لَاتَانٛوجِ 2
2
1بَنَ نِي تَغٜىٰکِ عَسَمَنْجِ عٜ لٜسْدِ عٜ کٛ وٛنِ ندٜرْ مَاجِ ڢُو تِمِّدِرِ؞ 2حَا ࢩَلَادٜ جٛوٜىٰطِطَوْرٜ وَطَ، اَللَّه تِمِّنِ کُوغَلْ مُوطُمْ، عٛسِوْتِ ࢩَلَادٜ جٛوٜىٰطِطَوْرٜ مَنْ#عِبْرَنِنغْکٜعٜنْ 4:4-10؞؞ 3عٛبَرْکِطِنِ ندٜ، عٛسٜنِ ندٜ؞ نغَمْ ندٜرْ مَارٜ عٛسِوْتِ عٜ تَغُغٛ کُوجٜ ڢُو#غُرْتَاکِ 20:11؞؞ 4کَنْجُمْ وٛنِ حَبَرُ تَغٜىٰکِ عَسَمَنْجِ عٜ لٜسْدِ؞
نٜطّٛ ندٜرْ جَرْنٜ عَدْنِنْ
سَاعِ جَوْمِرَاوٛ اَللَّه تَغِ لٜسْدِ عٜ عَسَمَنْجِ، 5وَلَا غُوࢡٜ دٛوْ لٜسْدِ تَوٛنْ، حَاکٛوجِ غٜسٜ بٛو ݠُطَايْ، نغَمْ اَللَّه جَوْمِرَاوٛ تٛࢡْنَايْنٛ عِيٜىٰندٜ دٛوْ لٜسْدِ، سَاعِ مَاجُمْ وَلَا نٜطّٛ تَوٛنْ حَا رٜمَ ندِ؞ 6عَمَّا ندِيَمْ طٛنّٛ وُرْتٛ دِغَ لٜسْدِ، طٛنّٛ يَرْنَ ندِ؞ 7بٜى مبُلْوُلْدِ لٜسْدِ جَوْمِرَاوٛ اَللَّه تَغْرِ نٜطّٛ؞ عٛڢُوڢِ ݠٛوڢْطٜ نغٜىٰندَمْ ندٜرْ کِنٜ مَاکٛ، ندٜنْ عٛلَاتِ نٜطّٛ غٜىٰتٛ#1 کٛرِنْتُعٜنْ 15:45؞؞ 8اَللَّه جَوْمِرَاوٛ جُبِ جَرْنٜ حَا عَدْنِنْ، حٜىٰدِ ڢُونَانغٜ؞ عٛجٛعِّنِ نٜطّٛ مٛ عٛتَغْنٛ طُمْ حَا تٛنْ؞ 9ندٜنْ عٛڢُطْنِ لٜطّٜ ڢٜىٰرٜ ڢٜىٰرٜىٰجٜ بٛوطّٜ دٛوْ لٜسْدِ، بٜلْطٜ بٛو حَا ࢩَامُغٛ؞ حَا شَکَ شَکْ جَرْنٜ بٛو، عٛوَطِ لٜکِّ نغٜىٰندَمْ عٜ لٜکِّ دٛکَّنْکِ ڢَامُ عَنْدُغٛ بٛوطُّمْ عٜ کَلُّطُمْ#وَحَيُ يُحَنَّ 2:7؛ 22:2،14؞؞
10مَايٜلْ وُرْتِ دِغَ عَدْنِنْ نغَمْ يَرْنُغٛ جَرْنٜ غٛ؞ دِغَ تٛنْ نغٜلْ سٜنْدِتِ، نغٜلْ لَاتِ مَاجٜ نَيِ؞ 11عِنْدٜ مَايٜلْ عَرَنٜلْ، ݠِسٛنْ، کَنغٜلْ تَارِ لٜسْدِ حَوِلَ ڢُو، حَا تٛنْ کَنغّٜىٰرِ تَوٜتٜ؞ 12کَنغّٜىٰرِ لٜسْدِ مَاجُمْ وٛودِ سَمَنْ طُوطّٛ؞ طَشّٜرٜ عُورْندٜ طٛنْ تَوٜ تٛنْ بٛو، نٛنْ بٛو حَيْرٜ عٛنِکِسْ#2:12 عٛنِکِسْ طُمْ حَيْرٜ طُوطَ سَمَنْرٜ، مَرْندٜ نٛونٜ ڢٜىٰرٜ ڢٜىٰرٜ؞؞ 13عِنْدٜ مَايٜلْ طِطَࢡٜلْ، غِحٛنْ، کَنغٜلْ تَارِ لٜسْدِ کُسْ ڢُو؞ 14عِنْدٜ مَايٜلْ تَتَࢡٜلْ، حِدّٜکٜلْ، نغٜلْ طٛنْ عِلْدَ ڢُونَانغٜ عَسُّورَ؞ مَايٜلْ نَيَࢡٜلْ وٛنِ عٜڢْرَتِسْ؞
