «Aka dihbe nyá ɛ?» Yesʉs, nye e be ó: «Yé ó no: bɨn bé ódihbe mɨtuu me mu kunokuno le esia e mye e, le enʉa ndubo mɨtuu me mu lé enʉa ɛ. 40Sa gwar, é nko paʼ edi é mbo ejʉm, nkʉ é mbo emyɛl wam, ntʉʼ mɛm tiʼe wiha lɔb. Bɨdia byaa, byé ebono ó, baa byé a bɛa komlɔ é l'efu lɔɔ ɛ.»
41No ó, é jɔʼ bʉʉ ompʉn ewʉm, bé a joʼo lɔb waa ɛ, bé ze joʼo Jacques bé e Yʉanes ebebe, ze dweŋɔ be mobe. 42Yesʉs ze jebe bɨbɛh. Nye e be ó: «Bɨn bé ekʉ gʉa ó, bʉr o ndɨ enyin ó, bé ó mɨnjwɨɨbʉr é byʉʉ bɨkul ɨ, bé elɛʼle bʉr mpel é bebebebe. Osabene bɔɔ, bé ekpɛl tíile bʉr o ndɨ é mpoʼo wɔɔ ɛ. 43Sa gwar, mbi syɛɛla wɔɔ nɨ, wé ajala le enyin é paʼ win. ǃƗ mʉr ngwar é l'esama lɨn si kpɛl nyin mʉr nɨnɨ nɛʼɛ, nye diʼe syɛl mosa win. 44ǃƗ mʉr ngwar é l'esama lɨn nteme si kpɛl cyɛb efoʼ nɛʼɛ, nye diʼe tuʼa yin, bɨn bɨbɛh, 45ebe, Mwan mo Mʉr a baaze ó, bʉr sea e nye. Nye a ze sea ó, e bʉr, ndwe le ekɛha tiʼ ye lé ejala e mobebe mɔɔ, le ekʉr be.»
Yesʉs lé etiʼ Bartime ntim
(Mataos 20.29; Lʉkas 18.35)
46No ó bé a to pyal ɨ Yeriko. Lɛŋ ba ma jɔʼ. É jɔʼ Yesʉs a be, nye mu lé emʉa é nkana yaa ɛ, ompʉn be ndwe e mpampaʼ bʉr, bé a be ó lé edu nye é koo pihe. Nuu ntim, Bartime, mwan mo Time#10.46 «Bar» é l'etɛɛrɨ e die, lé elɛʼle ó «mwan mo»., a be ó ndindil é nkpah mpaʼa, lé epyɛh-pyɛh bʉr mobo. 47É jɔʼ nye a joʼo, ó Yesʉs, mʉr Nazarɛt ó nɨ ɨ, nye ze behe lé eyɨm twii ó: «Yesʉs, Mwan mo David ɔɔ! Jwɨʼɨ me nkoo ɔɔ!» 48Bʉr é buobuo ze bâm e nye, ó nye diʼe titil. Nyɛɛ kʉ ka bɨn ó njɨ twii kʉ. Nye ó: «Mwan mo David ee! Paʼ kʉ jwɨʼ me nkoo ɔɔ!» 49Yesʉs ze cyɛb. Nye e be ó: «Jeba ga me nya.» Bé ze jebe ntim. Bé e nye ó: «Tʉmɨ nyʉl, mʉŋa si. Nye ejebe go!»
50Nye ntɔʼ myah len kʉr we, ntɔʼ mʉa é bʉ, to nko Yesʉs a be e. 51Yesʉs ze dî e nye ó: «Go egwɨm ó, me saʼ go yé?» Ntim ze bɨha e nye ó: «Yeʼle, paʼ kʉ sa ó, me bâʼla bee ʉʉ!» 52Yesʉs ntɔʼ lɛɛ e nye ó: «Toʼ. Buʼo yo, yi tiʼ go!» Cye e cye yaa, nye ntɔʼ bana bee, ze du nye é koo pihe.
Επιλέχθηκαν προς το παρόν:
Markus 10: ozmBad
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2002, Wycliffe Bible Translators, Inc. All rights reserved.
Markus 10
10
Sikʉlʉ é lɔb eba
(Mataos 5.31; 19.1; Lʉkas 16.18)
1No ó Yesʉs a mʉa ɨ gumo yaa, ze to lal Yʉda, ntɔʼ ntaa, to é pɨn Yʉrdɛŋ nkɔm-nkɛɛ. Ntuntuma bʉr, yé ntɔʼ bâʼle fwal é gumo nye a be e. Nye ze taare lé edwe be sikʉlʉ lé edu mpʉ nye a bɛa sa-sa ɛ.
