Sɛɡla 2
2
Tɔnɔ aa lɔ wejema ta
1N bie, dɛ he no waa
maa bola dɛɛ baɡle,
dɛɛ do liire n waa ta,
2dɛ cheɡ deŋne wejemwaa ta,
dɛ sɔɔh bwara dɛɛ no
n waa mun,
3dɛ he soŋe Korowii wejema,
dɛɛ no waa a mun
noe aa kpeɡa mun,
4dɛ he siwi beɡrɔ,
hɛɛ nyina kɛŋɔ suuɡapoŋ,
kɛɛ kondɔɔh ane
aa sɔh bobɛl aa,
5a taa hɛɛ ba cheɡa dɛ́ jemɛ
Korowii ɔma mun,
dɛ́ berɛ jemɔ kɛrɛdɛ.
6Korowii bee wejema le,
onee dɛɛ tɛ wejema
ne waa mun noe.
7Onee dɛɛ cha nɛn
o wa aa toɡra,
dɛɛ tɔ nɛn o ŋwɛnɛre
aa wera ɡbemɡbe.
8Korowii kpɔ nɔn dɛɛ tɔ nɛra
baa dɛ ɛ ba bala kɛrɛdɛ nɛ,
dɛɛ nyiŋi banɔ la
baa ta ba te tɛo nɛ.
9Dɛ he no n be naa,
hɛɛ jemɛ waa aa ɛ kasinteŋ
dɛ do wer,
ne anɔ la aa toɡra.
Dɛ́ berɛ jemɛ
waa aa chɛ kɛŋɔ hé ɛ.
10He sie ɛɛ piluu,
ásɛ he wejema ɡel he sie lɛ.
11He waa mun noe
ne he wejema ɛɛ nyiŋi he nɛɛ,
12ásɛ dɛɛ lee waa
aa wola were ta.
Aa kee le nɛra baa wola
kasinteŋ bol dɛɛ ba waa
ne nɛ,
13nɛra baa vɛh wedɛɛɡa ŋwɛnɛ,
dɛ kaa kpɔ wechɔɡa ŋwɛnɛ
aa ɛ biro ta wa,
14nɛra ba sie aa dɛ lɛ
wechɔɡa ɛɛ ta,
ne banɔ la ba sie aa dɛ lɛ
waa aa wola mun dɔe ta.
15Ba ɛ nɛra ba wa
aa wola sie chɔ,
dɛ ɛ nɛra baa wola
ba nɛɛ hwɛɡɛ.
Ba waa bwaa kɛ
baa neɡre nɛra.
16Wejemaa dɛ won lɛɛ le
hanjwamane nɔn ta,
haah waa kpɔ wobosoma
kaa he ne wechɔɡa ta.
17Haah waa le o sɛnojaa habɔɔ,
dɛ chɔɡ fɔo o ne o jaa
fa aa fɔwa Korowii sie la,
18ɡɛ haah la dem ŋwɛnɛ
kaa seo ta,
o chɔɔ kaa lalabwɛ.
19Nomɛlbwa waa dɛ la o be
aa berɛ dɛɛ ba kpa.
Naate aa mkpa
ŋwɛnɛ ta chiɡ kpa.
20Anomanta, teŋɛ nɛndɛɛɡe
luɡe ta,
ásɛ dɛ so kɛ nɛn
o wa aa toɡra.
21Nɛra ba wa aa toɡraa
dɛɛ ba harɛ nɔ ta soɡa.
Banɔ la wechɔɡa
aa wola toole ba nɛɛ
dɛɛ ba o ta kae.
22Korowii ɛɛ teŋe nɛnchɔɡaa
le harɛ nɔ ta,
wɛɛ chuɡri wechɔɡ-ɛɛraa
le o ta kɛŋɔ kpɔɡa kɛɛ daa
ken.
Επιλέχθηκαν προς το παρόν:
Sɛɡla 2: mzw
Επισημάνσεις
Αντιγραφή
Σύγκριση
Κοινοποίηση
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.