15جَوْمِرَاوٛ اَللَّه حٛوعِ نٜطّٛ غٛ، جٛعِّنِ طُمْ ندٜرْ جَرْنٜ عَدْنِنْ حَا عٛرٜمَ طٜ، عٛعَيْنَ طٜ؞ 16جَوْمِرَاوٛ اَللَّه عُمْرِمٛ: «عَوَاوَنْ ࢩَامُغٛ ࢡِࢡّٜ لٜطّٜ کٛو طٜيٜ ڢُو ندٜرْ جَرْنٜ، 17عَمَّا تَا ࢩَامْ ࢡِࢡّٜ لٜکِّ دٛکَّنْکِ ڢَامُ عٜ عَنْدُغٛ بٛوطُّمْ عٜ کَلُّطُمْ؞ نغَمْ ࢩَلَادٜ ندٜ ࢩَامَتَ، عَمَايَنْ ڢَکَتْ؞»
18ندٜنْ جَوْمِرَاوٛ اَللَّه وِعِ: «طُمْ وٛوطَايْ حَا نٜطّٛ وٛنَ ڢٜىٰرٜ مُمْ؞ مِوَطَنَنْ مٛ بَلّٛووٛ، ݠٛتَّنَنْطٛ مٛ؞» 19جَوْمِرَاوٛ اَللَّه تَغِ دَبَّاجِ لَدّٜ عٜ شٛلِّ ڢُو بٜى مبُلْوُلْدِ لٜسْدِ؞ عٛوَدِّ طِ حَا نٜطّٛ نغَمْ عٛنَنَ نٛ نٜطّٛ عِنْدِنِرْتَ طِ نغَمْ حَا کٛ مَرِ يٛنغْکِ ڢُو مَرَ عِنْدٜ ندٜ نٜطّٛ عِنْدِنِ طُمْ؞ 20نٜطّٛ عِنْدِ دَبَّاجِ عٜ شٛلِّ عٜ کُوجٜ لَدّٜ ڢُو؞ عَمَّا عٛحٜࢡَايْ بَلّٛووٛ، ݠٛتَّنَنْطٛ مٛ؞
21ندٜنْ جَوْمِرَاوٛ اَللَّه نٜلْدِ طٛيْنغٛلْ تٜدُّنغٛلْ دٛوْ مَاکٛ؞ عٛحٛوعِ بٜشَّلْ نٜطّٛ غٛوتَلْ، عٛمَࢡِّ نٛکُّورٜ مَاجُمْ بٜى کُسٜلْ؞ 22بٜى بٜشَّلْ نغَعَلْ اَللَّه جَوْمِرَاوٛ وَطِ دٜبّٛ، يَحْرِمٛ حَا نٜطّٛ؞ 23ندٜ نٜطّٛ يِعِمٛ، عٛوِعِ: «جٛنْتَ کَمْ ندَا عِعَلْ دِغَ عِعٜ عَمْ عٜ کُسٜلْ دِغَ کُسٜلْ عَمْ؞ عٛ عٜوْنٜتٜىٰطٛ دٜبّٛ، نغَمْ عٛحٛوعَامَ دِغَ غٛرْکٛ#2:23 کَلِمَوٛلْ بِعَنْنغٛلْ غٛرْکٛ عٜ دٜبّٛ ندٜرْ عِبْرَنِنغْکٜىٰرٜ طٛنْ نَنْدِ؞#مَتَّ 19:5؛ مَرْکُسْ 10:7-8؛ 1 کٛرِنْتُعٜنْ 6:16؛ عٜڢٜسُعٜنْ 5:31-32؞؞» 24نغَمْ مَاجُمْ غٛرْکٛ عَشَّنْ بَابَ مُوطُمْ عٜ دَادَ#2:24 دَادَ مَلَّ عِنَّ؞ مُوطُمْ، طَکّٛتِرَنْ بٜى دٜبّٛ مُوطُمْ؞ ࢡٜلَاتٛتٛ ࢡَنْدُ وٛورُ؞ 25غٛرْکٛ عٜ دٜبّٛ مُوطُمْ ڢُو ࢡٜ تٜمْبُࢡٜ، عَمَّا کٛو مٛيْ مَࢡّٜ سٜمْتَايْ يٜىٰسٛ تَنُمْ؞
Επιλέχθηκαν προς το παρόν:
لَاتَانٛوجِ 2: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.