2No ó bʉʉ oFarizyɛŋ, bé a ze, lé eze lamɔ nye é mbi lwib nye óbɨha e be e. No ó bé a ze dî e nye ó: «Zê motie ga mɨna, mé ekamle mʉrʉm lé ebuulo myɛl ɛ?» 3No ó nye a bula dî e be ó: «Moyiz a tiile bɨn láa etie é lɔb waa ɛ?» 4Bé e nye ó: «Moyiz a dwe bʉr nkul ó, mʉr tila kalara ejwɨɨ le eba, dwe myɛl. É jɔʼ yaa ó nye ndɨ bɛm buulo nye e.» 5No ó Yesʉs a lɛɛ e be ó: «Moyiz a tiile etie enɨ ó, é l'efu lɨn, ebe, bɨn bé é bul lele mɨlʉ. 6Sa gwar, é l'etɔɔrʉ, “É jɔʼ Zyɛm a cye sa yiyɛh ɛ, nye a cye bʉr ó: nwaʼ, mʉrʉm; nuu, mʉma. 7Ebe no ó mʉrʉm óliʼe sɔŋ e nyɔŋ, to nara e mʉma we e. 8Bɨbɛh, bé óbe ó nya e puno, sʉn ngwar.” Bé aŋa ka be oba, njɨ ngwar. 9Ebe no, mʉr ayi bɛʼ sa Zyɛm nyi lar ɨ.»
10É jɔʼ bé e l'ompʉn be, bé a be, bé mu é mbɛr tʉŋlʉ ɨ, bé ze bâʼle dî nye tia é lɔb waa. 11No ó nye a lɛɛ e be ó: «ǃƗ mʉr si buulo myɛl, ba fih nɛʼɛ, nyi sa mɨfyɛba é paʼ mo myɛl waa. 12ǃƗ mʉma si bɔʼa e njʉm we, to é l'eba efih nɛʼɛ, nyi sa mɨfyɛba nteme ó nɨ.»
Yesʉs lé esʉ bwɔɔncyom mocyɛʼ mo mpom
(Mataos 19.13; Lʉkas 18.15)
13Bʉr ntɔʼ ze nye e bwan bɔɔ, ó nye kɛlɨ be mobo. Ompʉn be ze bâm e l'obyɛl o bwan, ó bé l'ayi bâʼle sa no. 14Mpʉ Yesʉs a bee no e, nye ntɔʼ joʼo be ebebe. Nye e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bé e. 15Me elɛɛ bɨn cyecye ó nɛɛ: mʉr nyiwɛh ndɨ afil nyʉl si e jwɨ̀ʼa mo Zyɛm mpʉ mancyom ɨ, nye ákwoʼ ni é jwɨ̀ʼa ye.» 16Nye ze beŋle bwan baa bɨbɛh, kɛl be mobo, le esʉ be mocyɛʼ mo mpom.
Mbil bɨsa
(Mataos 19.16; Lʉkas 18.18)
17Mpʉ Yesʉs a be, nye mu lé etɨ cyen ɨ, nuu mʉr ze to kam, to kur moboo si é mih me, ntɔʼ dî e nye ó: «Mbɨambɨa yeʼle, me saʼ wáa mbi sɔʼɔ é l'efu ó, me biʼe tiʼ molu mo mpoʼ mɨmɛh?» 18Yesʉs ze bɨha e nye ó: «Ebe yé go lé ejebe me ó, mbɨambɨa mʉr ɨ? Abe e mʉr ndɨ é mbɨa, njɨ Zyɛm nye ome. 19Gɨ gʉa motie mo Zyɛm. Mé elɛɛ ó: “Ajʉ mʉr. Asa mɨfyɛba. Adíbe. Abuʼo mɨɔ go mʉr lɔb. Anʉa mʉr sɔʼɔ é bɨkʉʉŋʉ. Dwaaba sɔŋ e nyɔŋ go.”»
20Mʉr nɨ ze lɛɛ e nye ó: «Yeʼle, mɨ du motie monɨ mɨmɛh, taare é l'oncyom wam, ze pyal é muh é dobo lɨ!» 21Yesʉs ze dwɛʼ nye, ntɔʼ kʉ kpɛl nye. Nye e nye ó: «Yé eka saa go sa gwar. Toʼ, to bɛma bim bɨsa go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.» 22Njoʼa mʉr waa a joʼo no e, nye ntɔʼ lwaare mpom, bula é gœʼra-gœʼra e mocyɛʼ mo nyʉl, ebe, nye a be ó é twiha bɨsa.
