1 کٛرِنْتُعٜنْ 13
13
مَنغُ يِيدٜ
1تٛ مِعَنْدِ وٛلْوُغٛ طٜمْطٜ يِمْࢡٜ عٜ طٜ مَلَاعِکَعٜنْ، عَمَّا تٛ مِوَلَا يِيدٜ، ندٜنْ کَمْ مِلَاتِ بَنَ نجَمْندِ عِيدٛورِ مَلَّ کٛنغْسِيرٜ حٛولٛ؞ 2تٛ مِوٛودِ دٛکَّلْ وَطُغٛ عَنَّبَاکُ مَلَّ تٛ مِڢَامِ سِرِّيجِ اَللَّه ڢُو، تٛ مِعَنْدِ کٛو طُمٜ ڢُو، تٛ مِوٛودِ نُطِّنْکِ حَا مِوَاوِ سٛتِّنْغٛ کٛوسٜىٰجٜ بٛو، عَمَّا تٛ مِوَلَا يِيدٜ، ندٜنْ کَمْ مِ حُوندٜ مٜىٰرٜ#مَتَّ 17:20؛ 21:21؛ مَرْکُسْ 11:23؞؞ 3کٛو تٛ مِسٜنْدَنِ تَلَکَعٜنْ جَوْدِ عَمْ ڢُو، تٛ مِجَࢡِ ࢡَنْدُ عَمْ وُلٜ بٛو، عَمَّا تٛ مِوَلَا يِيدٜ، کٛو کٛ طُمْ نَڢَتَمِّ؞
4مَرْطٛ يِيدٜ مُࢩَنَنْ وٛطْࢡٜ، عٛوٛونَنَنْ ࢡٜ؞ عٛحَاجَتَا، عٛجُرَتَاکٛ، عٛمَوْنِتِتَّاکٛ؞ 5مَرْطٛ يِيدٜ وَطَتَا شٜمْتِنِيطُمْ، عٛسُکْلَنْتَاکٛ کٛ نَڢَتَ حٛورٜ مَاکٛ تَنْ، عٛتِکَّتَا لَوْ، عٛسِڢْتٛرْتَا عَيْبٜىٰجِ طِ غٛطّٛ وَطَنِمٛ؞ 6عٛسٜيٛرْتَاکٛ سٛويْندٜ عَدِلَاکُ، عَمَّا عٛسٜيٛرْتٛ غٛونغَ؞ 7مَرْطٛ يِيدٜ مُࢩَنَنْ کٛو طُمٜ ڢُو؞ نُطِّنْکِ مَاکٛ عٜ تَمُّندٜ مَاکٛ عٜ مُࢩَلْ مَاکٛ تَمْݠَتَا ندٜرْ کٛو طُمٜ ڢُو؞
8يِيدٜ دُومٛتٛ حَا ڢٛرٛيْ؞ بٛلّٜ عَنَّبَاکُ نجِنَّنْ، وٛلْوُغٛ بٜى طٜمْطٜ طٜ عَنْدَاکَ تِمَّنْ، عَنْدَلْ بٛو مَجَّنْ؞ 9نغَمْ عَنْدَلْ مٜنْ عٜ عَنَّبَاکُ مٜنْ مبَنغِنْتَا غٛونغَ ڢُو، سٜيْ غٛطُّمْ مَاکَ؞ 10عَمَّا غٜࢡٜ مَنْ مَجَّنْ تٛ غٛونغَ ڢُو وَنغِ؞
11يَاکٜ مِࢡِنغٜلْنٛ، مِ طٛنّٛ وٛلْوَ بَنَ ࢡِنغٜلْ، مِ طٛنّٛ نُمَ بَنَ ࢡِنغٜلْ، مِحِيسْتِ بَنَ ࢡِنغٜلْ بٛو؞ جٛنْتَ ندٜ مِمَوْنِ، مِعَشِّ غِکُّ ندٜرْکَاکُ؞ 12حَا نغٛنْطٜنْ جٛنْتَ طٛ، عٜنْ نغِعَتَا کُوجٜ لَاࢡْطُمْ، عٜنْ طٛنْ نغِعَ طٜ بَنَ ندٜرْ دَارٛرْغَلْ#13:12 دَارٛرْغَلْ ࢡٛويْمَ دَارٛرْغَلْ وَنغِنْتَ کُوجٜ لَاࢡْطُمْ بَنَ حَنْدٜ؞؞ عَمَّا سَاعِ وَرَنْ حَا عٜنْ نغِعَ جَوْمِرَاوٛ غِتٜ بٜى غِتٜ؞ جٛنْتَ مِعَنْدِمٛ دٛوْ دٛوْ، عَمَّا سَاعِ مَنْ مِعَنْدَنْ مٛ لَاࢡْطُمْ تَلْ بَنَ نٛ کَنغْکٛ بٛو عٛعَنْدِرِ يَمْ؞
13جٛنْتَ کَمْ، ندَا کُوجٜ تَتِ طٛنْ: نُطِّنْکِ عٜ تَمُّندٜ عٜ يِيدٜ؞ عَمَّا کٛ ࢡُرِ مَوْنُغٛ طُمْ يِيدٜ؞
Επιλέχθηκαν προς το παρόν:
1 کٛرِنْتُعٜنْ 13: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.