23Yesʉs ze dwɛʼ ompʉn be, bé a bʉmra nye é nka ɛ. Nye ó: «A kɔbla lé eni é jwɨ̀ʼa mo Zyɛm é jɔʼ mʉr ndɨ e l'okum e l'ogbaa twiha ɛ!» 24Ompʉn be kʉ ze jehe lwib ye. Yesʉs ntɔʼ bâʼle lɛɛ e be ó: «Bwan bam aa! Yé é bul kɔbla lé eni é jwɨ̀ʼa mo Zyɛm! 25É mpʉ yé ndɨ é kɔbla ó, kamtʉl laŋa é l'egʉa e ndondo e, jwɨʼ gwar e gwar yaa nteme ó ndɨ é bul kɔbla ó, mbil bɨsa niʼe é jwɨ̀ʼa mo Zyɛm ɨ.» 26Bé ntɔʼ jehe lwib ye laŋle, ze dîila paʼra wɔɔ ó: «Yé be no nɛʼɛ, zé nyɛɛ ókoʼo lé ebi tiʼ molu mo mpoʼ mɨmɛh ɛ?» 27Yesʉs ze dwɛʼ be é tʉʉʉŋ, ntɔʼ lɛɛ ó: «Bʉr, bé ákwoʼ bi tiʼ molu mo mpoʼ mɨmɛh ebe syɛɛla yɔɔ bé bʉr o tɨ. Sa gwar, abe é paʼ mo Zyɛm. Nye ó e nkul ekoʼo bɨsa bibyɛh.»
28Pyɛr ze nʉa lwib. Nye e nye ó: «Paʼ bee: bɨh bɨ liʼe bɨsa bih bibyɛh, njɨ lé edu go.» 29Yesʉs, nye e nye ó: «Me elɛɛ bɨn cyecye ó nɛɛ: yé abe e mʉr ndɨ si liʼe mbɛr we, obɨɔ be, okɛl be, nyɔŋ we, sɔŋ we, bwan be, nkʉ bɨpeme bye é lɔb wam, le mpʉ nye lé ebuʼla Mbɨambɨa Lɔɔ ɛ, 30ódi, abâʼle bi bye zɔʼ nter é mbi jɔʼ yi. Nye óbula bi mɨmbɛr e bɨpeme. Nye ókœb obɨɔ ndwe e l'okɛl, e l'onyɔŋ, ka kɛl bwan. Nye ótíilɔ nteme. No ó, pie e l'esie e mbi jɔʼ yi, mʉr waa óbi nteme tiʼ molu mo mpoʼ mɨmɛh. 31Sa gwar, buobuo bʉr o ndɨ “mofoʼ” e, bé óliʼ pihe. Baa ndɨ “mopihe” e, bé ócyɛb mofoʼ.»
Yesʉs lé ebal ompʉn be é lɔb efie le é jɔʼ lɛl
(Mataos 20.17; Lʉkas 18.34)
32No ó bé a be ó, bé mu lé eto Yerʉsalɛm, Yesʉs efoʼ, ompʉn be lé edu nye. Bé a be ó si bul jehe nye. Bʉʉ bʉr, bé a be ó lé edu be, lé ejoʼo bʉa. Yesʉs ze jebe Esama le ompʉn ewʉm e l'oba é l'empàh, ze lɛɛ be sa muno ze pyal nye e. 33Nye ó: «Mbe ga: bɨna mu ó lé eto ga Yerʉsalɛm ó yi. Bʉr, bé ókɛha Mwan mo Mʉr boo ojwɨɨ be opara ndwe e l'oyeʼle o motie. Bé ótiʼe lɔb we, ntɔʼ dwe nye mobe mo jala e l'efie e. Bé òkɛha nteme nye boo bʉr o bɨkul#10.33 «Bʉr o bɨkul», bé ó bʉr o ndɨ abe oYʉden ɨ.. 34Nye ókpeʼlɔ. Bé ósyɛɛ nye mocyeele é mih, le efuura nye mɨmbihe, jʉ nye. Nye òbula pàh é l'elu elɛl.»
Tia mo Jacques bé e Yʉanes
(Mataos 20.20)
35Pie tɨ, Jacques bé e Yʉanes, bwan mo Zebede, ze dihle kunokuno e Yesʉs. Bé e nye ó: «Yeʼle, bɨh bé egwɨm ó, sa yiyɛh bɨh bé ódi go e, go dweʼ bɨh ya.» 36No ó Yesʉs a bula dî e be ó: «Bɨn bé ekpɛl ó, me saʼ bɨn yé?» 37Bé ze bɨha e nye ó: «É jɔʼ go óbe, go mu é dia taʼa yo e, pa kʉ mɛʼla ó, bɨh diʼe kunokuno e go: nwaʼ é mbo ejʉm; nuu é mbo emyɛl.» 38No ó Yesʉs a ze lɛɛ e be ó: «Bɨn bé agʉa sa bɨn lé edî me nɨ. Zê bɨn bé ó e nkul edihbe mɨtuu me mu kunokuno le esia e mye mi ɛ? Zê bɨn bé e nkul enʉa ndubo mɨtuu me mu lé enʉa wiʼ ɛ?» 39Bé ze bɨha e nye ó: «Aka dihbe nyá ɛ?» Yesʉs, nye e be ó: «Yé ó no: bɨn bé ódihbe mɨtuu me mu kunokuno le esia e mye e, le enʉa ndubo mɨtuu me mu lé enʉa ɛ. 40Sa gwar, é nko paʼ edi é mbo ejʉm, nkʉ é mbo emyɛl wam, ntʉʼ mɛm tiʼe wiha lɔb. Bɨdia byaa, byé ebono ó, baa byé a bɛa komlɔ é l'efu lɔɔ ɛ.»
41No ó, é jɔʼ bʉʉ ompʉn ewʉm, bé a joʼo lɔb waa ɛ, bé ze joʼo Jacques bé e Yʉanes ebebe, ze dweŋɔ be mobe. 42Yesʉs ze jebe bɨbɛh. Nye e be ó: «Bɨn bé ekʉ gʉa ó, bʉr o ndɨ enyin ó, bé ó mɨnjwɨɨbʉr é byʉʉ bɨkul ɨ, bé elɛʼle bʉr mpel é bebebebe. Osabene bɔɔ, bé ekpɛl tíile bʉr o ndɨ é mpoʼo wɔɔ ɛ. 43Sa gwar, mbi syɛɛla wɔɔ nɨ, wé ajala le enyin é paʼ win. ǃƗ mʉr ngwar é l'esama lɨn si kpɛl nyin mʉr nɨnɨ nɛʼɛ, nye diʼe syɛl mosa win. 44ǃƗ mʉr ngwar é l'esama lɨn nteme si kpɛl cyɛb efoʼ nɛʼɛ, nye diʼe tuʼa yin, bɨn bɨbɛh, 45ebe, Mwan mo Mʉr a baaze ó, bʉr sea e nye. Nye a ze sea ó, e bʉr, ndwe le ekɛha tiʼ ye lé ejala e mobebe mɔɔ, le ekʉr be.»
Yesʉs lé etiʼ Bartime ntim
(Mataos 20.29; Lʉkas 18.35)
46No ó bé a to pyal ɨ Yeriko. Lɛŋ ba ma jɔʼ. É jɔʼ Yesʉs a be, nye mu lé emʉa é nkana yaa ɛ, ompʉn be ndwe e mpampaʼ bʉr, bé a be ó lé edu nye é koo pihe. Nuu ntim, Bartime, mwan mo Time#10.46 «Bar» é l'etɛɛrɨ e die, lé elɛʼle ó «mwan mo»., a be ó ndindil é nkpah mpaʼa, lé epyɛh-pyɛh bʉr mobo. 47É jɔʼ nye a joʼo, ó Yesʉs, mʉr Nazarɛt ó nɨ ɨ, nye ze behe lé eyɨm twii ó: «Yesʉs, Mwan mo David ɔɔ! Jwɨʼɨ me nkoo ɔɔ!» 48Bʉr é buobuo ze bâm e nye, ó nye diʼe titil. Nyɛɛ kʉ ka bɨn ó njɨ twii kʉ. Nye ó: «Mwan mo David ee! Paʼ kʉ jwɨʼ me nkoo ɔɔ!» 49Yesʉs ze cyɛb. Nye e be ó: «Jeba ga me nya.» Bé ze jebe ntim. Bé e nye ó: «Tʉmɨ nyʉl, mʉŋa si. Nye ejebe go!»
50Nye ntɔʼ myah len kʉr we, ntɔʼ mʉa é bʉ, to nko Yesʉs a be e. 51Yesʉs ze dî e nye ó: «Go egwɨm ó, me saʼ go yé?» Ntim ze bɨha e nye ó: «Yeʼle, paʼ kʉ sa ó, me bâʼla bee ʉʉ!» 52Yesʉs ntɔʼ lɛɛ e nye ó: «Toʼ. Buʼo yo, yi tiʼ go!» Cye e cye yaa, nye ntɔʼ bana bee, ze du nye é koo pihe.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2002, Wycliffe Bible Translators, Inc. All rights reserved.